Dictator:A Story of Burma’s Military Rulers အာဏာရှင်များနှင့် မြန်မာ့တပ်မတော်

ာာဏာရှင်များနဲ့ ဗမာ့တပ်မတော်

Image may contain: 3 people

အာဏာရှင်များနှင့် မြန်မာ့တပ်မတော် အပိုင်း (၁) – ဗိုလ်နေဝင်း တက်လာခြင်း

(ဧရာဝတီမဂ္ဂဇင်းတွင် အခန်းဆက်ဖော်ပြခဲ့သော အောင်ဇော်၏ Dictator:A Story of Burma’s Military Rulers ကို နိုင်မင်းသွင် ဆီလျော်အောင် ဘာသာပြန်ဆိုသည်။)

နိုင်ငံရေး, တပ်မတော်, ဗိုလ်ချုပ်ကြီး နေဝင်း, မဆလခေတ်, ဆိုရှယ်လစ်(ဒီဇိုင်း – ကာကြီး)

ပြီးခဲ့တဲ့ ရာစုနှစ် တဝက်လောက်ကာလမှာ မြန်မာနိုင်ငံကို သဘောထားတင်းမာပြီး အညှာအတာကင်းသူ နှစ်ယောက်ဖြစ်တဲ့ ဗိုလ်ချုပ်ကြီး နေဝင်းနဲ့ ဗိုလ်ချုပ်မှူးကြီး သန်းရွှေက အစဉ်အဆက် အုပ်ချုပ်ခဲ့ကြတယ်။ ဗိုလ်ချုပ်ကြီး နေဝင်းက ကွန်မြူနစ်နဲ့ ဆိုရှယ်လစ် အတွေးအခေါ်တွေ လွှမ်းမိုးတဲ့ လွတ်လပ်ရေးကြိုးပမ်းမှုကာလရဲ့ ထုတ်ကုန် တခုဖြစ်ပြီး ဗိုလ်ချုပ်မှူးကြီးသန်းရွှေကတော့ ဗိုလ်ချုပ်ကြီးနေဝင်းရဲ့ အာဏာရှင်အုပ်ချုပ်ရေးနဲ့အတူ အောင်မြင်မှုမရခဲ့တဲ့ ဆိုရှယ်လစ် စီးပွားရေးစနစ်ရဲ့ ထွက်ကုန်တခုပါ။

မြန်မာနိုင်ငံရဲ့ ဒီမိုကရေစီနဲ့ လူ့အခွင့်အရေးအတွက် တိုက်ပွဲဝင်ခဲ့ကြတဲ့ ဒေါ်အောင်ဆန်းစုကြည် နဲ့ သူ့ရဲဘော်တွေကလည်း အာဏာရှင်စစ်အစိုးရနဲ့ သူတို့ရဲ့ စိတ်ဓာတ်ရေးရာ အခြေခံကို ပုံဖော်ပေးခဲ့ကြတဲ့ သူတို့နှစ်ယောက်ရဲ့ နောက်ခံသမိုင်းနဲ့ လုပ်ဆောင်ချက်တွေကို ကောင်းကောင်း သိနားလည်ကြပါတယ်။ အတိုက်အခံတွေ ပြုလုပ်တဲ့တွက်ချက်မှု၊ ဆုံးဖြတ်ချက် အားလုံးဟာ ဒီအတိတ်သမိုင်းအပေါ်မှာ အခြေခံ စဉ်းစားပြီး ဆောင်ရွက်ပါတယ်။ ဘာဖြစ်လို့လဲဆိုတော့ ဒါတွေက ဗိုလ်ချုပ်မှူးကြီး သန်းရွှေနဲ့ သူ့ရဲ့ နောက်လိုက် ဗိုလ်ချုပ်တွေရဲ့ အတွေးအခေါ်ဘယ်လို ယိမ်းမယ်ဆိုတာ ဖော်ပြနေလို့ပါပဲ။ နောက်ပြီး အင်တိုက်အားတိုက် ပါဝင်နေသူပဲဖြစ်ဖြစ်၊ ထဲထဲဝင်ဝင် မသိဘဲ သရုပ်ခွဲနေသူဖြစ်ဖြစ်၊ မြန်မာ့အရေး စောင့်ကြည့်သူ ဘယ်သူမဆို နိုင်ငံကို ဒီနေ့အခြေအနေ ရောက်လာအောင် ပြောင်းလဲပစ်ခဲ့တဲ့ ဒီ အာဏာရှင်ကြီး နှစ်ယောက်နဲ့ ပတ်သက်တဲ့ အကြောင်းအရာတွေကို အကျွမ်းတဝင် ရှိထားသင့်ပါတယ်။

ဧရာဝတီ မဂ္ဂဇင်း အယ်ဒီတာ ကိုအောင်ဇော်

နာမည် မောင်ရှုမောင်လို့ ခေါ်တဲ့ ဗိုလ်ချုပ်ကြီး နေဝင်းကို ရန်ကုန်မြို့မြောက်ဖက် မိုင် ၂၀ဝ လောက် အကွာမှာရှိတဲ့ ပဲခူးတိုင်း ပြည်ခရိုင်မှာ ၁၉၁၁ ခုနှစ်မှာ မွေးဖွားခဲ့ပါတယ်။ အလယ်အလတ် အဆင့်အတန်းရှိတဲ့ မိသားစုမှာ ကြီးပြင်းခဲ့ပြီး အမျိုးသား အထက်တန်းကျောင်းမှာ တက်ရောက် ပညာသင် ကြားခဲ့တယ်။ ကလေးဘဝတုန်းက သူဖြစ်ချင်ခဲ့တာက ဆရာဝန်ပါ။ ဒါပေမယ့် ရန်ကုန်တက္ကသိုလ်တက်တဲ့ အချိန်မှာ စာကောင်းကောင်း မလိုက်နိုင်ခဲ့တဲ့အတွက် သူ့ရဲ့ ဆေးပညာအိပ်မက်တွေ ပျက်စီးခဲ့ရပါတယ်။ တက္ကသိုလ်က ထွက်ခဲ့ရပြီးတဲ့နောက် ကိုရှုမောင်ဟာ နေ့တိုင်းပဲ မြန်မာနိုင်ငံကို ဗြိတိသျှ လက်အောက်က လွတ်မြောက်အောင် ဘယ်လိုလုပ်ရမလဲဆိုတာ ဆွေးနွေးရင်း အချိန်ကုန်တတ်တဲ့ ကျောင်းသားသူငယ်ချင်း တစုနဲ့အတူ ရန်ကုန်မှာပဲ ဆက်နေခဲ့ပါတယ်။

အဲဒီနောက်တော့ ရန်ကုန်တက္ကသိုလ် ကျောင်းသားများသမဂ္ဂ ဥက္ကဋ္ဌ ကိုနု၊ အတွင်းရေးမှူး ကိုအောင်ဆန်းတို့နဲ့အတူ ကိုရှုမောင်ဟာ အမျိုးသားရေး အဖွဲ့ အစည်းတခုဖြစ်တဲ့ ဒို့ဗမာအစည်းအရုံးဝင် သခင်ရှုမောင် ဖြစ်လာပါတယ်။

၁၉၄၁ ခုနှစ်မှာတော့ ကိုအောင်ဆန်းနဲ့ ကိုရှုမောင်ဟာ ဂျပန်နိုင်ငံမှာ စစ်ပညာသင်ကြားဖို့အတွက် “ရဲဘော်သုံးကျိပ်” လို့ လူသိများလာခဲ့တဲ့ လူငယ် ၃၀ ထဲမှာ ပါဝင်ဖို့ ရွေးချယ်ခံရပြီးတော့ ဗမာ့လွတ်လပ်ရေး တပ်မတော် (BIA) ကို ဖွဲ့စည်းခဲ့ကြတယ်။ ရဲဘော် သုံးကျိပ်ဟာ မြန်မာနိုင်ငံထဲကို ပြန်လည်မဝင်ရောက်ခင် နာမည်ပြောင်းခဲ့ကြချိန်မှာ သခင်အောင်ဆန်းက “ဗိုလ်တေဇ” ဆိုတဲ့နာမည်ကို ရွေးချယ်ပြီး သခင် ရှုမောင်က တောက်ပလင်းလက်တဲ့ နေဝန်းလို့ အဓိပ္ပာယ်ရတဲ့ “ဗိုလ်နေဝင်း” ဆိုတဲ့ နာမည်ကို ခံယူခဲ့ပါတယ်။

မြန်မာ့လွတ်လပ်ရေး လှုပ်ရှားမှုရဲ့ အငြင်းပွား ဖွယ်ရာမရှိ ခေါင်းဆောင်ဖြစ်တဲ့ ဗိုလ်ချုပ်အောင်ဆန်း ၁၉၄၇ ခုနှစ်မှာ သူရဲ့နိုင်ငံရေးပြိုင်ဖက် တဦးဖြစ်သူ ဂဠုန်ဦးစောရဲ့ လုပ်ကြံသတ်ဖြတ်ခြင်း ခံခဲ့ရပါတယ်။ ၁၉၄၈ ခုနှစ် မြန်မာနိုင်ငံ လွတ်လပ်ရေးရပြီးတဲ့ နောက်မှာတော့ ဦးနု ဝန်ကြီးချုပ်ဖြစ်လာခဲ့တယ်။ အဲဒီနှစ် မတ်လအတွင်းမှာ ဗမာပြည်ကွန်မြူနစ်ပါတီ (CBP) တောခိုသွားခဲ့ပြီး အနီရောင်ခေတ် (ကွန်မြူနစ်ခေတ်) ကို တည်ထောင်ဖို့ လက်နက်ကိုင် တော်လှန်ရေးလမ်းစဉ်ကို ရွေးချယ်လိုက်တယ်။

အစိုးရတပ်ဖွဲ့တွေနဲ့ ဗမာပြည်ကွန်မြူနစ်ပါတီ ကြားမှာ ပထမဆုံးတိုက်ပွဲဖြစ်ခဲ့တာက ရန်ကုန် တောင်ဘက်က ပဲခူးမှာပါ။ မကြာခင်မှာပဲ တိုက်ပွဲတွေဟာ ကွန်မြူနစ်တွေ အခိုင်အမာ ထိန်းချုပ်ထားတဲ့ မြန်မာနိုင်ငံ အလယ်ပိုင်းအထိ ပျံ့နှံ့သွားပါတော့တယ်။ တချိန်တည်းမှာပဲ ကရင်တိုင်းရင်းသား လက်နက်ကိုင်တွေကလည်း ကိုယ်ပိုင်အုပ်ချုပ်ခွင့် အတွက် လက်နက်ကိုင်တော်လှန်ဖို့ အားထုတ်လာပါတယ်။

ဖြစ်တည်ခါစ မြန်မာ့တပ်မတော်ကလည်း ဖရိုဖရဲဖြစ်နေပြီး ငြိမ်ဝပ်ပိပြားရေးကို ထိန်းသိမ်းနိုင်စွမ်းမရှိ ဖြစ်ခဲ့ရတယ်။ နယ်မြေ အမြောက်အမြား လက်လွှတ်ဆုံးရှုံးခဲ့ပြီး ကွန်မြူနစ်တွေနဲ့ တိုင်းရင်းသား လက်နက်ကိုင်တွေရဲ့ အင်အားက အစိုးရတပ်တွေထက် ပိုများနေပါတယ်။ ဗိုလ်နေဝင်း ၁၉၄၉ ခုနှစ် ဖေဖော်ဝါရီလမှာ စစ်ဦးစီးချုပ်ဖြစ်လာတဲ့အခါ သူ့မှာ စစ်သား ၂၀ဝ၀ ပဲရှိတယ်။ မြန်မာပြည်ရဲ့ အမျိုးသား ရေးစိတ်ပြင်းထန်တဲ့ မျိုးချစ်လူငယ်အများစုက နိုင်ငံဟာ အန္တရာယ်ကြီးတဲ့ လမ်းကြောင်းကို ဦးတည်နေပြီလို့ တွေးခဲ့ကြပါတယ်။ ဒီကြားထဲ အခြေအနေကို ပိုပြီးဆိုးဝါးစေတဲ့ အကြပ်အတည်းအသစ် တခုကလည်း မြန်မာနိုင်ငံမြောက်ဖက်ပိုင်းကို ရောက်လာပါတယ်။ တရုတ်ပြည်ထဲမှာ ကွန်မြူနစ်တွေရဲ့ တိုက်ခိုက်မှုကြောင့် အမျိုးသားရေးဝါဒီ ချန်ကေရှိတ်ရဲ့ ကူမင်တန် (KMT) တပ်ဖွဲ့တွေ ဆုတ်ခွာ ထွက်ပြေးရင်း နယ်စပ်ကို ဖြတ်ကျော်လို့ ရှမ်းပြည်နယ် အရှေ့ပိုင်းကို ဝင်ရောက်လာပါတယ်။ အမေရိကန်ထောက်လှမ်း ရေးအဖွဲ့ (CIA) ရဲ့ ကျောထောက်နောက်ခံ ရရှိထားပြီး လက်နက်အပြည့်အစုံ တပ်ဆင်ထားတဲ့ ကူမင်တန် တပ်ဖွဲ့တွေဟာ ၁၉၄၉ ခုနှစ်မှာ အင်အား ၂၀ဝ လောက် ရှိရာကနေ ၁၉၅၂ မှာ ၁၂၀ဝ၀ အထိ ကြီးထွားလာခဲ့ပါတယ်။

သူတို့က တရုတ်-မြန်မာ နယ်စပ်တလျှောက် ကျိုင်းတုံနှင့် တာချီလိတ်အထိ အခြေချစခန်းတွေ တည်ထောင်တဲ့အပြင် အမျိုးအမည်မသိ လေယာဉ်တွေနဲ့ ရောက်လာတဲ့ လက်နက်နဲ့ ထောက်ပံ့ရေး ပစ္စည်းတွေကို လက်ခံယူနိုင်ဖို့ မိုင်းဆတ်မှာ လေတပ် စခန်းတစ်ခုလည်း တည်ဆောက်ထားခဲ့ပါတယ်။ မကြာခင်မှာပဲ ကူမင်တန်တပ်တွေဟာ သံလွင်မြစ် အရှေ့ဖက်ခြမ်းကို ထိန်းချုပ်ထားပြီး လက်နက်မပြည့်စုံတဲ့ မြန်မာအစိုးရတပ်တွေ၊ တရုတ်ကွန်မြူနစ်တပ်တွေနဲ့ ပြင်းထန်စွာ တိုက်ခိုက်လာပါတော့တယ်။ မြန်မာစစ်တပ်ရဲ့ “နဂါးနိုင်စစ်ဆင်ရေး” အပါအဝင် တွန်းလှန်အားထုတ်မှုတွေကို ကူမင်တန်တပ်တွေက ပစ်အားသာလွန်မှုနဲ့ လွယ်လွယ်ကူကူ ချေမှုန်းခဲ့ပါတယ်။

အစပိုင်းမှာ လူအင်အားနဲ့ အရင်းအမြစ် မပြည့်စုံမှုတွေ ရှိခဲ့ပေမယ့် တပ်မှူးဗိုလ်နေဝင်းမှာ စစ်တပ်တွေကို ဦးဆောင်နိုင်ဖို့အတွက် ကြီးမားတဲ့အစီအစဉ်တခု ရှိခဲ့ပါတယ်။ သူနဲ့ သူ့ရဲ့ အကြီးတန်းအရာရှိတွေဟာ ကာကွယ်ရေး ဦးစီးချုပ် ဗိုလ်ချုပ် စမစ်ဒွန်း အပါအဝင် ကရင်အမျိုးသားတပ်မှူးတွေ၊ ဗြိတိသျှ လိုလားသူတွေနဲ့ တပ်ကို ထိထိရောက်ရောက် သစ္စာ မရှိဘူးလို့ ယူဆရသူ လုပ်ဖော်ကိုင်ဖက် အမြောက် အများကို တပ်ကနေ ထုတ်ပယ်လိုက်တယ်။ တပ်ချုပ် ဖြစ်လာတဲ့ ဗိုလ်ချုပ်နေဝင်းဟာ သူဦးစီးတဲ့ ဗမာ့ သေနတ်ကိုင် တပ်ရင်း (၄) က ငယ်ရွယ်တဲ့ အရာရှိ အများစုကို စစ်တပ်ရဲ့ ထိပ်ပိုင်းနေရာတွေမှာ ခန့်အပ် ခဲ့တယ်။

၁၉၅၁ ခုနှစ်မှာ အသက် ၄၀ အရွယ်ရှိပြီဖြစ်တဲ့ ဗိုလ်ချုပ်နေဝင်းဟာ သူ့ရဲ့ တပ်မှူးတွေနဲ့ ရန်ကုန်က စစ်ရုံးမှာ အစည်းအဝေးတခု ပြုလုပ်ခဲ့ပြီး ကူမင်တန် ကျူးကျော်သူများ၊ ကွန်မြူနစ်ပါတီနဲ့ တိုင်းရင်းသား လက်နက်ကိုင်တွေကို ရင်ဆိုင် တိုက်ခိုက်နိုင်ဖို့အတွက် စစ်တပ်ကို စနစ်တကျလေ့ကျင့်ပြီး လက်နက်တပ် ဆင်ထားတဲ့ စွမ်းဆောင်ရည်ပြည့်ဝတဲ့ စစ်တပ်တစ်ခု ဖြစ်လာအောင် အသွင်ပြောင်းဖို့ ညွှန်ကြားခဲ့ပါတယ်။

ဗိုလ်ချုပ်နေဝင်းကို သစ္စာစောင့်သိတဲ့ အရာရှိတွေကလည်း အမိန့်အတိုင်း ဆောင်ရွက်ခဲ့ကြပြီး မြန်မာစစ်တပ်ကို လူရိုသေရှင်ရိုသေ စစ်တပ်တခု ဖြစ်အောင် အသွင်ပြောင်းခဲ့ပါတယ်။ သူတို့ရဲ့ ပြုပြင် ပြောင်းလဲရေးအစီအစဉ်မှာ စစ်တပ်ကို တိုးချဲ့နိုင်ဖို့ အတွက် လူသစ်စုဆောင်းရေးနဲ့ လေ့ကျင့်ရေးတို့ အပြင် ထိရောက်တဲ့ ထောက်လှမ်းရေးစနစ်ကို တည်ထောင်ဖို့၊ ကာကွယ်ရေးဆိုင်ရာ အဖွဲ့အစည်းတွေ ထူထောင်ဖို့၊ စစ်တပ်ရဲ့မူဝါဒတွေ ရေးဆွဲနိုင်ဖို့နဲ့ လက်နက်ထောက်ပံ့ရေး ကိစ္စတွေ ပါဝင်ပါတယ်။

ဒါ့အပြင် ဦးနေဝင်းနဲ့ သူ့ရဲ့အရာရှိတွေဟာ ပြည်သူတွေ၊ လက်နက်ကိုင် တော်လှန်သူတွေ၊ ကွန်မြူနစ် လိုလားသူတွေကို စိတ်ပိုင်းဆိုင်ရာ လွှမ်းမိုးနိုင်ဖို့အတွက် စိတ်ဓာတ်စစ်ဆင်ရေးဌာနတခု တည်ထောင်ဖို့လည်း သဘောတူခဲ့ကြတယ်။ ၁၉၅၂ ခုနှစ်မှာ တရားဝင်ပေါ်ပေါက်လာခဲ့တဲ့ စိတ်ဓာတ်စစ်ဆင် ရေးဌာနကို ဒုတိယဗိုလ်မှူးကြီး ဘသန်းက ဦးစီးပါတယ်။

