သူရိယနေဝန်းကို တရားစွဲမယ့် ဦးရွှေမန်း မိသားစု အမှန်တရားကို ရင်ဆိုင်ရဲရဲ့လား

Ma May MoonFollow

သူရိယနေဝန်းကတော့ တွယ်ပြီ
မင်းသားကြီး ဘာပြောမလဲ…
Image may contain: 2 people, text
သူရိယနေဝန်းကို တရားစွဲမယ့် ဦးရွှေမန်း မိသားစု
အမှန်တရားကို ရင်ဆိုင်ရဲရဲ့လား

အားပေးသူပရိသတ်သိန်းချီနေတဲ့ အပတ်စဉ်ထုတ် သူရိယနေဝန်းဂျာနယ်မှ ထုတ်ဝေသူ၊ အုပ်ချုပ်သူ နှင့် ဆောင်းပါးဆရာတစ်ဦးတို့ကို ဦးရွှေမန်းမိသားစုဘက်မှ ဆက်သွယ်ရေးဥပဒေပုဒ်မ ၆၆(ဃ) နှင့် အမှုဖွင့်တရားစွဲထားသည်။ ရန်ကုန်တိုင်း မင်္ဂလာဒုံမြို့မရဲစခန်းတွင် အမှုဖွင့်ခဲ့ခြင်းဖြစ်၍ ဂျာနယ်ပါ ဆောင်းပါးများတွင် ဦးရွှေမန်းနှင့် တိုးနိုင်မန်းတို့အပေါ် ဂုဏ်သိက္ခာထိခိုက်စေသည်ဟူသည့် အကြောင်းပြချက်ဖြင့် ဗိုလ်ကြီးမြင့်ဇော်(ငြိမ်း) ဆိုသူက တရားလိုပြုလုပ်၍ တိုင်တန်းခဲ့ခြင်းဖြစ် သည်။

တရားစွဲခိုင်းသည့် တရားလိုမှာ အခြားတစ်ယောက်ဖြစ်သော်လည်း တရားစွဲသည့်ကိစ္စမှာ ဦးရွှေမန်း နှင့် တိုးနိုင်မန်းတို့အကြောင်း ရေးသားချက်များဖြစ်ရာ ဂျာနယ်ပါအကြောင်းအရာများ မှန်ကန်မှုရှိ/ မရှိ ဦးရွှေမန်းမိသားစုဘက်မှ ငြင်းဆန်နိုင်ဖို့လိုမည်ဖြစ်သည်။ “အဖေ ရှင်ဘုရင်လုပ်ရင်သားတွေ ခရိုနီမလုပ်နဲ့ သားတွေခရိုနီလုပ်ရင် အဖေရှင်ဘုရင်မလုပ်နဲ့ သမ္မတဖြစ်ချင်ရင် ပိုင်ဆိုင်မှုကြေညာ ပါ”၊ “သားနှစ်ယောက် ဓားနှစ်လက် သမ္မတအိပ်မက် မျှော်လင့်နေဆဲပင် မန်းသဘင်ရဲ့ နန်း ပလ္လင်”၊ “ဗိုလ်ချုပ်ကြီး သူရရွှေမန်း(ငြိမ်း)၏ ဓာတ်ပုံဖြင့် သူကြီးဘရွှေရဲ့ ဒုတိယဇာတ်ကောင် ခရိုနီ တွေကို ဖောင်ပေါ်တင်ပြီး ဧရာဝတီထဲ မျှောလို့ရမလား”၊ “စိန်ကညာတယ် … မန်းကနွှာတယ်… မန်း သို့မဟုတ် သစ္စာဖောက်လား၊ တော်လှန်သူလား ဦးရွှေမန်း၏ လျှိုဝှက်အစီရင်ခံစာ သို့မဟုတ် ကိုယ့်တပ်ကိုယ် ပြန်နင်းခြင်းလား”၊ “ခေတ်သစ်ဇီးသီးသည် မဗျိုင်းမ၏ သံဝေဂ” စသည့် ဆောင်းပါးများအားလုံးသည် အမှန်တရားကိုအခြေခံ၍ ရေးသားထားခြင်းဖြစ်ပြီး ပြည်သူများ သက်သေ ခံနိုင်သည်။ တရားစွဲသူ ဗိုလ်ကြီးဟောင်းကရော ဒါတွေမမှန်ဘူးလို့ အာမခံနိုင်ရဲ့လား။ တရားစွဲသူတွေကိုယ်တိုင်က ဘယ်လောက်ထိ ရိုးသားနေကြလို့လဲဟု မေးခွန်းထုတ်လိုသည်။

