“အစွန်းရောက်မျိုးချစ်စိတ်နှင့် နိုင်ငံ့ဂုဏ်သိက္ခာ”

Have A Say – ဆိုရေးဆိုရာ

“အစွန်းရောက်မျိုးချစ်စိတ်နှင့် နိုင်ငံ့ဂုဏ်သိက္ခာ”

မြန်မာနိုင်ငံသည် လူမျိုးစုံဘာသာစုံ မှီတင်းနေထိုင်သော နိုင်ငံဖြစ်သည်။ ဘာသာရေးအရ ငြိမ်းချမ်းမှုကို လိုလားသော ဗုဒ္ဓဘာသာဝင်အများစု နှင့် အခြားဘာသာဝင်များ အတူတကွ မှီတင်းနေထိုင်ကြသည်ကို အများအသိပင်။ အခြေခံဥပဒေတွင်လည်း ရေးသားထားပါသည်။ ယခုရက်များအတွင်း မြန်မာနိုင်ငံသားတို့အတွက် စိတ်နှလုံးပူပင်စရာ ကိစ္စတစ်ရပ်ရှိသည် ဆိုပါက ဦးကိုနီနှင့် ကိုနေဝင်းတို့ အသက်ပေးခဲ့ရသော လုပ်ကြံမှုကြီးအတွက် ပြည်ထဲရေးဝန်ကြီး ပြောဆိုသွားခဲ့သော ‘အစွန်းရောက် မျိုးချစ်စိတ် ကြောင့် လုပ်ကြံသည်’ ဟူသော စကားပင် ဖြစ်မည်။

No automatic alt text available.

ဝန်ကြီးက မည်သည့် အထောက်အထားကြောင့် ပြောဆိုခဲ့သည်ကို မထင်ရှားသော်လည်း သူ့စကားမှန်ကန်ကြောင်းကိုမူ မကြာမတင်ပင် လူအများ မြင်ခဲ့ကြရပေသည်။ ထိုစကားပြောအပြီး နေ့မကူးတွင်ပင် နာမည်ကျော် မဘသ ဦးဆောင် ရဟန်းဖြစ်သော ဝီရသူ(မစိုးရိမ်) ၏ မှတ်ချက်စကား လူမှုကွန်ယက်အပေါ်တွင် ပျံ့နှံ့ လာခဲ့သောကြောင့်ပင်။ ဥူးဝီရသူက ‘သတ်သူနဲ့ သေသူရှိရာမှာ သတ်သူတိုင်း ဆိုးတာမဟုတ်သလို သေသူတိုင်း ကောင်းတာမဟုတ်ဘူး။’ ဟုအစချီပြီး လူသတ်မှုကို အားပေးသော စာတစ်ပုဒ် ရေးတင်ခဲ့သည်။

ထိုမျှတွင်မက ‘ချောင်ကြိုချောင်ကြားမှ ကြည်လင်းများ’ အမည်ရှိ စာတစ်ပုဒ်ဖြင့်လည်း စာနယ်ဇင်းများကိုသာမက လက်ရှိနိုင်ငံတော် တာဝန်ရှိနေသူများကိုလည်း စော်ကားခြိမ်းခြောက်ခဲ့လေသည်။
‘ကြည်လင်းကို ကျေးဇူးတင်တယ်။
အောင်ဝင်းဇော်ကို ကျေးဇူးတင်တယ်။
အောင်ဝင်းခိုင်ကို ကျေးဇူးတင်တယ်။
ဇေယျာဖြိုးကို ကျေးဇူးတင်တယ်။’
‘ကြည်လင်းတွေ ချောင်ကြို ချောင်ကြားက ထွက်လာမှ မဘသကို လွှဲမချ ကြနဲ့။’
အစရှိသော အကြမ်းဖက်မှု အားပေးသော စာသားများကို ရေးသားခဲ့သည်။ ပြည်သူအများကလည်း အမျိုးမျိုးဝေဖန်ပြောဆိုပြီး ငြိမ်းချမ်းစွာ ဗုဒ္ဓဘာသာကိုးကွယ်သော ပြည်သူအများ စိတ်နှလုံးညှိုးနွမ်းစရာ အခြေအနေများ ဖြစ်ပေါ်နေပေသည်။