စိတ်ဓာတ်စစ်ဆင်ရေး ဌာနဟာ မှန်မှန် ဖွံ့ဖြိုးလာခဲ့ပြီးတော့ စီမံကိန်း အမြောက်အများကိုလည်း လုပ်ဆောင်ခဲ့ပါတယ်။ တပ်မတော် မော်ကွန်းတိုက်ကို တည်ထောင်တာ၊ ယဉ်ကျေးမှုပွဲတွေ၊ ရေဒီယိုအသံလွှင့် အစီအစဉ်တွေကို ထောက်ပံ့ပေးတာတွေ အပြင် နိုင်ငံတလွှားမှာ လက်ကမ်းစာစောင်တွေ ဖြန့်ဝေတာမျိုးတွေလည်း လုပ်ခဲ့တယ်။ အစိုးရဆန့်ကျင်ရေး ရေးသားထုတ်ဝေမှုများကို တုံ့ပြန်ဖို့ မြဝတီမဂ္ဂဇင်းကို ထုတ်ဝေခဲ့ရာမှာ ယနေ့ခေတ်အထိ ဆက်လက် တည်ရှိနေပြီးတော့ လက်ရှိ စစ်အစိုးရလက်ထက်မှာတော့ ကိုယ်ပိုင်ရုပ်မြင်သံကြား အစီအစဉ်တွေပါ ထုတ်လွှင့်နိုင်တဲ့အထိ ဖြစ်လာခဲ့ပါတယ်။

ဗိုလ်ချုပ်နေဝင်းဟာ စိတ်ဓာတ်စစ်ဆင်ရေး ဌာနမှာ တာဝန်ထမ်းဆောင်ဖို့ ကွန်မြူနစ်ဟောင်းတွေ ဖြစ်တဲ့ ဦးစောဦးနဲ့ ဦးချစ်လှိုင်ကို ခေါ်ယူခဲ့ပါတယ်။ ဦးစောဦးဟာ အလံဖြူကွန်မြူနစ် ခေါင်းဆောင် သခင် သန်းထွန်းရဲ့ သစ္စာရှိတဲ့ နောက်လိုက် တယောက် ဖြစ်ပါတယ်။ အစိုးရကို လက်နက်စွဲကိုင် တော်လှန်ခဲ့ပြီး ၁၉၅၀ အစောပိုင်းနှစ်တွေမှာ လက်နက်ချခဲ့ပါတယ်။

ဦးချစ်လှိုင်ကတော့ ဗုဒ္ဓဘာသာ အတွေးအခေါ်ကိုရော မာ့က်စ်ဝါဒကိုပါ ယုံကြည်သက်ဝင်သူဖြစ်ပြီး ကွန်မြူနစ်ပါတီရဲ့ “အလံနီအဖွဲ့” ခေါင်းဆောင် သခင်စိုးရဲ့ အမာခံ နောက်လိုက်တဦးလည်း ဖြစ်ပါ တယ်။ မာ့က်စ်ဝါဒ အတွေးအခေါ်တွေကို ဂျပန်ခေတ်အတွင်းနဲ့ ၁၉၅၀ အစောပိုင်း နှစ်တွေအတွင်း ဥရောပမှာ ခရီးလှည့်လည်စဉ် လေ့လာခဲ့ပါတယ်။ အဲဒီတုန်းက သူဟာ ပါရီနဲ့မော်စကိုမြို့မှာ တလှည့်စီ နေထိုင်ခဲ့ပါတယ်။ ဦးစောဦးနဲ့ ဦးချစ်လှိုင်ဟာ အရပ်သားတွေ ဖြစ်နေပေမယ့် ဦးစောဦးရဲ့ ရာထူးဟာ စစ်ဖက် ဒုတိယဗိုလ်မှူးကြီးနဲ့ အဆင့်အတန်းတူပြီး ဦးချစ်လှိုင်ရဲ့ ရာထူးကတော့ ဗိုလ်မှူးရာထူးနဲ့ ညီမျှပါတယ်။

၁၉၅၂ ခုနှစ် ဇန်နဝါရီလမှာ ဗိုလ်ကြီးဘသောင်း ဦးဆောင်တဲ့ နယ်လှည့် စိတ်ဓာတ်စစ်ဆင်ရေး အဖွဲ့ တခုဟာ ကွန်မြူနစ်လိုလားသူတွေနဲ့ ရန်သူတွေ ပတ်လည်ဝိုင်းနေတဲ့ ကျောက်ဆည်မြို့မှာ စစ်ဆင်ရေး အစီအစဉ်တခု ပြုလုပ်ခဲ့ပါတယ်။ ဗိုလ်ကြီး ဘသောင်း ကျောက်ဆည်ဒေသမှာ ၂ လကြာ နေထိုင်ခဲ့စဉ်အတွင်း ထောင်ပေါင်းများစွာသော ဝါဒ ဖြန့်ချိရေး လက်ကမ်းစာစောင်တွေ၊ ကျယ်ပြန့်လာတဲ့ ပြည်တွင်းစစ်ရဲ့ ခြိမ်းခြောက်မှုနဲ့ တိုင်းပြည်တည်ငြိမ်မှု ကင်းမဲ့နေပုံတွေကို သရုပ်ဖော်ရေးဆွဲထားတဲ့ ကာတွန်းတွေကို ဖြန့်ဝေခဲ့ပါတယ်။ အစိုးရ မှတ်တမ်းမှတ်ရာတွေအရ ၁၉၅၂ ခုနှစ်နဲ့ ၁၉၅၃ ခုနှစ်အတွင်းမှာ နယ်လှည့် စိတ်ဓာတ်စစ်ဆင်ရေးအဖွဲ့က မြန်မာ နိုင်ငံတလွှားမှာ လက်ကမ်းစာစောင် ၁၁၅၀ဝ၀ဝ စောင် ဖြန့်ချိခဲ့တယ်လို့ သိရပါတယ်။

ဗိုလ်ကြီးဘသောင်း ကျောက်ဆည်မှာ စစ်ဆင်ရေး ဆောင်ရွက်နေတဲ့အချိန်မှာပဲ ကျောက်ဆည် အစိုးရ အထက်တန်းကျောင်းက တက္ကသိုလ်ဝင် စာမေးပွဲ အောင်မြင်ပြီး မြို့နီးချင်း မိတ္ထီလာစာတိုက်မှာ စာရေးလုပ်နေတဲ့ အသက် ၂၀ အရွယ် လူငယ် တယောက်ဟာ ဗိုလ်လောင်းသင်တန်း အမှတ်စဉ် ၉ ကို တက်ရောက်ဖို့ စာရင်းသွင်းခဲ့ပါတယ်။ ဗိုလ်သင်တန်း အတူတက်ခဲ့သူတွေ ပြန်ပြောတဲ့ အတိုင်းဆိုရင် သူဟာ အပတ်စဉ် ၉ ရဲ့ အသက်အငယ်ဆုံး သင်တန်းသား ဖြစ်ပါတယ်တဲ့။

တခါတလေမှာ ကွမ်းစားနေတတ်တဲ့ အဲဒီ လူငယ်ဟာ နည်းနည်း ငြီးငွေ့စရာကောင်းတဲ့ နှုတ်နည်းသူတယောက်ဖြစ်ပြီး ထူးချွန်တဲ့သင်တန်းသား တယောက်မဟုတ်ခဲ့တာ သေချာပါတယ်တဲ့။ ဒီ ဗိုလ်လောင်းလေးရဲ့ နာမည်ကတော့ မောင်သန်းရွှေ ဖြစ်ပါတယ်။

အပိုင်း (၂) ကို ဆက်လက်ဖော်ပြပါမည်။
ဧရာဝတီ သတင်း

Image may contain: 4 people, people standing

အာဏာရှင်များနှင့် မြန်မာ့တပ်မတော်. အပိုင်း (၂) – ဗိုလ်နေဝင်း တင်းကျပ်စွာ ချုပ်ကိုင်လာခြင်း

အောင်ဇော်| January 13, 2014

ဦးနေဝင်းနှင့် တရုတ်သမ္မတ တိန့်ရှောင်ဖိန် (ဓာတ်ပုံ – idcpc.org.cn)

မိုးတွေ ရွာကောင်းရွာနေနိုင်တဲ့ ၁၉၅၃ ခုနှစ် ဇူလိုင်လအတွင်းက နေ့တနေ့မှာ ဒုတိယဗိုလ် သန်းရွှေ အမှတ် (၁) ခြေမြန်တပ်မမှာ စတင် တာဝန်ထမ်းဆောင် ပါတယ်။ တိုင်းရင်းသား လက်နက်ကိုင်တွေနဲ့ ရင်ဆိုင်တိုက်ခိုက်ဖို့ ကရင်ပြည်နယ်နဲ့ ရှမ်းပြည်နယ်တွေကို ခရီးထွက်ခဲ့ရပြီး အရာရှိ အတော်များများကတော့ ဗိုလ်သန်းရွှေဟာ တိုက်ပွဲဝင်ဖို့ တွန့်ဆုတ်နေတတ်တဲ့ အရာရှိတယောက်လို့ ပြောကြပါတယ်။ နောက် ၅ နှစ်ကြာတဲ့အခါမှာတော့ သူဟာ ဗိုလ်ကြီးအဆင့်ကို တက်လာပါတယ်။

၁၉၅၈ ခုနှစ် ဖေဖော်ဝါရီလမှာတော့ ရန်ကုန်ကိုလာဖို့ အမိန့်စာတစောင် ဗိုလ်ကြီးသန်းရွှေ လက်ခံရရှိခဲ့ပါတယ်။ သူ့ရဲ့ တာဝန်အသစ်ကတော့ စိတ်ဓာတ် စစ်ဆင်ရေးဌာနမှာ တာဝန်ထမ်းဆောင်ရင်း ဦးစောဦးနဲ့ ဦးချစ်လှိုင်တို့ရဲ့ လက်အောက်မှာ လေ့လာသင်ယူဖို့ပါပဲ။

အဲဒီအချိန်မှာ မြန်မာစစ်တပ်ရဲ့ တပ်မှူးတွေဟာ အစိုးရသစ်တခု ထူထောင်နိုင်ဖို့ ဗိုလ်ချုပ်နေဝင်းမှာ အစီအစဉ်ရှိတဲ့ အကြောင်း ၁၉၅၆ ခုနှစ် မိတ္ထီလာမှာ ပြုလုပ်ခဲ့တဲ့ တပ်မှူးညီလာခံ အပြီးမှာကတည်းက သိနေကြပါပြီ။ ဒါက အာဏာသိမ်းမှုတခု မဖြစ်လာမီ လုပ်ရမယ့်အကြောင်းလည်း ဖြစ်ပါတယ်။

တကယ်တော့ ဗိုလ်ချုပ်နေဝင်းဟာ ဗုဒ္ဓဝါဒကိုရော၊ ဆိုရှယ်လစ်ဝါဒကိုပါ ယုံကြည်သက်ဝင်သူ မဟုတ်ပါဘူး။ ဒါပေမယ့် အာဏာကို ရယူပြီးတဲ့နောက် နိုင်ငံကို ဦးဆောင်ထိန်းချုပ်ဖို့ နိုင်ငံရေး အယူဝါဒတခု သူက ရှိချင်ခဲ့ပါတယ်။ ဒါကြောင့် စစ်အာဏာရှင် ဝါဒနဲ့ ဆိုရှယ်လစ် အတွေးအမြင်တွေ ပြန့်ပွားထွန်းကား လာစေဖို့ ဗိုလ်မှူးကြီး ဘသန်း၊ ဦးစောဦးနဲ့ ဦးချစ်လှိုင်တို့ကို အထူးအားထားခဲ့တယ်။ သူနဲ့ သူယုံကြည်တဲ့ လုပ်ဖော်ကိုင်ဖက် တွေကလည်း ဆိုရှယ်လစ်ဝါဒဟာ တိုင်းပြည်မှာ စတင်ကျင့်သုံးဖို့ အကောင်းဆုံး အယူဝါဒလို့ ယုံကြည်သတ်မှတ်ခဲ့ကြပါတယ်။

ဒါပေမယ့် မာ့က်စ်ဝါဒ အတွေးအခေါ်တွေကို ထပ်တူကူးပြီး အဲဒီလမ်းစဉ်အတိုင်း လုပ်ခဲ့တဲ့ ဗမာပြည်ကွန်မြူနစ် ပါတီရဲ့ မှားယွင်းမှုမျိုး ထပ်ဖြစ်လာမှာ မလိုချင်ဘူးလို့ ဗိုလ်ချုပ်နေဝင်းက ဦးစောဦးနဲ့ ဦးချစ်လှိုင်ကို ပြောခဲ့ပါတယ်။ ဗုဒ္ဓဘာသာကို နိုင်ငံတော် ဘာသာအဖြစ် သတ်မှတ်ဖို့ ကြိုးစားခဲ့တဲ့ ဝန်ကြီးချုပ် ဦးနုရဲ့ လမ်းစဉ်ကိုလည်း သူက မလိုက်ချင်ပါဘူး။

မြန်မာနိုင်ငံသား အများစုက ဗုဒ္ဓဘာသာ ဖြစ်နေတဲ့အတွက် သူ့ရဲ့ နိုင်ငံရေး သဘောတရားအသစ်မှာ ဗုဒ္ဓဘာသာ အတွေးအခေါ်လည်း ပါဝင်စေချင်ပြန်ပါတယ်။ ဒါကြောင့် သူက ဦးစောဦးနဲ့ ဦးချစ်လှိုင်ကို ဗုဒ္ဓဘာသာ ယုံကြည်မှုနဲ့ ပေါင်းစပ်ထားပြီး မြန်မာ့ယဉ်ကျေးမှု၊ မြန်မာ့လူမှုအသိုင်းအဝိုင်းနဲ့ လိုက်လျော ညီထွေရှိမယ့် ဆိုရှယ်လစ် သဘောတရားတခု ရေးဆွဲဖို့ တောင်းဆိုခဲ့တယ်။ နောက်ဆုံးရလဒ် အဖြေအနေနဲ့ကတော့ အလယ်အလတ် လမ်းစဉ်လို့ ဦးစောဦးက မိတ်ဆက်ခဲ့တဲ့ “မြန်မာ့ဆိုရှယ်လစ်လမ်းစဉ်” ပေါ် ထွက်လာခဲ့ပါတယ်။

လူငယ်အရွယ်ပဲ ရှိသေးတဲ့ ဗိုလ်ကြီး သန်းရွှေဟာ ဦးစောဦးနဲ့ အတူရှိစဉ်မှာလည်း အဆင်ပြေခဲ့တယ်လို့ သိရပါတယ်။ သိပ်မကြာခင်မှာပဲ သူဟာ စိတ်ဓာတ်စစ်ဆင်ရေး ဌာနရဲ့ တိုင်းအဆင့် အကြီးအကဲအဖြစ် မန္တလေးကို ပြောင်းရွှေ့ တာဝန်ထမ်း ဆောင်ရပါတယ်။ အဲဒီအချိန်က မြန်မာနိုင်ငံမှာ တောင်ပိုင်းတိုင်းနဲ့ မြောက်ပိုင်းတိုင်းရယ်လို့ စစ်တိုင်း ၂ တိုင်းပဲရှိပါတယ်။ ၁၉၅၉ ခုနှစ်မှာတော့ ဗိုလ်ချုပ် ကြီးနေဝင်းက ဗိုလ်မှူးကြီး စန်းယုကို ဗိုလ်ကြီး သန်းရွှေ တာဝန်ကျနေတဲ့ မြောက်ပိုင်းတိုင်းစစ်ဌာနချုပ် တိုင်းမှူးအဖြစ် ပြောင်းရွှေ့ ခန့်ထားလိုက်ပါတယ်။ ဗိုလ်မှူး ကြီးစန်းယုရဲ့ လက်အောက်မှာ တာဝန်ထမ်းဆောင် ချိန်မှာ ဗိုလ်ကြီး သန်းရွှေဟာ သူ့ရဲ့ အထက်လူကြီးနဲ့ လုပ်ငန်းခွင် ဆက်ဆံရေးမျိုးပဲ ရှိခဲ့တယ်လို့ ဦးချစ်လှိုင် က ပြန်ပြောပြပါတယ်။

၁၉၆၂ မတ်လမှာ ဗိုလ်ချုပ်ကြီး နေဝင်းက သူအစောကြီးကတည်းက စီစဉ်ထားတဲ့အတိုင်းပဲ ဦးနုရဲ့ အစိုးရကို ဖြုတ်ချပြီး အာဏာသိမ်းယူလိုက်ပါတယ်။ ဇူလိုင်လထဲ ရောက်တဲ့အခါ ဗိုလ်ချုပ်ကြီးနေဝင်း ဦးဆောင်တဲ့ တော်လှန်ရေးကောင်စီက “မြန်မာ့ ဆိုရှယ်လစ်လမ်းစဉ်ပါတီ (BSPP)” ဖွဲ့စည်းကြောင်း ကြေညာလိုက်ပါတယ်။ အဖွဲ့ဝင်တွေကတော့ ဗိုလ် ချုပ်ကြီးနေဝင်းနဲ့ သူ့ကိုသစ္စာခံတဲ့ တပ်မှူးတွေပါပဲ။

နောက်နှစ်မှာတော့ ဗိုလ်မှူးကြီး စန်းယုက ဗိုလ်ကြီး သန်းရွှေကို ရန်ကုန်ဆင်ခြေဖုံးက မင်္ဂလာဒုံမှာ အသစ်ဖွင့်လှစ်လိုက်တဲ့ ဗဟိုနိုင်ငံရေး သိပ္ပံကျောင်းကို ပို့လိုက်တဲ့အတွက် အဲဒီမှာတာဝန်ယူနေတဲ့ သူ့ရဲ့ ဆရာဟောင်းတွေဖြစ်တဲ့ ဦးစောဦး၊ ဦးချစ်လှိုင်တို့နဲ့ ၁၉၆၃ ခုနှစ် ဒီဇင်ဘာလအတွင်းမှာ ပြန်လည်ဆုံတွေ့ခဲ့ပါတယ်။ ဗဟိုနိုင်ငံရေး သိပ္ပံကျောင်းကို ၁၉၇၁ ခုနှစ်မှာ ဗဟိုနိုင်ငံရေး တက္ကသိုလ်အဖြစ် အဆင့်မြှင့်ခဲ့ပါတယ်။