ဂျာနယ်ပါ အကြောင်းအရာများနှင့် ပတ်သက်၍လည်း ဦးရွှေမန်းဘက်မှရော အမှန်တကယ် အစစ် ဆေးခံနိုင်ခြင်း ရှိ/မရှိ၊ ဦးရွှေမန်း၏ သားများအနေဖြင့် ဦးရွှေမန်း နာမည်သုံးကာ လုပ်စားခဲ့ ဘူးခြင်းရှိ/မရှိ၊ ဗိုလ်ချုပ်ကြီးဘဝတွင်လည်း ဗိုလ်ချုပ်ကြီး အလျှောက်၊ လွှတ်တော် ဥက္ကဋ္ဌ ဘဝတွင် လည်း လွှတ်တော်ဥက္ကဋ္ဌအလျှောက် ဦးရွှေမန်း၏ အရှိန်အဝါကိုသုံးပြီး မည်သည့် စီးပွားရေး၊ မည်သည့်အခွင့်အလမ်းကိုမျှ ယူခဲ့ဖူးခြင်းရှိ/မရှိ ပွင့်လင်းမြင်သာစွာ အစစ်ခံရဲရမည်ဖြစ် သည်။ ဦးရွှေမန်း ဧရာဝတီတိုင်းတွင် စစ်တိုင်းမှူးအဖြစ် တာဝန်ထမ်းဆောင်စဉ်က ဧကသိန်းချီ မြေသိန်းခဲ့သည့်ကိစ္စ၊ အဖေ့အရှိန်သုံးပြီး အောင်သက်မန်းနှင့် တိုးနိုင်မန်းတို့ အခွင့်အာဏာတွေယူခဲ့ သည့် ကိစ္စများအတွက် ဦးရွှေမန်းမိသားစုဘက်မှ အစစ်ဆေးခံနိုင်ရဲ့ လား မေးလိုသည်။
ထို့အပြင် ဦးရွှေမန်း တတိယအဆင့်အမြင့်ဆုံးဖြင့် နိုင်ငံတော်ကို အုပ်ချုပ်စဉ် နေပြည်တော် နေပြည်တော် တည်ဆောက်ရေးလုပ်ငန်းမှ စီမံကိန်းများစွာကို ဦးအောင်သက်မန်းပိုင် ဧရာရွှေဝါကုမ္ပဏီက ကန်ထရိုက်ရယူခဲ့ဖူးသည်။ ၂၀၀၈ ခုနှစ် ဒီဇင်ဘာလက မီးလောင်ပျက်စီးသွားသည့် မော်လမြိုင်ဈေးကြီးနေရာတွင် ဈေးသစ်ကြီးတစ်ခုကို ဦးအောင်သက်မန်း ရှယ်ယာများစွာပါသော ဧရာဟင်္သာကုမ္ပဏီမှ ပြန်လည် ဆောက်လုပ်ခွင့်ရခဲ့သည်။ ဦးရွှေမန်းတိုင်းမှူးဖြစ်စဉ် ဦးအောင်သက်မန်းပိုင်ဆိုင်သည့် ဧရာရွှေဝါ ကုမ္ပဏီမှ ဧရာဝတီတိုင်းတွင်းမှ တောင်သူများကို ဓာတ်မြေသြဇာများ မယူမနေရစနစ်ဖြင့် ရောင်း ချခြင်း၊ ရေနက်ကွင်းစီမံကိန်းအတွက် ဧကသိန်းချီသော လယ်မြေများသိမ်းဆည်းခြင်းများ လုပ်ဆောင်ခဲ့ရာ ယင်းကိစ္စများအတွက် ဦးရွှေမန်း အပစ်ကင်းသည်ဟု ငြင်းဆိုရဲလိမ့်မည် မထင်ပါ။