ထိုအခြေအနေတွင် ပြည်ထဲရေးဝန်ကြီး ပြောကြားခဲ့သော ‘အစွန်းရောက် မျိုးချစ်စိတ် ကြောင့် လုပ်ကြံသည်’ ဟူသော စကားနှင့် ဆက်စပ်ကြည့်မည် ဆိုပါက လုပ်ကြံမှုကြီ၏ အဓိက Motive တွန်းအားဖြစ်သော အစွန်းရောက် မျိုးချစ်စိတ်များ ပေါက်ပွားပြန့်နှံ့နေမှုမှာ စိုးရိမ်ဖွယ်ရာ အခြေအနေ တစ်ခုဖြစ်နေပြီဟု ပြည်သူအများ ပူပန်နေကြလေသည်။ လုပ်ကြံမှုကို တိုက်ရိုက်အမိန့်ပေးဆောင်ရွက်သည်ဟု မဆိုသာသေးသော်လည်း လုပ်ကြံမှုဖြစ်စေရန် စိတ်ဓာတ်ရေးရာ အယူဝါဒရေးရာ တွန်းအားအဖြစ် အကြောင်းရင်းအဖြစ် ရှိခဲ့သည်ဟုတော့ ဆိုသာပေမည်။ ထို ‘အစွန်းရောက် မျိုးချစ်စိတ်’ အကြောင်းရင်းကိုလည်း ပြည်ထဲရေးဝန်ကြီး ကိုယ်တိုင် သိရှိပြီး ဖြစ်၍ ထုတ်ဖော် ပြောကြားခဲ့သည်မှာလည်း အများအသိပင်။

အသေအချာ စဉ်းစားပါက လူမျိုးပေါင်းစုံ ဘာသာပေါင်းစုံ မှီတင်းနေထိုင်ကြသော မြန်မာနိုင်ငံတွင် ထိုကဲ့သို့ အစွန်းရောက် အယူဝါဒများ တိုးပွားပြီး မင်္ဂလာဒုံ လေဆိပ်ကဲ့သို့ အများသူငါ မြင်ကွင်းတွင် လုပ်ကြံသတ်ဖြတ်မှုများ ဖြစ်သည်အထိ အရှိန်မြင့်လာသည်မှာ အန္တရာယ် အင်မတန် ကြီးမားလှသည်။ လူမျိုးရေး ဘာသာရေး အမုန်းပွားအောင် လှုံ့ဆော်ခြင်းများသည် တည်ဆဲဥပဒေအရလည်းကောင်း၊ အခြေခံ ဥပဒေအရလည်းကောင်း လက်ခံနိုင်ဖွယ်မရှိပေ။ ဆိုခဲ့ပါ ဥူးဝီရသူပင်လျှင် ယခင်က တရားဥပဒေအရ အရေးယူခံရပြီး ထောင်သွင်း အကျဉ်းချ ခံခဲ့ရသည်။ အခြေခံဥပဒေ ပုဒ်မ ၃၆၄ တွင်လည်း နိုင်ငံရေးနှင့်ဘာသာရေး ရောယှက်ခြင်းနှင့် ဘာသာရေးလူမျိုးရေး အမုန်းပွားလှုံ့ဆော်မှုများကို တားဆီးနိုင်ရန် လိုအပ်ပါက ဥပဒေများပြဌာန်နိုင်ရေးအတွက် လမ်းဖွင့်ပေးထားသည်ကို တွေ့ရသည်။

ထိုကဲ့သို့ လူမျိုးရေးဘာသာရေး အစွန်းရောက်ပြီး အမုန်းစကားများ အမုန်းတရားများကို အီလက်ထရောနစ် လူမှုကွန်ယက်များတွင်ရော အပြင်လောကတွင်ပါ အတားအဆီးမရှိ တရားဝင်ဘိသကဲ့သို့ သောင်းသောင်းဖျဖျ ဖြန့်ဝေနေသည်မှာ အချိန်ကာလ အတော်ကြာခဲ့ ပြီ ဖြစ်ပြီး အစိုးသစ် တက်လာပြီးနောက်ပိုင်းတွင် အစိုးရကို ဦးတည်တိုက်ခိုက်မှုများလည်း ပိုမိုလာခဲ့သည်။ ထိုကိစ္စနှင့် စပ်လျဉ်းပြီး သက်ဆိုင်သော ဝန်ကြီးဌာနများဖြစ်သော သာသနာရေး ဝန်ကြီးဌာနနှင့် ပြည်ထဲရေး ဝန်ကြီးဌာနတို့မှ မည်သို့ အရေးယူ တုန့်ပြန် ဆောင်ရွက်မည်ကိုမူ မရှင်းလင်း လှသေးပေ။