ဗိုလ်ကြီး သန်းရွှေက နိုင်ငံရေးသမိုင်းဌာနရဲ့ ဌာနမှူးအဖြစ် တာဝန်ယူရပါတယ်။ သူ့ရဲ့တာဝန်က ပါတီကေဒါ အသစ်တွေကို နိုင်ငံရေးသမိုင်းနဲ့ မြန်မာ့ ဆိုရှယ်လစ်လမ်းစဉ်ကို သင်ကြားပေးဖို့ပါ။ အဲဒီ အချိန်က သဘောတရားကို နာမ-ရူပလို့ သိကြပါ တယ်။ နာမ ဆိုတာ လူသားတို့ရဲ့ စိတ်ပိုင်းဆိုင်ရာကို ဆိုလိုပြီးတော့ ရူပကတော့ ရုပ်ပိုင်းနဲ့ သက်ဆိုင်ပါတယ်။ ဗုဒ္ဓဘာသာမှာ နာမနဲ့ ရူပဟာ သီးခြားစီ မဟုတ်ဘဲ အပြန်အလှန် မှီခိုနေကြပါတယ်။ နာမ-ရူပ (နာမ်နဲ့ ရုပ်) ပေါင်းစပ်လို့ သက်ရှိလူသား ဖြစ်ပါ တယ်။

ဗိုလ်ကြီးသန်းရွှေက မနက်တိုင်း သင်တန်းတွေ မှာ စာသင်တဲ့အခါမှာ လူငယ်စစ်ဗိုလ်လေးဟာ ဗိုလ်သင်တန်း ကာလတွေကနဲ့ သိပ်ပြီးပြောင်းလဲလာတာ မရှိဘူးလို့ ဦးချစ်လှိုင်က သုံးသပ်ပါတယ်။ တခါတရံ သင်တန်းသားတွေဟာ သူနဲ့ ပြောဆို ဆက်ဆံရာမှာ ကမောက်ကမ ဖြစ်မှုတွေလည်း တွေ့ခဲ့ရပါတယ်တဲ့။ ဗိုလ်ကြီးသန်းရွှေဟာ သူ့ရဲ့ နိုင်ငံရေး အယူအဆကို ထုတ်ဖော်ပြောဆို ခဲပေမယ့် ဦးချစ်လှိုင်ကတော့ သူ့ကို လက်တွေ့ကျသူ၊ မျိုးချစ်စိတ်ရှိသူ၊ မြန်မာ့ဆိုရှယ်လစ် လမ်းစဉ်ကိုသစ္စာရှိတဲ့ နောက်လိုက်တဦးလို့ ယုံကြည်ထားခဲ့ပါတယ်။

ပုံမှန်အားဖြင့် ဗိုလ်ကြီးသန်းရွှေဟာ သူ့ရဲ့မကျေနပ်ချက်တွေကို ထုတ်ဖော်ပြောခြင်းကနေ ရှောင်ကြဉ်တတ်ပေမယ့် ရာထူးမြန်မြန်တက်ဖို့ အခွင့်အလမ်း ပိုကောင်းတဲ့ တိုက်ခိုက်ရေး တပ်တွေဆီကို ပြန်ပြောင်းချင်တယ်ဆိုတာကိုတော့ ပြောခဲ့ပါတယ်။ သူ့ဆန္ဒတွေ ၁၉၆၉ ခုနှစ် ဇန်နဝါရီလမှာ ပြည့်စုံခဲ့ပြီး ကရင်ပြည်နယ်မှာရှိတဲ့ အမှတ် (၇၇) ခြေမြန်တပ်မကို ဗိုလ်မှူးရာထူးနဲ့ ပြောင်းရွှေ့ တာဝန်ထမ်းဆောင်ရပါတယ်။ အဲဒီတပ်ရင်းနဲ့အတူ ဧရာဝတီ မြစ်ဝကျွန်းပေါ် ဒေသ၊ ပဲခူးရိုးမ၊ ကရင်ပြည်နယ်နဲ့ မွန်ပြည်နယ်တွေကို လှည့်လည်သွားခဲ့ရပါတယ်။

မွန်ပြည်နယ်မှာ ဗိုလ်မှူးသန်းရွှေဟာ သူ့ရဲ့ ဘဝကြင်ဖော်ဖြစ်လာမယ့် ဒေါ်ကြိုင်ကြိုင်နဲ့ ဆုံစည်း ခဲ့ရပြီး ချက်ချင်းလိုလိုပဲ ချစ်ကျွမ်းဝင်သွားကြတယ်လို့ ဆိုပါတယ်။ ဒေါ်ကြိုင်ကြိုင်ဟာ မွေးချင်း ၁၁ ယောက်မှာ ဒုတိယအငယ်ဆုံး သမီးဖြစ်ပြီးတော့ သူ့ ဖခင်ဦးကြူတင်က တရုတ်လူမျိုး စစ်စစ်ဖြစ်ပြီး မိခင် ဒေါ်ဖွားမေကတော့ ပအို့ဝ်အမျိုးသမီးပါ။ ဒေါ်ဖွားမေဟာ လူငယ်စစ်ဗိုလ်လေးကို မသိပါဘူး။ ဒါပေမယ့် စစ်ရုံးမှာရှိတဲ့ သူ့ရဲ့အဆက်အသွယ်တွေ ကနေတဆင့် ဗိုလ်မှူး သန်းရွှေရဲ့ နောက်ခံအကြောင်းကို စုံစမ်း ကြည့်ပြီးတဲ့အခါမှာတော့ သူ့သမီးနဲ့ လက်ထပ်ခွင့် ပြုလိုက်ပါတယ်။

၁၉၆၉ ခုနှစ် ဒီဇင်ဘာလမှာတော့ ရန်ကုန် စစ်ရုံးချုပ်ကို ပြောင်းရွှေ့လာပြီး စစ်ဦးစီးမှူး (ဒုတိယတန်း) တာဝန်နဲ့ ဧရာဝတီ မြစ်ဝကျွန်းပေါ် ဒေသနဲ့ ရခိုင်ပြည်နယ်က စစ်ဆင်ရေးတွေကို တာဝန်ယူ စီမံခန့်ခွဲရပါတယ်။ အဲဒီအချိန်တုန်းက မြစ်ဝကျွန်းပေါ်က လက်နက်ကိုင် သူပုန်တွေကို တိုက်ထုတ်ဖို့နဲ့ ရခိုင်ပြည်နယ်နဲ့ မြစ်ဝကျွန်းပေါ်ကြားက ရန်သူတွေရဲ့ ဆက်သွယ်မှုကို ဖြတ်တောက်ပစ် နိုင်ဖို့အတွက်မြန်မာ စစ်တပ်က “ရွှေလင်းယုန် စစ်ဆင်ရေး” ကို ဆင်နွှဲနေ ချိန်ဖြစ်ပါတယ်။

ဗိုလ်မှူးသန်းရွှေနဲ့ စစ်ရုံးချုပ်က ဦးစီးအရာရှိတွေရဲ့အလုပ်ဟာ သမားရိုးကျပဲဖြစ်ပေမယ့် စိတ်ဝင် စားစရာကောင်းတဲ့ တာဝန်တွေလည်း အဲဒီအချိန်က ရှိနေပါသေးတယ်။ စိတ်ထားနူးညံ့ပုံရတဲ့ ဗိုလ်မှူးချုပ် စန်းယုဟာ အလုပ်ကြိုးစားသူ ဖြစ်ပေမယ့် သူတပါးအပေါ် ယုံမှားသံသယ ကြီးမားတတ်သူလည်း ဖြစ်ပါတယ်။ သူက ရှေ့တန်းကပို့လိုက်တဲ့ စာတွေနဲ့ မိသားစုရဲ့စာတွေကို စစ်ဦးစီးမှူး (ဒုတိယတန်း) တွေကဖတ်ပြီး အန္တရာယ်ရှိနိုင်တဲ့စာကို စောင့်ကြည့်စေချင်ပါတယ်။ တခါတလေ သံသယရှိတဲ့စာတွေကို ဖွင့်ဖောက်စစ်ဆေးဖို့ အရာရှိတွေကို ညွှန်ကြားတတ်ပါတယ်။ တပ်ရင်းတပ်ဖွဲ့တွေနဲ့ ရှေ့တန်းနယ်မြေ အတွင်းကိုပို့တဲ့ စာတွေကိုတောင်မှ သူက ဒီလိုလုပ် စေချင်ပါတယ်။

၁၉၇၀ ကျော်နှစ်တွေ အတွင်းမှာတော့ ဗိုလ်ချုပ် ကြီးနေဝင်းဟာ စစ်တပ်ရဲ့ ခိုင်ခိုင်မာမာ ကျောထောက်နောက်ခံပေးမှုကို ဆက်လက်ရရှိထားဆဲ ဖြစ်ပေမယ့် ပြည်သူကြားမှာ ရေပန်းစားမှုကတော့ လျော့ကျလာခဲ့ပါတယ်။ ၁၉၇၄ နဲ့ ၁၉၇၆ ခုနှစ်တွေမှာ ရန်ကုန်မြို့ လမ်းတွေပေါ်မှာ ဆန္ဒပြမှုတွေ ပေါ်ပေါက်ခဲ့ပါတယ်။ ပထမတခုက အလုပ်သမားအရေး အခင်းဖြစ်ပြီး နောက်တခုကတော့ ကုလသမဂ္ဂ အတွင်းရေးမှူးချုပ်ဟောင်း ဦးသန့် ကွယ်လွန်ရာကနေ စတင်ဖြစ်ပွားခဲ့ရပါတယ်။

ဗိုလ်ချုပ်ကြီး နေဝင်းနဲ့ ဦးသန့်ဆိုတာက မတူညီတဲ့ကမ္ဘာတွေမှာ နေထိုင်ကြသူတွေလို့ ပြောနိုင်ပါတယ်။ ဗိုလ်ချုပ်ကြီး နေဝင်းက တက္ကသိုလ်က ထွက်ခဲ့ရသူဖြစ်ပြီးတော့ စစ်တပ်အာဏာသိမ်းမှုကို ဦးဆောင်ခဲ့တဲ့ စစ်ခေါင်းဆောင်ဖြစ်ပါတယ်။ ကျောင်းဆရာ တယောက်ဖြစ်ခဲ့ဖူးသလို၊ ဗိုလ်ချုပ်ကြီး နေဝင်း ဖြုတ်ချခဲ့တဲ့ ဝန်ကြီးချုပ်ဟောင်း ဦးနုရဲ့ လက်အောက်မှာ တာဝန်ထမ်းဆောင်ဖူးတဲ့ ဦးသန့်ကတော့ အများက လေးစားကြတဲ့ သံတမန်တဦး ဖြစ်ပါတယ်။ တခါတုန်းက နယူးယောက်မှာရှိတဲ့ ရုံးကနေ မိခင်နိုင်ငံ ခဏပြန်လာတဲ့ ဦးသန့်ကို တွေ့ဆုံဖို့ ဗိုလ်ချုပ်ကြီး နေဝင်းက ငြင်းဆန်ခဲ့ပါတယ်။ ဗိုလ်ချုပ်ကြီး တင်ဦးကတော့ တွေ့ဆုံခဲ့ပြီး ဦးသန့်ကို ချက်ချင်း လေးစားသွားတဲ့အတွက် ဗိုလ်ချုပ်ကြီးနေဝင်း ဒေါသတကြီး ဖြစ်ခဲ့တယ်လို့လည်း သိရပါတယ်။

၁၉၇၄ ခုနှစ် နယူးယောက်မြို့မှာ ဦးသန့် ကွယ်လွန်တော့ သူ့ရဲ့ ရုပ်အလောင်းကို သင်္ဂြိုဟ်ဖို့အတွက် မြန်မာနိုင်ငံကို ပြန်လည် သယ်ဆောင်လာတဲ့အခါမှာ ဦးနေဝင်းက နိုင်ငံတော်ဈာပနအဖြစ် ကျင်းပခွင့် မပြုခဲ့ပါဘူး။ အလောင်းကို ပြန်သယ်လာတာဟာ တရားမဝင်ဘူး၊ သယ်လာခဲ့ရင်လည်း ဦးသန့်ရဲ့ ကျန်ရစ်သူ မိသားစုတွေကို အရေးယူလိမ့်မယ်ဆိုတဲ့ သဘောမျိုး အစိုးရအာဏာပိုင်တွေက အရိပ်အမြွက် ပြသခဲ့တာ မျိုးတွေတောင်မှ ရှိခဲ့ပါတယ်။

ဒါကြောင့် ကျောင်းသားတွေက ဒေါသထွက်ပြီး ဦးသန့်ရဲ့ ခေါင်းတလားကို ရန်ကုန်တက္ကသိုလ်ကို သယ်ဆောင် သွားခဲ့ကြပါတယ်။ အခြေအနေကလည်း အစိုးရဆန့်ကျင်ရေး စုရုံးမှုအသွင်ကို ခပ်မြန်မြန်ပဲ ပြောင်းသွားပြီးတော့ ဦးသန့်ကို အရေးထားလေးစား ဂုဏ်ပြုပေးဖို့ သူတို့က တောင်းဆိုကြပါတယ်။ နောက်ဆုံးမှာတော့ ဗိုလ်ချုပ် အောင်ဆန်းနဲ့ သူ့ရဲ့ဝန်ကြီးတွေ အပါအဝင် ထင်ရှားတဲ့ ခေါင်းဆောင်တွေကို မြှုပ်နှံထားတဲ့ ရွှေတိဂုံစေတီခြေရင်းမှာ အထိမ်းအမှတ် အဆောက်အဦ ဆောက်လုပ်ပေးဖို့ သဘောတူလိုက်ပါတယ်။

ဒါပေမယ့် အစွဲအလမ်းကြီးတဲ့ ကျောင်းသားတဖွဲ့က ငြင်းပယ်လိုက်ပြီး ဦးသန့်ရဲ့ ရုပ်ကလာပ်ကို ဖြိုချဖျက်ဆီးခံခဲ့ရတဲ့ ကျောင်းသားသမဂ္ဂ အဆောက်အဦ တည်ရှိရာမှာ မြှုပ်နှံဖို့ ဆုံးဖြတ်ခဲ့ကြပါတယ်။ မကြာခင်မှာပဲ အခြေအနေတွေက ပိုရှုပ်ထွေးလာခဲ့ပါ တော့တယ်။

အပိုင်း (၃) ကို ဆက်လက်ဖော်ပြပါမည်။

(ဧရာဝတီမဂ္ဂဇင်းတွင် အခန်းဆက်ဖော်ပြခဲ့သော အောင်ဇော်၏ Dictator:A Story of Burma’s Military Rulers ကို နိုင်မင်းသွင် ဆီလျော်အောင် ဘာသာပြန်ဆိုသည်။)

Image may contain: 6 people, people smiling, people standing

အာဏာရှင်များနှင့် မြန်မာ့တပ်မတော် အပိုင်း (၃ )

စစ်ထောက်လှမ်းရေး ခေါင်းထောင်လာခြင်း
(ဧရာဝတီ)

၁၉၇၆ ခုနှစ် အတွင်း မှာ ဦးနေဝင်း အ တွက် အိပ်ရေး ပျက်ရတဲ့ ညတွေ အများကြီး ရှိခဲ့ တယ်။ ကျောင်းသား ဆန္ဒပြမှုတွေ၊ စစ်ဦးစီး ချုပ်နဲ့ ကာကွယ်ရေး ဝန်ကြီး ဗိုလ် ချုပ်ကြီး သူရ တင်ဦးရဲ့ အရေးကိစ္စတွေ အပြင် အဲဒီနှစ် ထဲမှာပဲ ကချင် လက်နက် ကိုင်တွေနဲ့ မြန်မာပြည်မြောက် ပိုင်း တောင်ကုန်းတွေ က ကွန်မြူနစ် တပ်ဖွဲ့တွေ စစ်ရေး အရ မဟာမိတ်ဖွဲ့ဖို့ သဘော တူ လက်မှတ်ရေးထိုး လိုက်ကြ တယ်။ ရဲဘော်သုံး ကျိပ်ဝင် ဗိုလ်မှူးချုပ် ကျော်ဇောကလည်း ရန်ကုန် ကနေ ထွက်သွားပြီး တရုတ်နယ်စပ်က ကွန်မြူနစ်တွေ ဆီ ရောက်သွား ခဲ့တယ်။ အစိုးရ အနေနဲ့လည်း မအောင်မြင်တဲ့ အာဏာ သိမ်း ဖို့ ကြံစည်မှု တခုနဲ့ ကြုံတွေ့ ခဲ့ရသေးတယ်။

နှစ်သစ်ကူး အကြိုညမှာ အိမ်နဲ့သိပ်မဝေးတဲ့ အင်းယားလိတ် ဟိုတယ်ထဲမှာ ပါတီပွဲတခုလုပ်နေချိန် မှာ ပင်ပန်းနွမ်းနယ်နေပုံရတဲ့ ဦးနေဝင်း ဒေါသတကြီး နဲ့ ရောက်လာပြီး ဒရမ်ဆက်ကို ခြေထောက်နဲ့ကန်၊ အခန်းထဲမှာ ရှိတဲ့သူတချို့ကို ကိုယ်ထိလက်ရောက် တိုက်ခိုက်တာကို မြင်ရတော့ ပါတီပွဲလာသူတွေ ထိတ်လန့်တကြားဖြစ်ခဲ့ရတယ်။

ဒီအချိန်မှာ သူ့ကိုဝန်းရံထားတဲ့ လူရင်းတွေထဲ က ဦးနေဝင်းရဲ့ ယုံကြည်မှုအရဆုံးသူကတော့ မျက်မှန်အမြဲတပ်တဲ့ ထောက်လှမ်းရေး အကြီးအကဲ ဗိုလ်မှူးချုပ်တင်ဦးပါ။ ကာကွယ်ရေးဝန်ကြီးဟောင်း သူရဦးတင်ဦးနဲ့ ကွဲပြားအောင်လို့ အာဏာရှင် ဦးနေ ဝင်းရဲ့ ကိုယ်ရေးအရာရှိလည်း ဖြစ်တဲ့ သူ့ကို လူတွေ က “မျက်မှန်တင်ဦး” လို့ ခေါ်ကြတယ်။ မွန်ပြည်နယ် မုဒုံမြို့မှာ မွေးဖွားခဲ့တဲ့ ဗိုလ်မှူးချုပ် တင်ဦးဟာ မွန်လူမျိုး ဖြစ်ပါတယ်။

ဆယ်တန်းအထိ ပညာသင်ကြားဖူးပြီးတော့ အသက် ၁၅ နှစ်အရွယ်မှာ စစ်ထဲဝင်ခဲ့ပါတယ်။ သူ က အရပ်ရှည်တာကြောင့် အသက် ၁၈ နှစ်ရှိပြီလို့ ပြောတာကို စစ်သားစုဆောင်းရေးက လက်ခံခဲ့ပါ တယ်။ အင်္ဂလိပ်တပ်တွေကို တိုက်ခိုက်ဖို့ ဂျပန်နဲ့ မြန်မာတပ်တွေ ရန်ကုန်ကို ချီတက်လာတဲ့ အချိန်မှာ တော့ သူက တပ်စုမှူးဖြစ်နေပါပြီ။