အလားတူ တိုးနိုင်မန်း ပိုင်ဆိုင်သည့် Red Link Communications Ltd သည် မြန်မာနိုင်ငံတွင် ပထမဆုံး Wimax စနစ်ဖြင့် အခပေး အင်တာနက်လုပ်ငန်းကို လုပ်ကိုင်ခွင့်ရရှိခဲ့မှု၊ ဗိုလ်ချုပ်ကြီးသူရရွှေမန်း အရှိန်ဖြင့် ဆက်သွယ်ရေးဝန်ကြီး ဦးသိန်းဇော်မှ ဦးတိုးနိုင်မန်းအား Red Link နှင့် အခြားအင်တာ နက်လုပ်ငန်းများ လုပ်ကိုင်ခွင့်ပေးခဲ့မှု၊ Cherry FM ထုတ်လွှင့်ခွင့်၊ ဆီဆိုင်ဖွင့်ခွင့် ပါမစ်များနှင့် Elite Express လိုင်း၏ ချမ်းသာကြွယ်ဝမှုများအားလုံးကို မကွယ် မဝှက်၊ မထိန်မချန်ဘဲ ချပြနိုင်ဖို့ လိုပါလိမ့်မည်။

ထို့အပြင် ၂၀၀၁ ခုနှစ်ဝန်းကျင်က ရှမ်းပြည်နယ် တောင်ပိုင်း ဗထူးမြို့တွင် ဖြစ်ပွားခဲ့သည့် တိုးနိုင်မန်း၏ ကားတိုက်မှုကိစ္စ၊ ယင်းကားကို တိုးနိုင်မန်းကိုယ်တိုင်မောင်းခဲ့ပြီး ကားတိုက်မှု ကြောင့် စစ်ဗိုလ် ၂ ဦး သေဆုံးခဲ့ရသော်လည်း တိုးနိုင်မန်း အရေးယူမခံခဲ့ရသည့်ကိစ္စနှင့် ယင်းအမှုကို စစ်ဆေးချိန်တွင် အိမ်မှာရှိတဲ့ စစ်တပ်က တပ်ကြပ်ကြီးတစ်ဦးကို လူစားထိုး ထောင်ကျစေခဲ့သည့် ကိစ္စများအတွက် ပြန်လည်စစ်ဆေးခံနိုင်ပါသလားဆိုသည့် မေးခွန်းကို ဦးရွှေမန်းအား မေးခွန်းထုတ်လိုသည်။ ထို့ပြင် စစ်တပ်တွင်းမှ တိုးနိုင်မန်း အလွယ်တကူ ထွက်ခွင့် ရသွားသည့် ကိစ္စကိုလည်း ပြန်လည် စစ်ဆေးခံနိုင်ပါရဲ့ လား မေးလိုသည်။

ထိုမျှမကသေး၊ သစ်တောဌာနကို ဖိအားပေးကာ ဒေါ်ခင်လေးသက်အမည်ပေါက်ဖြင့် သိမ်းယူခဲ့ သော ဧက သောင်းချီသည့် ကျွန်းစိုက်ခင်းများအား တူဖြစ်သူ၏အမည်ဖြင့် လွှဲပြောင်းခဲ့သည့် ကိစ္စများ၊ လဝကကို ဖိအားပေးကာ ဒေါ်ခင်လေးသက်၏ မူလမျိုးနွယ် တရုတ်လူမျိုးနှင့် မူလအမည် ဒေါ်ကင်မင်းကို ပယ်ဖျက်ခဲ့သည့် ကိစ္စများကိုလည်း ဦးရွှေမန်းဘက်က ပွင့်လင်းမြင် သာစွာ အစစ်ဆေးခံရဲရ ပါလိမ့်မည်။

ညောင်မြစ်တူးရာမှ ပုပ်သင်ဥပေါ်လာပြီဖြစ်ရာ မီဒီယာသမားများက ပုဒ်မ ၆၆ ကြောင့် ထောင် ၆ လ မကျဘဲ အာဏာအလွဲသုံးစားလုပ်မှု၊ မတရားသော နည်းလမ်းများဖြင့် လုပ်ပိုင်ခွင့်များ ရယူခဲ့မှု၊ ပြည်သူပိုင်လယ်မြေများနှင့် နိုင်ငံပိုင်သစ်တောမြေများ သိမ်းဆည်းမှု၊ လူစားထိုးထောင်ချမှု အပါ အဝင် အခြားပစ်မှုများစွာအတွက် ဦးရွှေမန်းမိသားစုဝင်များ အဖက်ဆည်မရအောင် သိက္ခာကျသွား နိုင်ပေသည်။

credit #သူရိယနေ၀န်း/ ဝေယံထွန်း

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s