မြန်မာနိုင်ငံတွင် အများစု ကိုးကွယ်နေသော ဗုဒ္ဓဘာသာဝင်အများစု၏ စိတ်နှလုံးညှိုးခြုံးနေမှုကို သာသနာရေး ဝန်ကြီးဌာနအနေဖြင့် ထည့်သွင်းစဉ်းစားသင့်သည်။ မဘသ အဖွဲ့သည် တရားဝင် သံဃာ့အဖွဲ့မဟုတ်ကြောင်းကိုလည်း နိုင်ငံတော် သံဃမဟာနာယကက ကြေညာခဲ့ပြီးဖြစ်၏။ ပြည်ထဲရေးဌာနဘက်မှလည်း မကြာခင်ကာလက ရွှေတိဂုံတွင် ဖြစ်ခဲ့ဖူးသကဲ့သို့ သံဃာများပါဝင်ပြီး အမုန်းတရားဖြင့် ပြောင်ပြောင်တင်းတင်း အကြမ်းဖက် ဆောင်ရွက်မှုများကို ဥပဒေအတိုင်း ဆောင်ရွက်ခဲ့ပါသလားဟု မေးစရာလည်း ရှိနေသည်။ အခြားဘာသာအခမ်းအနားများကို သံဃာများအပါအဝင် လူအုပ်နှင့် နှောက်ယှက်မှုများ မကြာခဏဖြစ်ပွားနေသည်ကိုလည်း ပြည်ထဲရေးမှ အရေးယူခြင်း မတွေ့ရပေ။ မဘသဆရာတော်များ အမုန်းတရားလိုက်လံ ဟောကြားမှုများ၊ နိုင်ငံရေးတွင် ပြောင်ပြောင်တင်းတင်း ဝင်စွက်မှုများကို ဟန်တားနိုင်ခြင်း အလျဉ်းမရှိချေ။ ခြုံကြည့်မည်ဆိုပါက အမုန်းပွားမှုများ၊ ဥပဒေချိုးဖောက်မှုများနှင့် ပတ်သက်၍ လုံလောက်သော ထိမ်းသိမ်းကာကွယ်မှုများ မလုပ်ခဲ့သည်မှာတော့ မြင်သာပေသည်။

ဤသို့ လျော့လျဲနေမှုများကို အုပ်ချုပ်ရေးမဏ္ဍိုင်ကို စောင့်ကြည့် ထိန်းကျောင်းပေးရမည့် လွှတ်တော်များ ဘက်ကလည်း လိုအပ်သလိုဆောင်ရွက်ရန် တာဝန်ရှိ အုပ်ချုပ်သူများကို တိုက်တွန်း သင့်လှပြီး လိုအပ်သည့် ဥပဒေများ ရှိပါကလည်း ပြင်ဆင်ခြင်း ရေးဆွဲခြင်းများ ပြုရပေမည်။ လွှတ်တော်ရှိ တရားဥပဒေစိုးမိုးရေး ကော်မရှင်ကလည်း တရားဥပဒေစိုးမိုးရေး ရှုထောင့်မှ ဖိတ်ခေါ်ဆွေးနွေးသင့်လှသည်။ အဘယ်ကြောင့်ဆိုသော် မြန်မာနိုင်ငံတွင်းမှ အစွန်းရောက်အယူဝါဒ ဖြန့်ဝေမှုများ ခေါင်းဆောင်ရဟန်းများ၏ သတင်းသည် ကမ္ဘာအနှံ့ ပြန့်နှံလျက် နိုင်ငံ့သိက္ခာ ဘာသာ့သိက္ခာကို ထိခိုက်သည်အထိ ဖြစ်နေပေသည်။ လတ်တလောတွင်လည်း ဗုဒ္ဓဘာသာအများစု နေထိုင်သော ထိုင်းနိုင်ငံမှ ဝရမ်းပြေးဖြစ်နေသော အကျင့်ပျက် ဘုန်းတော်ကြီးနှင့် ပတ်သက်၍လည်း မဘသအဖွဲ့နှင့် ဥူးဝီရသူတို့ကို သတင်းစာများက ဝေဖန်နေပေပြီ။ ထိုအခြေအနေများကို သုံးသပ်ပြီး နိုင်ငံဂုဏ်သိက္ခာနှင့် နိုင်ငံသားအများစု၏ ဂုဏ်သိက္ခာအတွက် ဆောင်ရွက်သင့်သည်များကို ကြံဆသင့်နေပေပြီ။

အချုပ်ဆိုရလျှင် ပြည်သူအများ တင်မြှောက်ထားသော ပြည်သူ အစိုးရနှင့် ပြည်သူ့ကိုယ်စားလှယ်များ အနေဖြင့် ငြိမ်းချမ်းသာယာစွာ နေထိုင်လိုသော ပြည်သူများ၏ သောကအပူမီးကို စာနာနားလည်ပြီး တိုင်းပြည်ဖျက်မည့် အစွန်းရောက် မီးပွားများကို ထိထိရောက်ရောက် ပယ်သတ်ပေးနိုင်ကြပါစေကြောင်း ဆန္ဒပြုလိုက်ရပါသည်။

အတွေးအမြင် #HaveASay
သရုပ်ဖော်ပုံ : Internet

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s