မြန်မာနိုင်ငံအတွင်းကို ဂျပန်တပ်တွေနဲ့ အတူ ဦးနေဝင်း ပြန်လည် ဝင်ရောက်လာချိန်မှာ ဗိုလ်မှူး ချုပ်တင်ဦးနဲ့ သိကျွမ်းခဲ့တယ်။ ဒို့ဗမာအစည်းအရုံးရဲ့ လှုပ်ရှားမှုတွေမှာ ပါဝင်ခဲ့ဖူးတဲ့ ဗိုလ်မှူးချုပ်တင်ဦးရဲ့ မိဘတွေက စစ်ထဲဝင်သွားကြတဲ့ သား ၄ ယောက်ကို စောင့်ရှောက်ပေးဖို့ ဦးနေဝင်းကို မေတ္တာရပ်ခံခဲ့ပါ တယ်။ ဒါပေမယ့် သူတို့ ညီအစ်ကိုတွေထဲက ၂ ယောက် စစ်အတွင်းကျဆုံးခဲ့ကြတယ်။ ဒါကြောင့် ဦးနေဝင်းက ထက်မြက်ပြီး ပါရမီရှိတဲ့ မောင်တင်ဦး ကို စစ်မြေပြင်ကို မလွှတ်တော့ဘဲ သူ့ရဲ့ မျက်စိ အောက်မှာပဲထားဖို့ ဆုံးဖြတ်လိုက်တယ်။

လွတ်လပ်ရေး ရပြီးတဲ့နောက် မောင်တင်ဦးဟာ ရန်ကုန်တက္ကသိုလ်မှာ ကျောင်းဆက်တက်ပြီး စီးပွား ရေးနဲ့ သမိုင်းပညာရပ်တွေ သင်ယူတယ်။ ဒါ့အပြင် တက္ကသိုလ်တက်ရင်း မာ့က်စ်ဝါဒကို လေ့လာခဲ့သလို လက်ဝဲအယူအဆတွေကို ယုံကြည်တဲ့ ကျောင်းသား တွေနဲ့လည်း သိကျွမ်းခဲ့တယ်။
သူ့ရဲ့ ကျောင်းနေဖက် တွေထဲက တဦးကတော့ ၁၉၈၈ ခုနှစ်မှာ ဖွဲ့စည်း ခဲ့တဲ့ အမျိုးသား ဒီမိုကရေစီအဖွဲ့ချုပ် ဗဟိုအလုပ် အမှု ဆောင်တယောက်ဖြစ်တဲ့ စာရေးဆရာ မောင် စူးစမ်း ဖြစ်လာမယ့် မောင်ချမ်းအေး ဖြစ်ပါတယ်။ မောင်ချမ်းအေးက သူ့ကိုကွန်မြူနစ်ပါတီဝင်ဖို့ ဖိတ် ခေါ်ခဲ့ပေမယ့် မောင်တင်ဦးက စိတ်မဝင်စားခဲ့ဘူး။ နောက်ဆုံးမှာတော့ စစ်တပ်ကိုပဲ ပြန်ရောက်သွားပြီး ဗိုလ်ချုပ်ကြီးနေဝင်းရဲ့ ကိုယ်ရေးအရာရှိ ဖြစ်လာ တယ်။ ဗိုလ်ချုပ်ကြီး နေဝင်းက သူ့ကို ထိရောက်မှု မရှိတဲ့ ထောက်လှမ်းရေးအဖွဲ့ကို ပြင်ဆင်ဖွဲ့စည်းဖို့နဲ့ စစ်ထောက်လှမ်းရေးဌာန တည်ထောင်ဖို့ တာဝန် ပေးခဲ့တယ်။

ဗိုလ်ချုပ်ကြီးနေဝင်းက သူ့ကို ပစိဖိတ်သမုဒ္ဒရာ ထဲက ဆိုင်ပန်ကျွန်းမှာ အမေရိကန်ထောက်လှမ်းရေး အေဂျင်စီ (CIA) က ဖွင့်တဲ့ သင်တန်းတက်ဖို့ စေလွှတ်ခဲ့တယ်။ အင်္ဂလန်နိုင်ငံက တော်ဝင်စစ်ရဲအဖွဲ့ ထံမှာ လေ့ကျင့်သင်ကြားခွင့်လည်း ရရှိခဲ့တယ်။ ၁၉၆၂ ခုနှစ် စစ်တပ်က အာဏာသိမ်းယူပြီးတဲ့ နောက်မှာတော့ သမ္မတဟောင်း မန်းဝင်းမောင်နဲ့ ဝန်ကြီးချုပ်ဟောင်း ဦးနုအပါအဝင် နိုင်ငံရေး အကျဉ်းသားတွေကို ရန်ကုန်မြို့ပြင်မှာရှိတဲ့ ရေကြည်အိုင်လို့ ခေါ်ကြတဲ့ စခန်းမှာ ထိန်းသိမ်းဖို့ ဒုဗိုလ်မှူးကြီးတင်ဦး က တာဝန်ယူရတယ်။

ဦးနု နဲ့ အစိုးရအဖွဲ့ဝင်တွေကို ကယ်ဆယ်ဖို့ ကြိုးစားလာမှုမှန်သမျှကို ကာကွယ်နိုင်ဖို့လည်း သူက ပြင်ဆင်တယ်။ လေကြောင်းတိုက်ခိုက်မှုတွေ ဒါမှ မဟုတ် နိုင်ငံခြားက အထူးတပ်ဖွဲ့တွေ လေကြောင်းချီ စစ်ဆင်ရေးပြုလုပ်လာရင်လည်း တုံ့ပြန်နိုင်ဖို့ သနက ၄ ရဲ့ အကူအညီနဲ့ ပြင်ဆင်ထားတယ်။

လုပ်ကြံသတ်ဖြတ်ဖို့ ကြံစည်မှုတွေကိုလည်း ဖယ်ရှားပေးနိုင်ခဲ့တဲ့အတွက် ဗိုလ်ချုပ်ကြီးနေဝင်းရဲ့ သဘောကျနှစ်ခြိက်မှု အကြီးအကျယ် ရရှိခဲ့ပါတယ်။ မြန်မာပြည်ကွန်မြူနစ်ပါတီ အလံဖြူအဖွဲ့ ခေါင်းဆောင် သခင်သန်းထွန်း သေဆုံးမှုကို အတည်ပြုပေးနိုင်ဖို့ အတွက် စစ်မြေပြင်ကိုလည်း လိုက်သွားခဲ့တယ်။ ဗိုလ်ချုပ်အောင်ဆန်းနဲ့ ရင်းနှီးတဲ့ မိတ်ဆွေတယောက် လည်းဖြစ်တဲ့ သခင်သန်းထွန်းကို သူပုန်းခိုရာ တော တွင်းစခန်းတခုမှာ တပ်ပြေးတယောက်လို့ ယူဆရသူ တဦးက လုပ်ကြံသတ်ဖြတ်ခဲ့တယ်။

စာဖတ်ဝါသနာပါသူ တယောက်ဖြစ်တဲ့ ဒုဗိုလ်မှူးကြီး တင်ဦးဟာ စစ်ထောက်လှမ်းရေးဌာနမှာ စာအုပ်ထုတ်ဝေရေး တိုက်တတိုက် တည်ထောင်ပြီး တော့ ကွန်မြူနစ်လှုပ်ရှားမှုတွေမှာ ပါဝင်ခဲ့ဖူးပြီး အစိုးရနဲ့ ပြန်လည်ဆက်သွယ်လာသူတွေကို စစ်ထောက်လှမ်းရေး ရန်ပုံငွေနဲ့ ဆောင်ရွက်ရမယ့် လုပ် ငန်းတွေအတွက် စည်းရုံးစုဆောင်းတယ်။ ထုတ်ဝေခဲ့ တဲ့ စာအုပ်တွေထဲက “သခင်သန်းထွန်း၏ နောက်ဆုံး နေ့များ” နဲ့ “ဇင်ချစ်နောက်ဆုံးနှစ်” ဆိုတဲ့ ၂ အုပ်ကို လက်နက်ချ အလင်းဝင်ကွန်မြူနစ်ဟောင်းတွေဖြစ်တဲ့ ရဲဘော်မြနဲ့ ရဲဘော်ဘခက်တို့က ရေးသားခဲ့တယ်။ ထိရောက်တဲ့ ကွန်မြူနစ်ဆန့်ကျင်ရေး ဝါဒဖြန့်မှုလည်း ဖြစ်ခဲ့ပါတယ်။

အဲဒီ အချိန်အထိ ဒုဗိုလ်မှူးကြီး တင်ဦးဟာ ထောက်လှမ်းရေးဌာနရဲ့ အကြီးအကဲ မဖြစ်သေးပါ ဘူး။ ဌာနအတွင်းမှာလည်း ပြိုင်ဆိုင်မှုတွေ ကွဲပြားမှု တွေ ရှိနေခဲ့တယ်။ တဖက်က နှုတ်ခမ်မွေး မောင်လွင် လို့သိကြတဲ့ ဗိုလ်မှူးကြီး မောင်လွင်ရှိတယ်။ ရှေးရိုး ဆန်တဲ့ စစ်သားတယောက်ဖြစ်တဲ့ ဗိုလ်မှူးကြီး မောင်လွင်ဟာ ဗိုလ်ချုပ်ကြီးနေဝင်း အပေါ်သစ္စာရှိ ပေမယ့် သူ့ရဲ့ ထောက်လှမ်းရေးဌာနနဲ့ ပတ်သက်ရင် ဝန်တိုစိတ်နဲ့ စောင့်ကြည့်တတ်သူ တယောက်ပါ။ တခြားဖက်မှာတော့ ဗိုလ်ချုပ်ကြီးနေဝင်းရဲ့ နှစ်ခြိုက် သဘောကျတဲ့ လက်ထောက် တယောက်ဖြစ်ပြီး ထောက်လှမ်းရေးတပ်ဖွဲ့ကို ပြုပြင်ပြောင်းလဲရေး လုပ်ဖို့အတွက် ရန်ကုန်မြို့က အမေရိကန်သံရုံးမှာ CIA အရာရှိတွေဆီမှာ သင်တန်းတက်ထားတဲ့ ဗိုလ်မှူးချုပ် မောင်မောင်ရှိနေတယ်။ အဲဒီပြဿနာကို ပြေလည်အောင် ဖြေရှင်းနိုင်ရေးက ဗိုလ်ချုပ်ကြီး နေဝင်းအတွက် ဖိအားလည်း ဖြစ်စေခဲ့တယ်။ ၁၉၆၁ ခုနှစ် ဖေဖော်ဝါရီလမှာတော့ ဗိုလ်ချုပ်ကြီးနေဝင်းက ဗိုလ်မှူးချုပ် မောင်မောင်ကို ရာထူးက ထုတ်ပယ် လိုက်တဲ့အတွက် ဗိုလ်မှူးတင်ဦးအတွက် အထက်ကို တက်နိုင်ဖို့ လမ်းတွေ မြန်မြန်ပွင့်သွားတော့တယ်။

ဗိုလ်ချုပ်ကြီးနေဝင်းက နိုင်ငံခြားခရီးသွားတဲ့ အခါတိုင်း ထောက်လှမ်းရေးတပ်ဖွဲ့မှာ စစ်ဆင်ရေး အရာရှိအဖြစ် တာဝန်ထမ်းဆောင်နေတဲ့ အင်္ဂလိပ်-မြန်မာ ကပြား ဗိုလ်ကြီးကျော်စွာမြင့်ကို ခေါ်သွားလေ့ ရှိတယ်။ ဒါပေမယ့် ဗိုလ်ကြီးကျော်စွာမြင့်က မြန်မာ့ ဆိုရှယ်လစ် လမ်းစဉ်ကို မနှစ်သက်တဲ့အတွက် ဗိုလ်ချုပ်ကြီးနေဝင်းကို လုပ်ကြံသတ်ဖြတ်ဖို့အထိ စီစဉ်ခဲ့တယ်လို့ သတင်းတွေက ဆိုတယ်။

လုပ်ကြံမှုက ဖြစ်မလာခဲ့ဘူး။ သူ့ရဲ့ အကြံ အစည်တွေကို ဗိုလ်ချုပ်ကြီးနေဝင်း မရိပ်မိမီမှာပဲ ဗိုလ်ကြီး ကျော်စွာမြင့်က ထိုင်းနယ်စပ်ကနေတဆင့် ဩစတြေးလျနိုင်ငံကို ထွက်ပြေးသွားခဲ့တယ်။ ဒါပေမယ့် ဗိုလ်ကြီးကျော်စွာမြင့် မြန်မာနိုင်ငံကနေ ထွက် သွားတဲ့အချိန်မှာ ပဲခူးရိုးမမှာရှိတဲ့ ဒုဗိုလ်မှူးကြီး တင်ဦးရဲ့ ထောက်လှမ်းရေး ကွန်ရက်တွေက သူ့ကို အဲဒီဒေသမှာ တွေ့ရှိရကြောင်း ထောက်လှမ်းရေးဌာန ချုပ်ကို သတင်းပို့ရင်း “သူအဲဒီမှာ ဘာလုပ်နေတာလဲ” လို့ လှမ်းမေးတယ်။

ဒုဗိုလ်မှူးကြီးတင်ဦးက စစ်ရုံးကို ခပ်မြန်မြန်ပဲ လှမ်းစုံစမ်းပေမယ့် အကြောင်းပြန်ချက် မရခဲ့ဘူး။ ဘာဖြစ်လို့လဲဆိုတော့ ဗိုလ်မှူးကြီး မောင်လွင်က ဗိုလ်ချုပ်ကြီးနေဝင်းကို ဒီသတင်းပို့ဖို့ ကြောက်ရွံ့နေ လို့ပါ။ ဒါပေမယ့် ဒုဗိုလ်မှူးကြီးတင်ဦးက သူ့ဆရာ သမားဆီကို တိုက်ရိုက်သွား အစီရင်ခံပါတယ်။
ဗိုလ်ချုပ်ကြီး နေဝင်းကလည်း အဆင့်မြင့်ထောက် လှမ်းရေးအရာရှိတွေကို ဆင့်ခေါ်ပြီး နောက်ဆိုရင် သူ့ဆီတိုက်ရိုက် သတင်းပို့ဖို့ပြောတယ်။ အဲဒီနောက် မှာတော့ ဗိုလ်ချုပ်ကြီးနေဝင်း က ဒု ဗိုလ်မှူးကြီးတင်ဦး ကို စစ်ရုံးချုပ်ကို ပို့လိုက်ပြီး သူကောင်းပြုခဲ့တယ်။ အမျိုးသား ထောက်လှမ်းရေးဗျူရိုရဲ့ အကြီးအကဲဖြစ် လာပြီး သမ္မတရဲ့ စစ်ရေးလက်ထောက်ဆိုတဲ့ ရာထူး သစ်တမျိုးလည်း ရရှိခဲ့တယ်။ အဲဒီရာထူးဟာ စစ်ဦး စီးချုပ်ထက်တောင်မှ ပိုပြီး အာဏာရှိပါတယ်။ အမ်အိုင်တင်ဦးဆိုတဲ့ မြန်မာနိုင်ငံသား အများစု ဒီနေ့အထိ အမှတ်တရဖြစ်နေတဲ့ နာမည်ကိုလည်း ခပ်မြန်မြန်ပဲ ရခဲ့ပါတော့တယ်။

ဒါပေမယ့် သူ့မှာ တိုက်ပွဲအတွေ့အကြုံ အား နည်းပါတယ်။ တိုက်ခိုက်ရေးဘက်က သူ့ရဲ့ပြိုင်ဘက် တွေက သူရဲ့လုပ်ပိုင်ခွင့်နဲ့ ဩဇာကို ထိခိုက်ကျဆင်း စေချင်ရင် ဒီအချက်ကို သုံးမယ်ဆိုတာ သူသိတယ်။ ဒါကြောင့် မှန်ကန်တဲ့ထောက်လှမ်းရေး သတင်းမပါ ဘဲ စစ်မြေပြင်မှာ အောင်မြင်မှု မရရှိနိုင်ဘူးဆိုတာကို သိအောင်ပြသတဲ့ အလိမ္မာနည်းနဲ့ တုံ့ပြန်ခဲ့ပါတယ်။ ၁၉၇၀ နှစ်တွေအတွင်း ကွန်မြူနစ်နဲ့ တိုင်းရင်းသား လက်နက်ကိုင်တွေကိုတိုက်ခိုက်တဲ့ စစ်တပ်ရဲ့ အရေး ပါတဲ့ ထိုးစစ်တွေတိုင်းမှာ ဗိုလ်မှူးချုပ်တင်ဦးနဲ့ သူ့ရဲ့ ထောက်လှမ်းရေးအဖွဲ့တွေက စစ်မြေပြင်တပ်မှူးတွေ ကို ထိရောက်တဲ့ ထောက်လှမ်းရေး သတင်းအချက် အလက်တွေပေးပြီး ကူညီခဲ့တယ်။ ကွန်မြူနစ်တပ် တွေကို အပြီးအပိုင် တိုက်ထုတ်တဲ့နေရာမှာ စစ်မြေ ပြင် တပ်မှူးတွေကို ကူညီဖို့အတွက် သူကိုယ်တိုင် ပဲခူးရိုးမပေါ် သွားခဲ့တယ်။

တပြိုင်တည်းလိုမှာပဲ ဗိုလ်မှူးချုပ်တင်ဦးဟာ သူ့ရဲ့ ထောက်လှမ်းရေးကွန်ရက်ကို မြန်မြန်ဆန်ဆန် ချဲ့ထွင်နိုင်ခဲ့ပါတယ်။ လွတ်လပ်ရေး တိုက်ပွဲမှာပါဝင် တိုက်ခိုက်ခဲ့တဲ့ သခင်တွေနဲ့ နိုင်ငံရေးသမားဟောင်း တွေကို ဂုဏ်ပြုတဲ့ နိုင်ငံ့ဂုဏ်ရည် ဘွဲ့တံဆိပ်ကို တီထွင်ပြီးတော့ ဦးနေဝင်းက ချီးမြှင့်ပေးနိုင်အောင် ကူညီခဲ့ပါတယ်။ မြန်မာနိုင်ငံအတွင်းနဲ့ ပြည်ပမှာ ပြုလုပ်တဲ့ လျှို့ဝှက်လှုပ်ရှားမှုတွေအတွက် သီးသန့် ရန်ပုံငွေကိုလည်း သူပဲစီမံခန့်ခွဲရပါတယ်။
အဲဒီထဲမှာ ပြည်ပမှာနေထိုင်တဲ့ မြန်မာတွေဖြစ်တဲ့ သံရုံးဝန်ထမ်း တွေ၊ ထိုင်းနိုင်ငံ၊ တရုတ်နိုင်ငံနဲ့ ဘင်္ဂလားဒေ့ရှ် နယ်စပ်မှာရှိတဲ့ နိုင်ငံအတွင်းက ထွက်ပြေးခိုလှုံတဲ့ အဖွဲ့တွေကို စောင့်ကြည့်လေ့လာတာတွေ ပါဝင်ပါ တယ်။ ဒီလိုလုပ်တာဟာ ဆွစ်ဇာလန်ဘဏ်တခုမှာ အပ်နှံထားတဲ့ ဦးနေဝင်းရဲ့ လျှို့ဝှက်ဘဏ်စာရင်းထဲက ငွေတွေကို ပြန်လည်ရနိုင်ဖို့အတွက် အကူအညီတောင် ဖြစ်သေးတယ်လို့ သူကပြောပါတယ်။

ဗိုလ်မှူးချုပ် တင်ဦးဟာ ပေါင်မုန့်ကို ဘယ် နေရာမှာ ထောပတ် သုတ်ရမယ်ဆိုတာ သိတဲ့သူပါ။ ဦးနေဝင်းအပေါ် ကြည်ညိုလေးစားမှုကိုလည်း ဖုံး ကွယ်မထားခဲ့ပါဘူး။ လုပ်ဖော်ကိုင်ဖက်တွေနဲ့ ဝီစကီ သောက်တဲ့အခါတိုင်း “ကျနော့်မှာ ဘုရား တဆူပဲ ရှိတယ်။ အဲဒါ ဗိုလ်ချုပ်ကြီး နေဝင်းပဲ” လို့ ပြောတတ် ပါတယ်။ တဖက်မှာလည်း ဦးနေဝင်းက သူ့ကို အရမ်းယုံကြည် အားထားပါတယ်။ ဝန်ကြီးအဖွဲ့နဲ့ စစ်တပ်ရဲ့ ထိပ်ပိုင်းရာထူးတွေ ခန့်ထားဖို့ကိုတောင်မှ ဆုံးဖြတ်ချက်မချခင် ဗိုလ်မှူးချုပ်တင်ဦးရဲ့ အကြံ Óဏ် ရယူလေ့ရှိပါတယ်။

နောက်ပိုင်းမှာတော့ ဗိုလ်မှူးချုပ်တင်ဦးဟာ မြန်မာ့ဆိုရှယ်လစ် လမ်းစဉ်ပါတီရဲ့ တွဲဖက်အတွင်း ရေးမှူးဖြစ်လာပါတော့တယ်။ လက်အောက်ငယ်သား တွေကလည်း ဦးနေဝင်းကို “နံပါတ်တစ်” လို့ စတင် ခေါ်လာကြပြီး သူ့ကိုတော့ “တစ်ခွဲ” လို့ သူတို့ နောက်ကွယ်မှာ ခေါ်ကြပါတယ်။
ဒါပေမယ့် ဒီ အကြောင်းတွေကို သူတပါးအပေါ် သံသယအလွန် ကြီးတဲ့ စစ်အာဏာရှင် ဦးနေဝင်း သတိမထားမိ အောင်တော့ ကြာရှည်ဖုံးကွယ်မထားနိုင်ခဲ့ပါဘူး။

အပိုင်း (၄) ကို ဆက်လက်ဖော်ပြပါမည်။

(ဧရာဝတီမဂ္ဂဇင်းတွင် အခန်းဆက်ဖော်ပြခဲ့သော အောင်ဇော်၏ Dictator:A Story of Burma’s Military Rulers ကို နိုင်မင်းသွင် ဆီလျော်အောင် ဘာသာပြန်ဆိုသည်။)

Image may contain: 1 person, standing and outdoor

 

အာဏာရှင်များနှင့် မြန်မာ့တပ်မတော် အပိုင်း (၄)

ဗိုလ်နေဝင်း၏ အကြောက်တရား ကြီးထွားလာခြင်း

အောင်ဇော်

ဗိုလ်မှူးချုပ် တင်ဦးနဲ့ အရမ်းနီးကပ်တဲ့ ဆက်ဆံရေးရှိတယ် ဆိုပေမယ့် သံသယစိတ် ကြီးတဲ့ ဦးနေဝင်းဟာ ဘယ်သူ့ကိုမှ မယုံကြည်ပါဘူး။ သူ့ကို အဆိပ်ခတ်မှာလည်း အလွန်စိုးရိမ်တဲ့အတွက် ထမင်းချက် “ရာဂျူး” က သူ့ရှေ့မှာတင် ဟင်းခွက်တိုင်းကို မြည်းပြရတယ်။ တကယ်တော့ ရာဂျူး ကိုယ်တိုင်လည်း ဝန်ကြီးတယောက် လောက်နီးနီး အာဏာပြင်းတဲ့သူပါ။ တခါတုန်းက ဗိုလ်မှူးကြီး တယောက်ကို အရက် မသောက်တတ်၊ ဂေါက်မရိုက်တတ်လို့ ရာဂျူးက လှောင်ပြောင်ခဲ့ဖူးတယ်လို့ ကောလာဟလ သတင်းထွက်ခဲ့တယ်။ အလှောင်ခံရသူက ဗိုလ်မှူးကြီး ခင်ညွန့်လို့ ခေါ်သတဲ့။

စင်ကာပူရဲ့ ဝါရင့်ခေါင်းဆောင်ကြီး လီကွမ်ယုက ရန်ကုန် ဂေါက်ကွင်းတခုမှာ လုံခြုံရေးအစောင့်တွေ ပတ်လည်ဝိုင်းပြီး သံခမောက် ဆောင်းထားတဲ့ ဦးနေဝင်းကို သူမြင်ခဲ့ဖူးတယ်လို့ ပြောဖူးတယ်။ ၁၉၇၀ နှစ်တွေ အတွင်း စစ်ရုံးမှာ တာဝန်ထမ်းဆောင် ဖူးတဲ့ အရာရှိတွေ ပြောပြချက်အရဆို တခါတလေ ဦးနေဝင်းရဲ့ယာဉ်တန်းဟာ အစ္စရေးလုပ် အူဇီ စက်သေနတ်တွေ ကိုင်ဆောင်ထားတဲ့ စစ်သားတွေအပြည့် လိုက်လာတဲ့ နစ်ဆန်းအမျိုးအစား ကင်းလှည့် ဂျစ်ကားတွေ ခြံရံပြီး အရှိန်ပြင်းပြင်းနဲ့ ရောက်လာတတ်ပေမယ့် ဦးနေဝင်းကို သူ့ရဲ့ မှန်လုံဇိမ်ခံ ကားကြီးပေါ်မှာ မတွေ့ရဘဲ နောက်က ဂျစ်ကားတွေထဲက တစီးစီးမှာ ပါလာတာမျိုး ရှိတယ်လို့ သိရပါတယ်။

ဗိုလ်မှူးချုပ်တင်ဦး ထောက်လှမ်းရေးအဖွဲ့ရဲ့ ထိပ်ဆုံးနေရာ ရောက်မလာခင် ဦးနေဝင်း ဩစတြီး ယားနိုင်ငံ ဗီယင်နာမြို့ကိုသွားပြီး ထင်ရှားတဲ့ စိတ်အထူးကု ဆရာဝန် ဒေါက်တာ ဟန်းစ်ဟော့ဖ်နဲ့ တွေ့ဆုံခဲ့တယ်။ “စမ်းသပ်ခုတင်ပေါ်မှာ မြန်မာပြည် ရဲ့ အာဏာရှင်ကြီး ဘာတွေပြောခဲ့သလဲ၊ ဦးနေဝင်း ဘာတွေ စိတ်ညစ်နေသလဲ ဆိုတဲ့ လျှို့ဝှက်ချက်က ဩစတြီးယားက ရုံးခန်းတခုထဲမှာ လုံခြုံစွာရှိနေတုန်း ပါပဲ။ ၁၉၇၀ နှစ်တွေ အလယ်လောက်မှာ ကုသမှု ခံယူတာကို ရပ်လိုက်ပါတယ်” လို့ ကုလသမဂ္ဂအတွင်း ရေးမှူးချုပ်ဟောင်း ဦးသန့်ရဲ့ မြေးဖြစ်သူ သမိုင်း ပညာရှင် ဒေါက်တာ သန့်မြင့်ဦးက “ခြေရာပျောက်မြစ်” အမည်ရတဲ့ စာအုပ်မှာ ရေးပါတယ်။

ဒေါက်တာ ဟန်းစ်ဟော့ဖ်နဲ့ သွားရောက်တွေ့ ဆုံမှုကို ရပ်လိုက်တဲ့အချိန် မြန်မာနိုင်ငံတောင်ပိုင်း ပုလဲကျွန်းမှာရှိတဲ့ ပုလဲမွေးမြူရေးစီမံကိန်းကို စစ် ဆေးဖို့အတွက် ဦးနေဝင်း သွားရောက်ခဲ့ပါတယ်။ ၁၉၇၅ ခုနှစ်မှာ ဗမာပြည် ကွန်မြူနစ်ပါတီ ဥက္ကဋ္ဌဖြစ်လာတဲ့ သခင်ဗသိန်းတင်ရဲ့ ညီဖြစ်သူ ဗိုလ်မှူးကြီး မျိုးအောင်က ဦးနေဝင်းနဲ့ အဖွဲ့ကိုကြိုဆိုပါတယ်။ ဒါပေမယ့် သူ့ကိုမြင်တွေ့လိုက်ရခြင်းကြောင့် ဦးနေဝင်း စိတ်အနှောင့်အယှက် ဖြစ်သွားပုံရပါတယ်။ အဲဒီညက ဦးနေဝင်း တော်တော်နဲ့ မအိပ်တဲ့ အတွက် သူ့ရဲ့ ကိုယ်ရေးဆရာဝန်တွေ အနေအထား ကိုစောင့်ကြည့်ရင်း အလုပ်ရှုပ်ခဲ့ကြပါတယ်။

နောက် တော့ လရောင်အောက်မှာ ကမ်းခြေတလျှောက် ဒါဇင်နဲ့ချီတဲ့ လုံခြုံရေးအစောင့်အရှောက်တွေ စိုးရိမ် ပူပန်နေတဲ့ အရာရှိတွေ ခြံရံပြီး လမ်းလျှောက်တယ်။ ဗိုလ်မှူးကြီး မျိုးအောင်က ဝေးဝေးမှာနေပေမယ့် သူ့ရဲ့လက်ထောက်ဖြစ်တဲ့ ဒုဗိုလ်မှူးကြီးချစ်ဆွေက တော့ နောက်က ကပ်လိုက်ခဲ့တယ်။ ဦးနေဝင်းက စိတ်မသက်မသာပုံစံနဲ့ ဟာသတွေ လျှောက်ပြောနေပေမယ့် အားလုံးက ကြောက်တဲ့အတွက် ဘယ်သူမှ မရယ်ရဲဘူး။ ဒုဗိုလ်မှူးကြီး ချစ်ဆွေက ဦးနေဝင်းနဲ့ စကားစမြည်ပြောဖို့ ကြိုးစားတဲ့အခါ ပထမ ဂရုမစိုက်ဘူး။ ဒါပေမယ့် မြင်းအကြောင်းဆီ စကားကို ဆွဲယူသွားတဲ့ အချိန်မှာတော့ ဦးနေဝင်း ပါလာပါ တယ်။ ဦးနေဝင်းက ကြိုက်တယ်လို့ပြောတဲ့မြင်း မှန်သမျှကို အကောင်းဆုံးလို့ လက်ခံဖို့ ဒုဗိုလ်မှူးကြီး ချစ်ဆွေဘက်ကလည်း အဆင်သင့်ပါပဲ။

ပြောဆိုနေရင်း ဦးနေဝင်း ဖောက်လာတယ်။ စစ်ရုံးကို ၅ မိနစ်တခါ သတင်းပို့ရင်း အလုပ်ရှုပ်နေတဲ့ ဆက်သွယ်ရေးခန်းက မီးရောင် တလက်လက်ကို မြင်တော့ အရာရှိတွေကို အော်ဟစ်ဆူပူပြီး ဆက် သွယ်ရေးစက်ကို ပိတ်ခိုင်းတယ်။ နောက်ဆုံး ဦးနေဝင်း ပြန်ငြိမ်သွားပြီး အိပ်ရာဝင်ဖို့ သဘောတူတယ်။ ဒါပေမယ့် သူ့ ဘန်ဂလိုမှာ မအိပ်ဘဲ ကမ်းစပ်က ကူးတို့ဆိပ်မှာပဲ အိပ်မယ်လို့ တောင်းဆိုခဲ့တာကြောင့် စစ်သားတွေက သူ့ရဲ့မွေ့ရာကို အလျင်အမြန်သယ်ပို့ပေးခဲ့ရပြီး လုံခြုံရေးတာဝန်ယူရသူတွေလည်း နံနက် ရောက်တဲ့အထိ အနားမှာ စောင့်ပေးခဲ့ရတယ်။

ဗိုလ်မှူးချုပ်တင်ဦးကတော့ “အဖေကြီး စိတ် ညစ်ရင် အကြာကြီးမညစ်ဘူး” လို့ လုပ်ဖော်ကိုင်ဘက် တွေကို ပြောခဲ့ဖူးတယ်။ ဒါပေမယ့် သူကိုယ်တိုင်လည်း တနေ့ ဖယ်ထုတ်ခံရနိုင်တယ်လို့ စိတ်ထဲမှာ ထင်မြင် နေတဲ့အကြောင်း ယုံကြည်သူတွေကိုဖွင့်ပြောခဲ့တယ်။ နောက်ဆုံး ဦးနေဝင်းက ဗိုလ်မှူးချုပ်တင်ဦးကိုလည်း စတင် သံသယဝင်လာတော့တယ်။

၁၉၈၁ ခုနှစ်မှာ မြန်မာ့ဆိုရှယ်လစ် လမ်းစဉ်ပါတီ ရဲ့ တွဲဖက် အတွင်းရေးမှူး ဦးသောင်းကြည် ဂေါက်ရိုက်နေရင်း နှလုံးရောဂါနဲ့ ကွယ်လွန်သွားတယ်။ ဦးနေဝင်းဆေးရုံကိုရောက်လာပြီး ပါတီ ထိပ်တန်း ခေါင်းဆောင်တွေနဲ့ တွေ့ဆုံပါတယ်။ သူရောက်မလာခင် ဗိုလ်မှူးချုပ် တင်ဦးက နေရာချထားမှု တခု ပြင်ဆင်ထားတယ်။ ဦးသောင်းကြည်ရဲ့ နေရာကို ကာကွယ်ရေး ဦးစီးချုပ် ဗိုလ်ချုပ်ကြီး သူရကျော်ထင်ကို ပေးဖို့ပါ။ ဗိုလ်ချုပ်ကြီး သူရကျော်ထင်ကို အာဏာပြင်းတဲ့ စစ်ဘက်ရာထူးကနေပြီး ပါတီရာထူးကို ပြောင်းရွှေ့လိုက်ဖို့ ဗိုလ်မှူးချုပ် တင်ဦးက စဉ်းစားထားတယ်။

ဒါပေမယ့် ဦးနေဝင်းက ဗိုလ်ချုပ်ကြီး သူရကျော်ထင်ကို စစ်တပ်မှာပဲ ဆက်ရှိစေချင်တယ်။ ရာထူးခန့်ထားရေးနဲ့ ပတ်သက်လို့ နားထောင်အပြီး ဦးနေဝင်းက ဗိုလ်မှူးချုပ် တင်ဦးကို ပါတီ တွဲဖက် အတွင်းရေးမှူး လုပ်ခိုင်းလိုက်တယ်။ နိုင်ငံရေး လေ့လာသူတွေကတော့ နိုင်ငံရေး အကွက်ရွှေ့တာ ကျွမ်းကျင်သူ တယောက်ဖြစ်တဲ့ ဦးနေဝင်းက ဗိုလ်မှူးချုပ် တင်ဦးရဲ့ နောက်လာမယ့်ခြေလှမ်းတွေကို ကြို တင် သိကောင်းသိနေ နိုင်တဲ့အတွက် တားဆီးတဲ့ အနေနဲ့ လုပ်ဆောင်လိုက်တာ ဖြစ်နိုင်တယ်လို့ ပြောကြပါတယ်။ မြန်မာ့ဆိုရှယ်လစ် လမ်းစဉ်ပါတီတွင်းက လူအများစုကလည်း ဒီ ထင်မြင်ချက်ကို လက်ခံကြပါတယ်။

နောက်ပိုင်း ဦးနေဝင်းနဲ့ ဗိုလ်မှူးချုပ် တင်ဦးကြားမှာ အက်ကြောင်းဖြစ်လာတဲ့အခါ ပြိုင်ဘက်တွေက ဦးနေဝင်းဆီကို သတင်းတွေ ပို့ပေးပြီး မီးလောင်ရာ လေပင့်ကြပါတယ်။ မြန်မာ့ဆိုရှယ်လစ် လမ်းစဉ်ပါတီ တွဲဖက်အတွင်းရေးမှူး ဖြစ်လာပြီးနောက် ဗိုလ်မှူးချုပ် တင်ဦးက မြန်မာ့အသံ အပါအဝင် အစိုးရပိုင် လုပ်ငန်းတွေ၊ စီမံကိန်းတွေကနေ တဆင့် မွန်ယဉ်ကျေးမှုကို မြှင့်တင်နိုင်ဖို့ ကြိုးစားခဲ့တယ်။ သူဟာ ဦးနေဝင်း မရှိတော့တဲ့အခါ မြန်မာနိုင်ငံကို အုပ်ချုပ်ချင်နေတဲ့ “မွန်မင်းလောင်း” လို့တောင် ကောလာဟလတွေ ထွက်ပေါ်ခဲ့ရတဲ့အထိပါ။ ဗိုလ်မှူးချုပ် တင်ဦးကို ထိခိုက်ပျက်စီးစေမယ့် ကောလာဟလတွေ ထုတ်လွှင့်နေတဲ့ လှုပ်ရှားမှုရဲ့ နောက်ကွယ်မှာ စစ်အရာရှိတွေ ရှိနေပြီး အဲဒီထဲမှာ ၁၉၈၈ လူထုအုံကြွမှုတုန်းက “ရန်ကုန်မြို့က သား သတ်သမား”လို့ နာမည်တွင်ခဲ့တဲ့ ဗိုလ်မှူးချုပ်စိန်လွင် လည်း ပါတယ်။ သူလည်း မွန်လူမျိုး တယောက်ပါ။

ဗိုလ်မှူးချုပ် တင်ဦးရဲ့ သားဖြစ်သူ ရန်ကုန်မြို့ မှာ ကြီးကျယ်ခမ်းနားတဲ့ မင်္ဂလာပွဲကြီးတခု မကျင်းပမီ ရက်အနည်းငယ် အလို ဦးနေဝင်း အထူးလေယာဉ် နဲ့ငပလီကမ်းခြေကို ထွက်သွားတာ ရန်ကုန်လေဆိပ် မှာ ခရီးသည်တွေ မြင်လိုက်တယ်။ ဦးနေဝင်းကို တက်ရောက်ချီးမြှင့်ဂုဏ်ပြုပေးဖို့ ဖိတ်ကြားခဲ့ပေမယ့် သူက မတက်ဖို့ ဆုံးဖြတ်ခဲ့တယ်။ ဦးနေဝင်း ရောက်မလာတာနဲ့ ပတ်သက်ပြီး မင်္ဂလာပွဲလာ ဧည့်သည်တွေ တီးတိုးတီးတိုး ပြောနေကြပေမယ့် ဗိုလ်မှူးချုပ် တင်ဦးက ဟန်မပျက် ပြုံးပြီးနေခဲ့တယ်။ ဒါပေမယ့် ဧည့်သည်တွေအားလုံးပြန်သွားတဲ့နောက်မှာတော့ ထောက်လှမ်းရေး အကြီးအကဲဟာ အရုပ်ကြိုးပြတ် ဖြစ်သွားပြီး ဝီစကီ ပုလင်းတလုံးဖွင့် အရင်းနှီးဆုံး လုပ်ဖော်ကိုင်ဖက် မိတ်ဆွေတွေနဲ့အတူ ဝိုင်းဖွဲ့ သောက်ရင်း ဦးနေဝင်းရဲ့ ဒေါသကိုကြောက်ရွံ့မိတဲ့ အကြောင်း ဖွင့်ပြောပါတယ်။

နောက်ဆုံးတော့ ၁၉၈၃ ခုနှစ် ရောက်တဲ့အခါမှာ ဗိုလ်မှူးချုပ် တင်ဦးကို နိုင်ငံပိုင်ဘဏ္ဍာ အလွဲသုံးစား လုပ်မှုနဲ့ဖမ်းပြီး ထောင်ဒဏ် တသက်တကျွန်း ချတယ်။သားဖြစ်သူရဲ့ ကြီးကျယ်ခမ်းနားတဲ့ မင်္ဂလာပွဲကိစ္စ၊ ထိုင်းနိုင်ငံကို သွားတဲ့အခါမှာ ဘန်ကောက် မြန်မာ သံရုံးက ကော်ဇောနီခင်းပြီး ကြိုဆိုခဲ့ရတာတွေအပြင် ဗိုလ်မှူးချုပ် တင်ဦးရဲ့ အကျင့်ပျက် ခြစားမှုတွေ အကြောင်းကို အစိုးရက စွပ်စွဲရေးသားခဲ့တယ်။ ဒါပေမယ့် အကျင့်ပျက်ခြစားမှုကြောင့် အရေးယူတယ်ဆိုတာ အဓိပ္ပာယ်မရှိတာ လူတိုင်းသိကြတယ်။လေ့လာသူတွေကတော့ အာဏာကို စုစည်းနိုင်ဖို့ လှုပ်ရှားတာ အရမ်းမြန်သွားတဲ့အတွက် ဗိုလ်မှူးချုပ် တင်ဦး ဖယ်ရှားခံရတာလို့ ခန့်မှန်းကြတယ်။

အင်းစိန်ထောင်ထဲမှာ ရှိနေစဉ် ဗိုလ်မှူးချုပ် (ဟောင်း) တင်ဦးက ဦးနေဝင်းဆီကို အသနားခံစာ တစောင် ရေးသား ပေးပို့ခဲ့တယ်။ စာထဲမှာ သူ့အနေနဲ့ အကျဉ်းထောင်အတွင်း လက်တုံ့ပြန်ခံရမှာကို ကြောက်လန့်နေပြီး မျောက်ပွဲလို ဝိုင်းကြည့်ခံရမှာ မလိုချင်ဘူးလို့ ရေးခဲ့တယ်။ ၁၉၈၈ ခုနှစ် အရေး အခင်းကာလအတွင်း ထောင်ဆူတဲ့အချိန် အသတ်ခံရမှာ စိုးရိမ်တဲ့အတွက် ထောင်အရာရှိတွေက သူ့ကို လုံခြုံစိတ်ချရတဲ့ ထိန်းသိမ်းရေး စခန်းတခုဆီ အလျင်အမြန် ရွှေ့ပြောင်းပေးခဲ့ရတယ်။

စစ်တပ်က အာဏာ သိမ်းယူလိုက်ပြီးတဲ့ နောက်မှာတော့ သူ့ကို အိမ်ပြန်ခွင့်ပြုလိုက်ပါတယ်။ ၁၉၉၈ ခုနှစ် ကွယ်လွန်ချိန်အထိ ဗိုလ်မှူးချုပ် (ဟောင်း)တင်ဦးဟာ တခြား စစ်သားဟောင်းကြီးတွေလိုပဲ ဗုဒ္ဓတရားကို လေ့လာခြင်း၊ တရားထိုင်ခြင်းတွေနဲ့ ဘဝကို အချိန်ကုန်စေခဲ့တယ်။ သူဟာ ဦးနေဝင်းကို ဘယ်တော့မှ သစ္စာမဖောက်ခဲ့ဘူး။ ထောက်လှမ်းရေး အကြီးအကဲဟောင်းဟာ အာဏာရှင် ဦးနေဝင်းရဲ့ လျှို့ဝှက်ချက်တွေကို အုတ်ဂူထဲ ရောက်တဲ့အချိန်အထိ ထိန်းသိမ်းသွားတယ်။ သူ သေဆုံးသွားချိန်မှ တော့ ဦးနေဝင်းက ဝမ်းနည်းကြေကွဲကြောင်း ပြသခဲ့တယ်။

Image may contain: 1 person, closeup and text

အာဏာရှင်များနှင့် မြန်မာ့တပ်မတော် အပိုင်း (၅ )

ဗိုလ်သန်းရွှေကို ဗိုလ်နေဝင်း ရာထူးတိုးပေးခြင်း


ဗိုလ်မှူးချုပ်တင်ဦး လျှောကျသွားပြီး ဗိုလ်မှူးကြီး ခင်ညွန့် ရာထူးရလာချိန်မှာ ဗိုလ်ချုပ်မှူးကြီး သန်းရွှေကတော့ စစ်တပ်ရဲ့ ရာထူးအဆင့်ဆင့်ကို ဖြည်းဖြည်းမှန်မှန်နဲ့ လူမသိသူမသိ တက်လာတယ်။

ဗိုလ်မှူးချုပ် တင်ဦး ဖယ်ရှားခံရပြီးတဲ့နောက် ဗိုလ်မှူးကြီး အောင်ကိုး ထောက်လှမ်းရေး အကြီးအကဲ ဖြစ်လာ တယ်။ ဒါပေမယ့် မကြာမီမှာပဲ အာဇာနည်ဗိမာန် ဗုံးပေါက်ကွဲမှုကြောင့် ရာထူးက ပြုတ်ပြန်တယ်။ “သူဘယ်မှာလဲ” လို့ ဦးနေဝင်းက မေးတဲ့အခါမှာ ဂေါက်သွားရိုက်နေတယ်လို့ ပြောကြတဲ့အတွက် ဦးနေဝင်းက “ဂေါက် မရိုက်တတ်၊ အရက်မသောက်တတ်တဲ့သူတယောက် ရမလား” လို့ ချက်ချင်းပြန်မေးတယ်။

အမှတ် (၁) စက်မှုဝန်ကြီးဌာနဝန်ကြီး ဗိုလ်မှူးချုပ် တင့်ဆွေက သူ့ရဲ့ ကိုယ်ရေးအရာရှိလုပ်ဖူးတဲ့ ဗိုလ်မှူးကြီး ခင်ညွန့်ကို အဆိုပြုတယ်။ ငယ်ရွယ်ပြီး ခင်မင်နှစ်လိုဖွယ်ရာ အသွင်အပြင်ရှိတဲ့၊ ရည်ရွယ်ချက် ကြီးမားတဲ့ ဗိုလ်မှူးကြီး ခင်ညွန့်ဟာ ၁၉၇၀ နှစ်တွေအတွင်းက စစ်ရုံးမှာ တာဝန်ထမ်းဆောင်ဖူးပြီး လက်ရှိအချိန်မှာတော့ အမှတ်(၄၄) ခြေမြန်တပ်မနဲ့ အတူ ကရင်ပြည်နယ်မှာ တာဝန်ကျနေတယ်။ စစ်ထဲကို မဝင်ခင်က ရန်ကုန် တက္ကသိုလ်မှာ ပညာသင်ကြားခဲ့ပြီးတော့ နောက်ပိုင်း စင်ကာပူခေါင်းဆောင် လီကွမ်ယုက သူ့ကို စစ်ခေါင်း ဆောင်တွေကြား “အထက်မြက်ဆုံး” လို့ သတ်မှတ်ပြောဆိုခဲ့တယ်။

အသက် ၇၀ ကျော်ပြီဖြစ်တဲ့ ဦးနေဝင်းက သူ့ကို အရင်က မသိဘူး။ ဒါပေမယ့် မကြာမီမှာပဲ ငယ်ရွယ်ပြီး လုပ်ရည်ကိုင်ရည်ရှိတဲ့၊ သစ္စာရှိတဲ့ ဗိုလ်မှူးကြီး ခင်ညွန့်ကို ယုံကြည်လာတယ်။ သူက ဦးနေဝင်းရဲ့ တံခါးမှူး ဖြစ်လာပြီး ၁၉၈၄ ခုနှစ် အစောပိုင်းကစလို့ အာဏာရှင်ကြီးရဲ့ နိုင်ငံခြားခရီး စဉ်တွေမှာ အတူလိုက်ပါရတယ်။ ၁၉၈၆ ခုနှစ်မှာ အင်္ဂလန်နိုင်ငံ လန်ဒန်မြို့က ကရွမ်းဝဲလ်ဆေးရုံမှာ ဦးနေဝင်း ဆေးသွားကုတဲ့အချိန် (အင်္ဂလန် နိုင်ငံရဲ့ မြို့တော်ကို သွားရောက်ခဲ့တဲ့ နောက်ဆုံးခရီး) မှာ ဗိုလ်မှူးကြီး ခင်ညွန့်က ကုတ်အင်္ကျီထဲမှာ ပစ္စတို တလက်ကို ဝှက်ထည့်ပြီး ဆေးရုံမှာ တညလုံး စောင့်ပေးခဲ့တယ်။

ဦးနေဝင်းက လန်ဒန်မှာ အလက်ဇန္ဒရား မင်းသမီးနဲ့ သွားတွေ့တဲ့အချိန်က မာစီဒီးကားကြီး ပေါ်မှာ ဦးနေဝင်းနဲ့ သမီးဖြစ်သူတို့ရဲ့ တဖက်ထိုင်ခုံမှာ ကျိုးကျိုးနွံနွံ လိုက်ပါလာတဲ့ ဗိုလ်မှူးကြီး ခင်ညွန့်ကို မြင်ကြရတယ်။ ဦးနေဝင်း နဲ့သာမက အခြားသော မြန်မာ့ဆိုရှယ်လစ်လမ်းစဉ်ပါတီ ထိပ်တန်းခေါင်း ဆောင်တွေရဲ့ အနောက်နိုင်ငံခရီးစဉ် တွေကို လိုက်ပါခွင့်ရခဲ့တာ ဗိုလ်မှူးကြီး ခင်ညွန့်အတွက် အရေးကြီးတဲ့ ပြင်ပကမ္ဘာအကြောင်းကိုသာမက စစ်အစိုးရ အတွင်းစည်းရဲ့ အတွေးအခေါ် အယူအဆတွေကိုပါ သင်ကြားလေ့လာခွင့် ရစေခဲ့တယ်။

ဗိုလ်မှူးချုပ်တင်ဦး လျှောကျသွားပြီး ဗိုလ်မှူးကြီး ခင်ညွန့် ရာထူးရလာချိန်မှာ ဗိုလ်ချုပ်မှူးကြီး သန်းရွှေကတော့ စစ်တပ်ရဲ့ ရာထူးအဆင့်ဆင့်ကို ဖြည်းဖြည်းမှန်မှန်နဲ့ လူမသိသူမသိ တက်လာတယ်။ အမှတ် (၈၈)ခြေမြန်တပ်မ နဲ့အတူ ရှမ်းပြည်နယ်မှာ တာဝန်ထမ်းဆောင်နေရင်း ဒုတိယ ဗိုလ်မှူးကြီး ဖြစ် လာတယ်။ ၁၉၇၅ ခုနှစ်မှာ စစ်ရုံး ကို ပြန်ရောက်တယ်။ ဒီတခါတော့ ဂျီဝမ်း လို့ခေါ်တဲ့ စစ်ဦးစီးမှူး (ပထမတန်း) ရာထူးနဲ့ပါ။

အရာရှိတွေကတော့ ဒုဗိုလ်မှူးကြီး သန်းရွှေကို သိပ်သတိမထားမိကြဘူးလို့ ပြောပါတယ်။ သတိထားမိ သလောက်ကတော့ သူဟာ အလုပ်ထဲကို ကွမ်းယာယူလာတုန်းပဲဖြစ်ပြီး ဗုဒ္ဓဘာသာအကြောင်း ပြောတတ်တဲ့ အရာရှိအနည်းငယ်ထဲက တယောက် ဖြစ်တယ်၊ သူတို့တွေ အလုပ်ပြီးလို့ အရက်ဝိုင်းဖွဲ့ကြတဲ့ အခါမျိုးမှာလည်း မပါဘဲ အိမ်ကမိန်းမနဲ့ ကလေးတွေဆီကိုပဲ ပြန်ချင်တဲ့သူလို့လည်း ဆိုတယ်။

သူတို့လက်ထပ်ပြီးတဲ့အချိန်ကစလို့ ဒေါ်ကြိုင်ကြိုင်က ဗိုလ်မှူးသန်းရွှေရဲ့အိမ်ကို အုပ်ထိန်းသူဖြစ်တယ်။ အောက်ခြေသိမ်း စီမံခန့်ခွဲတဲ့နေရာမှာ အိမ်မှုကိစ္စ တွေသာမက သူ့ယောကျာ်းရဲ့ အသက်မွေးဝမ်း ကျောင်း အလုပ်အကိုင်ကို အနီးကပ် စောင့်ကြည့် ရေးလည်း ပါတယ်။ ဒီအတွက် ဒေါ်ကြိုင်ကြိုင်ဟာ လက္ခဏာဆရာ တွေ၊ ဗေဒင်ဆရာတွေ၊ ဘုန်းတော်ကြီးတွေနဲ့ တွေ့ဆုံပြီး ယောကျာ်းဖြစ်သူရဲ့ အနာဂတ်ကို ဟောကိန်းထုတ် ပေးဖို့နဲ့ အလားအလာကောင်းတွေ ရနိုင်ဖို့ အကြံဥာဏ်တွေတောင်းတယ်။ ဒီလိုလုပ်တာ မျိုးက စစ်တပ်အရာရှိ တွေရဲ့ ဇနီးတွေ ပြုလုပ်နေကျ အလေ့အထပါ။

၁၉၈၀ ခုနှစ်ဝန်းကျင်လောက်မှာ ဒေါ်ကြိုင်ကြိုင် က တခြားအရာရှိ ကတော်တွေနဲ့တူတူ နာမည်ကျော် ဗေဒင်ဆရာ ဦဥာဏ်ဇော်ဆီကို ဗေဒင်မေးဖို့ရောက်တဲ့အခါ သူ့ရဲ့ခင်ပွန်းဟာ တနေ့ကျရင် မြန်မာနိုင်ငံရဲ့ ဘုရင်ဖြစ်လာမယ်လို့ ဗေဒင်ဆရာက ဟောလိုက်တယ်။ ပထမပိုင်းတော့ ဒေါ်ကြိုင်ကြိုင် ဒီဟောကိန်းကို မယုံဘူး။ သူများတွေသိသွားရင် သူ့ခင်ပွန်း အလုပ်ပြုတ်သွားမှာကိုလည်းစိုးရိမ်တယ်။ ဒါကြောင့် ဒီအကြောင်းကို ဘယ်သူ့ကိုမှ ပြောမပြဘူး။

ဒါပေမယ့် နောက်ပိုင်းကျ ဦးဥာဏ်ဇော်ဆီကို ဒေါ်ကြိုင်ကြိုင် တယောက်တည်း ပြန်လာတယ်။ ဗိုလ်မှူးကြီး သန်းရွှေရဲ့ ဇာတာကို နောက်တကြိမ် ထပ်စစ်ဆေးပြီး နောက်မှာတော့ “သူ နံပါတ်တစ် ဖြစ်လာလိမ့်မယ်” လို့ ဗေဒင်ဆရာက ထပ်ပြောတယ်။ ဒေါ်ကြိုင်ကြိုင်ကိုလည်း ခင်ပွန်းသည်ရဲ့လမ်းကြောင်း ဖြောင့်ဖြူးဖို့အတွက် ဘယ်လို ကူညီရမယ်ဆိုတာ အကြံပြုတယ်။

ဒေါ်ကြိုင်ကြိုင်ဟာ ဗိုလ်မှူးကြီးသန်းရွှေနဲ့ နီးစပ်သူတွေထဲမှာ သူက တနေ့မှာ မြန်မာနိုင်ငံကို အုပ်ချုပ်လိမ့်မယ်လို့ ယုံကြည်တဲ့ ပထမဆုံးလူမဟုတ် ပါဘူး။ အစ်မဖြစ်တဲ့ဒေါ်ကြီးခင်ကလည်း မောင်သန်းရွှေ မွေးစအချိန်ကတည်း က ကိုယ်ပေါ်မှာ မြန်မာတို့ရဲ့ ရိုးရာအစဉ်အလာအရ တနေ့မှာ ဘုရင်ဖြစ်လာမယ်လို့ ယုံကြည်ကြတဲ့ မှဲ့စလွယ် ပါတယ်လို့ ပြောတယ်။ ကျောက်ဆည်က သူတို့ဆွေမျိုးတွေကိုလည်း သူ့ရဲ့ မောင်ဟာ တနေ့ကျရင် မြန်မာ နိုင်ငံရဲ့ဘုရင်ဖြစ်လာမယ်လို့ ယုံကြည်တဲ့အကြောင်း ဒေါ်ကြီးခင်ကပြောတယ်။

ဗိုလ်မှူးကြီးသန်းရွှေဟာ အာဏာရှင် ဦးနေဝင်းရဲ့နေရာကို အစားထိုးဝင်မယ်ဆိုတာက အလှမ်းဝေးနေသေးပြီး ရယ်စရာကောင်းပေမယ့် ဒေါ်ကြိုင်ကြိုင် က ဗေဒင်ဆရာ ဦးဥာဏ်ဇော်နဲ့ သွားရောက်တွေ့ဆုံ ခဲ့ပြီးနောက်မှာ အနည်းဆုံးတော့ မြန်မာစစ်အစိုးရရဲ့ ထိပ်ပိုင်းနေရာကို ဝင်ရောက်နိုင်ရေး လမ်းကြောင်းကို ဦးတည်နိုင်ခဲ့တယ်။ ၁၉၈၀ ခုနှစ်မှာ အသက် ၄၇ နှစ်အရွယ် ရှိပြီဖြစ်တဲ့ ဗိုလ်မှူးကြီး သန်းရွှေဟာ အမှတ် (၈၈) ခြေမြန်တပ်မရဲ့ တပ်မမှူးဖြစ်လာတယ်။

ဦးနေဝင်းရဲ့ အမွေဆက်ခံသူ ဖြစ်လာမယ်လို့ ထင်ထားကြတဲ့ ဗိုလ်မှူးချုပ် တင်ဦး ရာထူးက ဖယ်ရှားခံလိုက်ရ တဲ့ ၁၉၈၃ ခုနှစ်မှာတော့ ဗိုလ်မှူးကြီး သန်းရွှေဟာ ဧရာဝတီ မြစ်ဝကျွန်းပေါ်ဒေသကို အခြေစိုက်တဲ့ အနောက် တောင်တိုင်းစစ်ဌာနချုပ်ရဲ့ တိုင်းမှူးဖြစ်လာတယ်။ တိုင်းမှူးရာထူးဆိုတာ စစ်အရာရှိတွေ စစ်ရုံးချုပ်က ထိပ်တန်း ရာထူးတွေမှာ တိုးမြှင့်ခန့်အပ်ခြင်းမခံရခင် တာဝန်ယူရတဲ့နေရာ မျိုးဖြစ်ပါတယ်။

ဒါပေမယ့် အပြင်ပန်းအသွင်ကို ကြည့်မယ်ဆိုရင်တော့ တနေ့မှာ မြန်မာနိုင်ငံရဲ့ ဘုရင်ဖြစ်လာမယ့်သူဟာ အလယ်အလတ်တန်းစား ဗျူရိုကရက် တယောက်ဖြစ်လာဖို့ပဲ ဦးတည်နေသယောင် ထင်ရတယ်။ ဧရာဝတီ တိုင်းမှာ နီးနီးကပ်ကပ် အလုပ်လုပ်ခဲ့ဖူးသူတွေရဲ့ ပြန်ပြောချက်အရဆိုရင် သူကလမ်းဖောက်တာ၊ တံတား ဆောက်တာကို တော်တော်လေး စိတ်ဝင်စားပြီးတော့ လူထုအခမ်းအနားတွေမှာ စကားပြောတဲ့အခါမှာလည်း မြန်မာ့ဆိုရှယ်လစ် လမ်းစဉ်ပါတီရဲ့ အောင်မြင်မှုတွေအကြောင်းကို ရှည်ရှည်လျားလျား ချီးမွမ်းပြောဆိုတတ် တယ်။

နောက်ပြီး အဲဒီအချိန်တုန်းက ဗိုလ်မှူးချုပ် သန်းရွှေဟာ အနာဂတ်ကာလမှာ ဖြစ်လာမယ့်ပုံစံအတိုင်း ပြင်ပ လောကနဲ့ အဆက်အသွယ်ဖြတ်ပြီး ယုံမှားသံသယကြီးတတ်တဲ့ လူတယောက်လည်း မဟုတ်သေးဘူး။ သူ့အိမ်တံခါးကို လူတိုင်းအတွက် ဖွင့်ပေးထားပြီး ရောက်လာတဲ့ဧည့်သည်တွေဟာ သူ့ကို ခုံတန်းရှည်ပေါ်မှာ မိသားစုနဲ့ အတူထိုင်နေတာ၊ တိုင်းမ်မဂ္ဂဇင်းကို လှန်လှောဖတ်နေတာ ဒါမှမဟုတ် ရန်ကုန်က ရောက်လာတဲ့ အမိန့်စာတွေကို ဖတ်နေတာ တွေ့ရမှာဖြစ်တယ်။

၁၉၈၅ ခုနှစ်အတွင်းမှာ စစ်တပ်အတွက် ကာကွယ်ရေးဦးစီးချုပ်နဲ့ ဒုတိယ ကာကွယ်ရေးဦးစီးချုပ် အသစ် ရွေးချယ်ဖို့ အစည်းအဝေးတခု ပြုလုပ်ခဲ့တယ်။ အရည်အချင်းပြည့်ဝတဲ့ စစ်ဘက်အရာရှိကြီးတွေကို ရာထူးက ဖယ်ထုတ်ခဲ့တဲ့အတွက် ဦးနေဝင်းနဲ့ ပါတီ ခေါင်းဆောင်တွေဟာ သူတို့ရဲ့စနစ် ရှေ့ဆက်သွား နိုင်ရေးအတွက် ငယ်ရွယ်တဲ့အရာရှိတွေကို ထိပ်ပိုင်း နေရာတွေကို ခေါ်ယူဖို့ဖြစ်လာတယ်။ သူတို့ဟာ ထက်မြက်ဖို့၊ လူကောင်း ဖြစ်ဖို့ မလိုဘူး။ ဦးနေဝင်း အလေးထားတာက သူ့အပေါ် သစ္စာရှိဖို့၊ စစ်တပ်ထဲက ဂိုဏ်းဂဏတွေနဲ့ကင်းရှင်းဖို့နဲ့ သူ့ရာထူး အနှောင့်အယှက်ပေးနိုင်သူ မဖြစ်ဖို့ပါပဲ။

တိုင်းမှူးတွေ ဆွေးနွေးနေကြတဲ့ အခန်းထဲကို ဦးနေဝင်းဝင်လာပြီး “မင်းတို့တွေထဲမှာ ဘယ်သူ အသက် အငယ်ဆုံးလဲ” လို့ မေးတယ်။ အားလုံးက “ခွေးဘီလူး” လို့ ဖြေပါတယ်။ ခွေးဘီလူးဆိုတာ ဗိုလ်မှူးချုပ် သန်းရွှေကို သူတို့ခေါ်ကြတဲ့ နာမည်ပြောင်ပါ။ အဲဒီနောက်မှာတော့ ဗိုလ်မှူးချုပ် သန်းရွှေကို ဒုတိယ ကာကွယ်ရေးဦးစီးချုပ်အဖြစ် ခန့်လိုက်ပြီး ဗိုလ်ချုပ်စောမောင်က ကာကွယ်ရေးဦးစီးချုပ် ဖြစ်လာပါတယ်။

သူတို့တွေက တက္ကသိုလ် မတက်ခဲ့ဖူးဘူး။ ဗိုလ်ချုပ် စောမောင်ကို ရာထူးတိုးပေးဖို့ဆုံးဖြတ် လိုက်ပြီးတဲ့နောက် ဦးနေဝင်းက သူ့လက်အောက်က လူတွေကို “မင်းတို့ သူ့ကို ခက်ရင်း ဘယ်လိုကိုင်ရမယ်၊ ဓားကို ဘယ်လိုကိုင် ရတယ်ဆိုတာ သင်ပေးရင်ကောင်းမယ်။ မျက်စိပွင့် နားပွင့် ဖြစ်လာအောင် သံတမန် ဧည့်ခံပွဲတွေလည်း ခေါ်သွားပြီး သင်ခန်းစာ တခုမဟုတ်တခု ရအောင်လုပ်ပေးကြ” လို့ သတိပေးတယ်။

အရာရှိအများစုကတော့ ဗိုလ်ချုပ်စောမောင်နဲ့ ဗိုလ်မှူးချုပ် သန်းရွှေတို့ ရွေးချယ်ခံရတာဟာ ဦးနေဝင်းက သူတို့တွေကို ကောင်းကောင်းကိုင်တွယ် နိုင်လိမ့်မယ်လို့ ယူဆခဲ့ကြလို့လို့ ယုံကြည်ကြတယ်။ ဗိုလ်မှူးချုပ် သန်းရွှေဟာ ငယ်ရွယ်ပြီးတော့အန္တရာယ် ပေးနိုင်မယ့်လူမျိုးလည်း မဖြစ်နိုင်ဘူး၊ အာဏာပိုင်တွေကို ဘယ်တော့မှ မေးခွန်းမမေးတတ်တဲ့အပြင် သူဟာ ယိုယွင်းကျဆင်းနေတဲ့ စနစ်ကို ထိန်းသိမ်းနိုင်ပြီးတော့ ဦးနေဝင်းရဲ့ အာဏာတည်မြဲရေးအတွက် အရည်အချင်းပြည့်မီတဲ့ “ဟုတ်ကဲ့” လို့ အမြဲပြောမယ့် လူစားမျိုး ဖြစ်တယ်လို့လည်း ထင်မြင်ခံခဲ့ရတယ်။

ဒါပေမယ့် လောင်းကစားသမား တယောက်ဖြစ်တဲ့ ဦးနေဝင်းဟာ မြင်းမှားပြီး လောင်းကြေးထပ်မိပြီ၊ တနေ့မှာ သူ့ကို နေအိမ်အကျယ်ချုပ်ချထားပြီး အထိန်းသိမ်းခံဘဝနဲ့ ဘဝကူးရအောင် လုပ်မယ့်သူကို ရာထူးတိုးပေးမိပြီ ဆိုတာ မသိခဲ့ပါဘူး။

(ဧရာဝတီမဂ္ဂဇင်းတွင် အခန်းဆက်ဖော်ပြခဲ့သော အောင်ဇော်၏ Dictator:A Story of Burma’s Military Rulers ကို နိုင်မင်းသွင် ဆီလျော်အောင် ဘာသာပြန်ဆိုသည်။)

Image may contain: 6 people, people standing

 

အာဏာရှင်များနှင့် မြန်မာ့တပ်မတော် အပိုင်း (၆ )

မကျေနပ်မှုများ ကြီးထွားလာခြင်း

ဦးနေဝင်း အသက် ၉၀ ပြည့် မွေးနေ့ပွဲကို ရန်ကုန်ရှိ ဆီဒိုးနားဟိုတယ်တွင် ကျင်းပခဲ့စဉ် မိသားစုဝင်များနှင့်အတူ မြင်ရစဉ် (ဓာတ်ပုံ – ရွှေအင်းသား ခင်မောင်ဝင်း)

ကောလာဟလ တခုကတော့ လူငယ်အရာရှိတွေကို ရာထူးတိုးပေးတော့မယ်ဆိုရင် သူတို့ထဲက ဘယ်သူ့ကို ရာထူးပေးသင့်တယ် ထင်သလဲလို့ သူတို့ရဲ့ နက္ခတ်နဲ့ ဇာတာကို စစ်ဆေးတဲ့နေရာမှာ ဦးနေဝင်းကို ဦးစိန်လွင်က ကူညီပေးရတယ်လို့ဆိုတယ်။

ဗိုလ်မှူးချုပ်သန်းရွှေရဲ့ ဇာတာကို ဦးစိန်လွင် ကိုယ်တိုင် စစ်ဆေးခဲ့ရဲ့လားဆိုတာတော့ ဘယ်သူမှမသိပါဘူး။ ဗေဒင်ဆရာအချို့ရဲ့ အဆိုအရတော့ သူက ဘယ်သူ့ကိုခန့်ရမယ်၊ ဘယ်သူ့ကို ပယ်ရမယ်ဆိုတာကို အစိုးရ လက်စွဲ ဗေဒင်ဆရာ ရန်ကင်းဦးတင်အောင်နဲ့ တိုင်ပင်လေ့ရှိတယ်။ အာဏာရှင် အလောင်းအလျာ ဗိုလ်မှူးချုပ် သန်းရွှေကိစ္စမှာတော့ စစ်အစိုးရ ဗေဒင်ဆရာတွေရဲ့ ဟာကွက်ကနေတဆင့် ဖြစ်သွားပုံရတယ်။

တကယ်တမ်းတော့ ၁၉၈၆ ခုနှစ်အတွင်းမှာ မြန်မာပြည်သူ အများစုက ဗိုလ်ချုပ်သန်းရွှေနဲ့ သူ့ရဲ့ မိသားစု အကြောင်းကို ကောင်းကောင်း မသိကြဘူး။ မြန်မာနိုင်ငံက တက္ကသိုလ် နယ်မြေတွေကတော့ အစိုးရကို အာခံမယ့်သူတွေကို မွေးထုတ်ပေးတဲ့နေရာ ဖြစ်တယ်။ အဲဒီအချိန်က တော်လှန်ရေး (၈၈ အရေး အခင်း) ပေါ်ပေါက်လာဖို့ကလည်း ၂ နှစ်လောက် လိုနေသေးတဲ့ အချိန်ပါ။ ဗိုလ်ချုပ်သန်းရွှေရဲ့ သမီးဖြစ်သူ ကြည်ကြည် ရွှေလည်း အာရ်စီတူးလို့ခေါ်တဲ့ ရန်ကုန်တက္ကသိုလ် (လှိုင်နယ်မြေ) မှာ ကျောင်းတက်နေတုန်းပဲ ရှိသေးတယ်။ နေစဉ်နေ့တိုင်း အဲဒီခေတ်က အဆင့်မြင့် အစိုးရအရာရှိတွေအတွက် အစိုးရက ထုတ်ပေးတဲ့ မာဇဒါ ၃၂၃ ကားလေးနဲ့ ကျောင်းကိုလာတတ်တာကိုလည်း ဘယ်သူမှ သိပ်သတိမထားမိကြဘူး။

ကြိုင်ကြိုင်ရွှေလိုပဲ အစိုးရ အရာရှိကြီးတွေရဲ့ သားသမီးတွေဟာ ကားကို ကိုယ်တိုင်မောင်းလို့ ဖြစ်စေ၊ ဒရိုင်ဘာနဲ့ ဖြစ်စေ ကျောင်းကို လာကြတယ်။ ကျောင်းမှာ သူတို့နဲ့ ပေါင်းတဲ့သူတွေကို ဘယ်လို သတိထား ရမယ်၊ ဘယ်လို နေထိုင်ပြုမူရမယ်ဆိုတာ သူတို့ကို မိဘတွေက သင်ကြားပေးထားကြတယ်။ ဒါပေမယ့် အများစု ကတော့ သူငယ်ချင်းတွေနဲ့ ခင်ခင်မင်မင် ရင်းရင်းနှီးနှီးရှိပြီးတော့ စားသောက် ဆိုင်တန်းတွေဘက်ကို မှန်မှန်လာ တတ်ကြတယ်။

သူတို့ ဒီလိုနေပေမယ့် တက်ကြွလှုပ်ရှားတဲ့ ကျောင်းသားတွေကတော့ သူတို့နဲ့ နိုင်ငံရေး မဆွေးနွေးဘူး။ သူတို့ရှေ့မှာ လွယ်အိတ်ကိုတောင် မဖွင့်ဘူး။ ၁၉၈၆ နဲ့ ၁၉၈၇ ခုနှစ်တွေတုန်းက လွယ်အိတ်တွေထဲမှာ အစိုးရဆန့်ကျင်ရေး လက်ကမ်းစာစောင်တွေလိုမျိုး ပစ္စည်းတွေ ရှိနေတတ်လို့ပါ။ မုန်တိုင်း ရောက်မလာခင် ငြိမ်သက်နေတဲ့ အခြေအနေမျိုးမှာ ကြည်ကြည်ရွှေနဲ့ သူ့ရဲ့ ကျောင်းနေဖက်တွေဟာ ဘယ်သူက ရန်သူဖြစ်ပြီး ဘယ်သူက မိတ်ဆွေဖြစ်တယ်ဆိုတာကို ၁၉၈၈ ခုနှစ်ရောက်တဲ့အထိ မသိခဲ့ကြဘူး။

အဲဒီတုန်းက ကြည်ကြည်ရွှေက အိမ်ကိုအလည်လာဖို့ ဖိတ်ခေါ်တဲ့အတွက် ရောက်သွားတဲ့ သူငယ်ချင်းတွေက မြက်ခင်းပေါ်မှာ လမ်းလျှောက်နေတဲ့ ဗိုလ်ချုပ်သန်းရွှေနဲ့ မီးဖိုချောင်ကို စီမံခန့်ခွဲနေတဲ့ ဒေါ်ကြိုင်ကြိုင်ကို မြင်ခဲ့ ရတဲ့ အကြောင်းပြန်ပြောပြကြတယ်။ သူတို့ မိသားစုရဲ့ နေထိုင်မှုဟာ အလွန်ပျင်းရိ ငြီးငွေ့ဖို့ကောင်းပြီး သူတို့ အိမ်ရဲ့အပြင်ဘက်မှာ ဘာတွေဖြစ်နေသလဲ ဆိုတာကိုတောင် မသိကြတဲ့အထိ ရိုးစင်းလွန်းတယ်လို့လည်း ဆိုပါတယ်။

“သူတို့ အချစ်ဝတ္ထုတွေ ဖတ်တယ်။ ကြည့်ရတာ အချိန်တွေ ပိုနေကြသလိုပဲ။ ဘာမှမလုပ်ကြဘဲ ပျင်းစရာ ကောင်းတယ်လို့ ပြောတယ်။ သူတို့ပတ်ဝန်းကျင်က ဘဝတွေ ဘယ်လိုဆိုတာကိုလည်း မသိကြဘူး။ သူတို့ ကံကောင်းတယ်၊ အတိတ်ဘဝက ကောင်းမှုကုသိုလ်တွေလုပ်ခဲ့လို့ သူတို့ ဒီဘဝရတယ်၊ ဆင်းရဲတဲ့ သူတွေက တော့ အတိတ်ဘဝတုန်းက မကောင်းမှု အကုသိုလ်တွေ လုပ်ခဲ့ကြလို့ ကံမကောင်းကြဘူးလို့ သူတို့က ယူဆကြ တယ်” လို့ ဗိုလ်ချုပ်သန်းရွှေရဲ့ အိမ်ကို ရောက်ခဲ့ဖူးတဲ့ ကျောင်းသူတယောက်က ပြန်ပြောပြတယ်။

မြန်မာနိုင်ငံမှာ ကံမကောင်းတဲ့ ပြည်သူတွေ အမြောက်အမြားရှိနေတယ်။ စီးပွားရေးအခြေအနေက ဆိုးဝါးပြီး တိုင်းပြည်ကလည်း အိမ်နီးချင်းနိုင်ငံတွေ ထက်ခေတ်နောက်ကျ ကျန်နေတယ်။ သူ့ရဲ့မအောင်မြင်တဲ့ စီးပွားရေး မူဝါဒနဲ့ ပတ်သက်ပြီး “ကျားမြီး ဆွဲထားရသလိုပဲ” လို့ ဦးနေဝင်း တခါတုန်းကပြောဖူးတယ်။ ဆိုလိုချင်တာက တော့ မြန်မာ့ဆိုရှယ်လမ်းစဉ် ကို ပြဋ္ဌာန်းသတ်မှတ်ပြီးသားဖြစ်လို့ သူဘာမှ မလုပ်နိုင်တော့ဘူး။ မအောင်မြင် ပေမယ့်လည်းဆက်သွားရ မယ့်သဘောပါ။ ဦးနေဝင်း ဒီလိုဆက်လုပ်ခဲ့လို့လည်း မြန်မာနိုင်ငံက ကမ္ဘာ့အဆင်းရဲ ဆုံးနိုင်ငံ ဖြစ်လာပါ တော့တယ်။

ဦးနေဝင်းရဲ့ ဘက်မလိုက် နိုင်ငံခြားရေးဝါဒကြောင့် မြန်မာနိုင်ငံဟာ မိတ်ဆွေများများစားစားမရှိခဲ့ဘူး။ သူ့ရဲ့ စစ်အစိုးရနဲ့ နီးစပ်တဲ့ မဟာမိတ်နိုင်ငံ အချို့ကတော့ အကြံကောင်းတွေပေးခဲ့ပေမယ့်လည်း ပြန်မပြော နားမ ထောင် အဖြစ်မျိုးနဲ့သာ တိုးခဲ့ကြရတယ်။ စင်ကာပူရဲ့ဝါရင့်ခေါင်းဆောင်ကြီး လီကွမ်ယုက စီးပွားရေး ပြုပြင် ပြောင်းလဲရေးအတွက် မျိုးဆက် သစ် အရာရှိတွေ မွေးထုတ်ဖို့ တိုက်တွန်းခဲ့ပေမယ့် ဘာမှဖြစ်မလာခဲ့ဘူး။

ဒါ့အပြင် မြန်မာနိုင်ငံမှာ ခရီးသွားလုပ်ငန်းကို တံခါးဖွင့်ဖို့ ဝန်ကြီးချုပ် ဦးမောင်မောင်ခကို သူက အကြံပေးခဲ့ တယ်။ အမှန်တကယ် လုပ်ပိုင်ခွင့် မရှိရှာတဲ့ ဦးမောင်မောင်ခက ဦးနေဝင်းကို ပြန်လည်တင်ပြ လိုက်ပါမယ်လို့ လီကွမ်ယုကို ယဉ်ယဉ်ကျေးကျေးပြန် ဖြေခဲ့ပေမယ့် သူဒီအကြောင်းကိုတင်ပြဖို့ သတ္တိရှိပါ့ မလားဆိုတာက သံသယရှိစရာပါ။

၁၉၈၇ ခုနှစ် ဩဂုတ်လ၊ တိတိကျကျပြောရရင် ၁၉၈၈ အရေးတော်ပုံကြီး ပေါ်ပေါက်မလာခင် တနှစ် အလိုမှာ ပြည်သူကို ထုတ်လွှင့်ခဲ့တဲ့ မိန့်ခွန်းတခုမှာ မြန်မာနိုင်ငံမှာ အဆင်မပြေဖြစ်နေတာ အားလုံးဟာ သူ့ရဲ့ အုပ်ချုပ် ရေးက အမှားအယွင်းတွေ လုပ်မိခဲ့တာကြောင့်လို့ ဦးနေဝင်းက ပြောတယ်။ သူ့ရဲ့အမှား တွေကို ရဲရဲဝံ့ဝံ့ ဝန်ခံခဲ့ပေမယ့် ပြန်လည်ပြင်ဆင်ဖို့ အတွက်တော့ အချိန်က အရမ်းနှောင်းသွားခဲ့ပါပြီ။ အာဏာရှင်ဟာ အင်အား ကောင်းပြီး ရက်စက်တဲ့ လက်နက်ကိုင် စစ်တပ်တခုနဲ့ ကျွမ်းကျင်တဲ့ လျှို့ဝှက်ရဲအဖွဲ့တခုကို တည်ထောင်ခဲ့ပြီး ဖြစ်တယ်။ သူတို့တွေဟာ အာဏာကို စွန့်လွှတ်ဖို့ ဘယ်တော့မှ စိတ်မကူးတဲ့ အာဏာရှင်တွေရဲ့ လက်ကိုင် တုတ်သဖွယ်ဖြစ်လာ ပါတော့တယ်။

တကယ်လို့သာ ဦးနေဝင်းက ၁၉၈၀ ပြည့်နှစ် အစောပိုင်းတွေလောက်ကတည်းက သူ့ရဲ့ အမှားတွေကို ထုတ်ဖော်ဝန်ခံပြီး ပြုပြင်ပြောင်းလဲရေးကို အားစိုက်ခွန်စိုက်လုပ်ခဲ့မယ်၊ တိုင်းပြည်ကို တံခါးဖွင့်ခဲ့မယ်ဆိုရင် မြန်မာနိုင်ငံရဲ့ သမိုင်းဟာ အများကြီး ကွဲပြားခြားနားသွားခဲ့မှာဖြစ်တယ်။ ၁၉၈၈ အရေး အခင်းလိုမျိုးတွေလည်း မလိုအပ်တော့တဲ့အတွက် ပေါ်ပေါက်လာမှာမဟုတ်သလို သစ္စာရှိပြီး ရိုးသားတဲ့ ဗိုလ်ချုပ်မှူးကြီးစောမောင်လို စစ်သားကြီးဟာ လည်း အသက်ပြည့်တဲ့အထိ တာဝန်ကို ထမ်းဆောင်ရပြီးတော့မှ ရာထူးက အနားယူသွားတာ မျိုးတွေ ဖြစ်လာမှာပါ။

ဗိုလ်ချုပ်မှူးကြီး သန်းရွှေဟာလည်း သူ့ရှေ့က ဗိုလ်ချုပ်မှူးကြီး စောမောင်ရဲ့ လမ်းစဉ်နောက်ကိုလိုက်ပြီး ပြည်သူ့မြင်ကွင်းကနေ မသိမသာ ပျောက်ကွယ်သွားမှာ ဖြစ်ပါတယ်။ ဗိုလ်ချုပ်ကြီး ခင်ညွန့်လည်း သူ့ရဲ့ စစ်မှုထမ်းဘဝကို ထောက်လှမ်းရေး ညွှန်ကြားရေးမှူးဘဝနဲ့ပဲ အဆုံးသတ်သွားပြီးတော့ နိုင်ငံတခုခုမှာ သံအမတ်ကြီးဘဝနဲ့ မြင်ရတာမျိုးတွေတောင်ဖြစ်လာနိုင်တယ်။

ဒါပေမယ့် ဖြစ်လာတာတွေက အဲဒီလို မဟုတ်ဘူး။ ၁၉၈၈ ခုနှစ် မတ်လမှာ ဆန္ဒပြပွဲတွေ စတင်လာတဲ့အချိန်မှာ အစိုးရပိုင်းက အဆင့်မြင့်ပုဂ္ဂိုလ်တွေ နဲ့ စစ်ဗိုလ်ချုပ်တွေရဲ့ မိသားစုတွေဟာ ကိုယ့်အိမ်မှာပဲကိုယ်နေခဲ့ကြရ တယ်။ ကြည်ကြည်ရွှေလည်း ကျောင်းကို မသွားရတော့ဘူး။ ဒုဗိုလ်ချုပ်ကြီးသန်းရွှေရဲ့မိသားစုဟာ စစ်တပ် အာဏာသိမ်းတဲ့အချိန်အထိ သော့ခတ်ထားတဲ့ တံခါးနောက်မှာ ရက်သတ္တပတ် အတော်များများနေထိုင်ခဲ့ရ တယ်လို့လည်း ကောလာ ဟလတွေ ကြားရတယ်။ ထွက်ပြေးစရာရှိရင် မြန်မြန်ဆန်ဆန် ထွက်ပြေးနိုင်ဖို့ အတွက် အင်းလျားကန်ထဲမှာ စပိဘုတ်တစီး အသင့်ထားရှိတယ်လို့လည်းဆိုကြပါတယ်။

ခံတပ်တခုလို ခိုင်ခိုင်ခံ့ခံ့ ဆောက်လုပ်ထားတဲ့ သူတို့အိမ်ဟာ လမ်းအဆုံးက တောင်ကုန်းလေးတခု ပေါ်မှာ ရှိတယ်။ စစ်ရေးသဘောအရ နေရာကောင်းမှာ ရှိနေတဲ့အတွက် အိမ်သူအိမ်သားတွေနဲ့ လုံခြုံရေးအစောင့် တွေက ဝင်လာတဲ့ဧည့်သည်တွေ၊ လူစိမ်းတွေကို သေသေချာချာ အပေါ်စီးကနေမြင်တွေ့နိုင်တယ်။

ဒုဗိုလ်ချုပ်ကြီးသန်းရွှေရဲ့ ရန်ကုန်တက္ကသိုလ်မှာ ကျောင်းတက်နေတဲ့ နောက်ထပ်သမီးတယောက်ကတော့ အရေးအခင်းကာလတုန်းက သူတို့အိမ်ကို ချဉ်းကပ်လာမယ့် ဘယ်ကျောင်းသားကိုမဆို စောင့်ကြပ်နေတဲ့ အရာရှိတွေနဲ့ စစ်သားတွေက သေနတ်နဲ့ပစ်ချဖို့ အသင့်ပြင်ထားတယ်လို့ပြောတယ်။ “ငါတို့ က တောင်ကုန်းထိပ် မှာဆိုတော့ ကျောင်းသားတွေ လာရင် ပစ်လို့ရတယ်”လို့ တုန်လှုပ်နေတဲ့သူငယ်ချင်းတွေကို သူကဘာခံစားချက် မှ မရှိတဲ့ပုံစံနဲ့ ပြောခဲ့တယ်။

၁၉၈၈ ခုနှစ် စက်တင်ဘာလမှာတော့ ဦးနေဝင်းက ဗိုလ်ချုပ်ကြီးစောမောင်၊ ဒု ဗိုလ်ချုပ်ကြီးသန်းရွှေ၊ ဗိုလ်မှူးကြီး ခင်ညွန့်နဲ့ ထိပ်တန်း စစ်အရာရှိကြီးတွေကို သူ့အိမ်လာဖို့ဆင့်ခေါ်ပြီး စစ်တပ်ကအာဏာသိမ်းယူဖို့ အမိန့်ပေး လိုက်တယ်။ သူတို့ကလည်း အမိန့်ကို လျင်လျင်မြန်မြန် ထိထိရောက်ရောက်နဲ့ ရက်ရက်စက်စက် အကောင် အထည်ဖော်ကြတယ်။

အာဏာသိမ်းယူလိုက်ပြီးတဲ့နောက် စစ်အစိုးရက တက္ကသိုလ်နဲ့ ကောလိပ်အမြောက်အမြားကို ရည်ရွယ်ချက် ရှိရှိနဲ့ နေရာရွှေ့ပြောင်းခဲ့တယ်။ မြေအောက် ကျောင်းသားနိုင်ငံရေးလှုပ်ရှားသူတွေ ပေါက်ဖွားရာလို့ယူဆတဲ့ ပုဂ္ဂလိကနဲ့ အစိုးရကျောင်းဆောင်တွေကိုလည်း ပိတ်သိမ်းပစ်လိုက်တယ်။ ဝေးလံတဲ့ဒေသတွေမှာ ကောလိပ် အမြောက်အမြား ဖွင့်လှစ်ပြီးတော့ ကျောင်းသားအရေးလှုပ်ရှားတဲ့ အဖွဲ့တွေမှာ လူအင်အား လျော့နည်းသွား စေဖို့ ရည်ရွယ်ပြီး အဝေးသင် ပညာရေးစနစ်ကိုလည်း အင်တိုက်အားတိုက် အကောင်အထည်ဖော်တယ်။

ကျောင်းတွေပြန်ဖွင့်လို့ ကြည်ကြည်ရွှေ ကျောင်းကိုပြန်ရောက်လာတဲ့အခါ သူရဲ့ ကျောင်းနေဖက်သူငယ်ချင်း တချို့ဟာ NLD ပါတီဝင်တွေ ဖြစ်နေကြပြီး သူနဲ့ ဝေးဝေးနေကြတယ်။ တချိန်တုန်းက သူငယ်ချင်း ဖြစ်ခဲ့ဖူးသူ တွေကြား မမြင်ရတဲ့ တံတိုင်းတခု ရုတ်ခြည်းပေါ်လာပြီး တိုင်းတာလို့လည်းမလွယ်ကူပါဘူး။ အိမ်မှာလည်း ကြည်ကြည်ရွှေရဲ့ မိဘတွေက မိသားစုဝင်တွေကို လုံခြုံရေးအတွက် အနေအထိုင် ဆင်ခြင်ကြဖို့ ဆုံးမပါတယ်။

လုံခြုံရေးကို အကြောင်းပြုပြီး ကျောင်းစာသင်ချိန်တွေ ပျက်ကွက်စပြုလာပေမယ့် ကြည်ကြည်ရွှေဟာ သူရဲ့ ညီအစ်မတွေနဲ့ ဗိုလ်ချုပ်ဈေးလို့သိကြတဲ့ စကော့ဈေးကိုတော့ ဈေးဝယ်ထွက်တုန်းပဲ။ အဲဒီအချိန်တုန်းက ဒုဗိုလ်ချုပ်ကြီး သန်းရွှေရဲ့ သမီးတွေဟာ နာမည်ဆိုးနဲ့ လူသိမများကြသေးဘူး။ ရွှေဆိုင်တွေထဲကို ဝင်သွားပြီး ဆိုင်ရှင်တွေကို သူတို့ရောင်းတဲ့ ပစ္စည်းတွေကို လက်ဆောင်အဖြစ်ပေးဖို့ တောင်းဆိုတာမျိုး မလုပ်ကြသေးဘူး။

အရေးအခင်းက ကြည်ကြည်ရွှေရဲ့ ကျောင်းသူဘဝကို ကန့်သတ်ခဲ့ပေမယ့် အိမ်ကဘဝကတော့ ငြီးငွေ့စရာ မဖြစ်ခဲ့ဘူး။ အိမ်ထောင်စုရဲ့အုပ်ထိန်းသူဖြစ်တဲ့ ဒေါ်ကြိုင်ကြိုင်က သူ့အတွက် ခင်ပွန်းသည်ဖြစ်ဖို့ အလား အလာရှိတဲ့ လူပျိုယောကျာ်းလေး ၅ ယောက်ကို အဆိုပြုတယ်။ အားလုံးက တပ်နဲ့ ဆက်သွယ်ပတ်သက်မှု ရှိတဲ့သူတွေပါ။ ၁၉၉၀ အစောပိုင်း နှစ်တွေအတွင်းမှာ ကြည်ကြည်ရွှေဟာ ဒေါက်တာ နေစိုးမောင်လို့ အမည်ရ တဲ့ ငယ်ရွယ်ချောမောတဲ့ ဆေးတပ်အရာရှိ တယောက်နဲ့ လက်ထပ်ခဲ့တယ်။ သူက ရန်ကုန်ဆေးတက္ကသိုလ်က နေ ဘွဲ့ရရှိခဲ့ပြီး ဩစတြေးလျနိုင်ငံ ကွင်းစ်လန်းမှာ ပညာသင်ကြားဖူးတယ်။ သူ့အဖေကတော့ ဦးနေဝင်း လက်အောက်မှာ တာဝန်ထမ်းဆောင်ဖူးတဲ့ ဗိုလ်ချုပ်တင်စိန် (ငြိမ်း) ပါ။

ကြည်ကြည်ရွှေနဲ့ ဒေါက်တာနေစိုးမောင်တို့က နေရွှေသွေးအောင်လို့ အမည်ရတဲ့ သားတယောက် မွေးဖွား ခဲ့တယ်။ ဖိုးလပြည့်လို့သိကြတဲ့ သူတို့ရဲ့ သားဟာ ဗိုလ်ချုပ်ကြီးသန်းရွှေရဲ့ အချစ်ဆုံးမြေးဖြစ်တယ်။ ဒါပေမယ့် ဒေါက်တာနေစိုးမောင်နဲ့ မကြာခင် အာဏာရှင်ဖြစ်မယ့် သူရဲ့သမီးဖြစ်သူ ကြည်ကြည်ရွှေတို့ဟာ လာရာ လမ်းကြောင်းတွေ မတူညီကြတဲ့အတွက် သူတို့ရဲ့ အိမ်ထောင်ရေးဟာ ကြာရှည်မမြဲခဲ့ဘူး။

သူတို့အိမ်ထောင်ရေး ပြိုကွဲခဲ့ပြီးတဲ့နောက်ပိုင်းမှာ ဒေါက်တာနေစိုးမောင်ဟာ ဒုတိယဗိုလ်မှူးကြီး ဖြစ်လာပြီး ပြည်သူ့ကျန်းမာရေး တက္ကသိုလ်မှာ ကထိကအဖြစ် တာဝန်ထမ်းဆောင်ပါတယ်။ သူဟာ စာရေးဆရာ တယောက်လည်း ဖြစ်လာပြီးတော့ ရန်ကုန်က အနုပညာသမားတွေ၊ စာရေးဆရာတွေနဲ့ တရင်းတနှီးရှိတယ်။ ဒေါက်တာ နေစိုးမောင်က သူ့ရဲ့ လုပ်ဖော်ကိုင်ဖက်တွေကို အမြဲကူညီတတ်ပြီး တချို့ကတော့ သူဟာ မြန်မာ နိုင်ငံရဲ့ ထိပ်သီးမိသားစုနဲ့ ကွာခြားကြောင်း ပြချင်ပုံရတယ်လို့ ယူဆကြတယ်။

(ဧရာဝတီမဂ္ဂဇင်းတွင် အခန်းဆက်ဖော်ပြခဲ့သော အောင်ဇော်၏ Dictator:A Story of Burma’s Military Rulers ကို နိုင်မင်းသွင် ဆီလျော်အောင် ဘာသာပြန်ဆိုသည်။)

 

Image may contain: 3 people

အာဏာရှင်များနှင့် မြန်မာ့တပ်မတော် အပိုင်း (၇)

ဗိုလ်သန်းရွှေ အုပ်ချုပ်မှု စတင်ခြင်း

၂၀၁၀ ခုနှစ်တွင် တွေ့ရသော ဗိုလ်ချုပ်မှူးကြီးသန်းရွှေ (ဓာတ်ပုံ – ဧရာဝတီ)
အသစ်ဖွဲ့စည်းလိုက်တဲ့ အုပ်ချုပ်ရေးအဖွဲ့ နိုင်ငံတော် ငြိမ်ဝပ်ပိပြားမှုတည်ဆောက်ရေးအဖွဲ့ (SLORC) မှာ ဗိုလ်ချုပ်ကြီး စောမောင်က ဥက္ကဌဖြစ်လာပြီးတော့ ဒုတိယဗိုလ်ချုပ်ကြီး သန်းရွှေက ဒု ဥက္ကဌ ဖြစ်လာတယ်။ အာဏာသိမ်းဖို့ အရေးမှာ အရေးပါတဲ့ နေရာက ပါဝင်ခဲ့သလို ၁၉၈၈ အရေးအခင်းကာလ အတွင်း ပရမ်းပတာ အခြေအနေတွေ ဖန်တီးပြီး စစ်တပ်က အာဏာလွှဲယူလို့ရအောင် လမ်းခင်းကူညီပေးနိုင်ခဲ့တဲ့စစ်ထောက်လှမ်းရေး အကြီးအကဲ ဗိုလ်မှူးကြီး ခင်ညွှန့် ကတော့ အတွင်းရေးမှူး(၁) အဖြစ် ခန့်အပ်ခြင်း ခံရတယ်။

ဗိုလ်ချုပ်ကြီးစောမောင် စင်ပေါ်ကိုရောက်လာပြီး စကားတွေပဲပြောနေချိန်မှာ ဗိုလ်မှူးချုပ် ခင်ညွှန့် ကတော့နေရာ အနှံ့ လျှောက်သွားပြီး လူထုနဲ့ တွေ့တယ်။ စီမံကိန်းတွေကို စစ်ဆေးတယ်။ အမိန့်တွေ ထုတ်တယ်။ ဒါကြောင့် ပြည်သူတွေရော နိုင်ငံတကာ အသိုင်းအ၀ိုင်းကပါ တကယ် အာဏာရှိသူက ဗိုလ်မှူးချုပ် ခင်ညွှန့်ဖြစ်တယ် မြင်ကြတယ်။ ဒါပေမယ့် သူ အာဏာရှိရခြင်းဟာ နိုင်ငံရေး စင်မြင့်ကနေ ထွက်ခွာသွားခဲ့ပေမယ့် နောက်ကွယ်ကနေ ဆက်လက်ကြိုးကိုင်နေဆဲဖြစ်တဲ့ ဦးနေ၀င်း ကြောင့်လို့တော့ တွေးခဲ့ကြပါတယ်။

၁၉၈၉ ခုနှစ် မတ်လ ၂၇ရက်နေ့မှာ ဗိုလ်ချုပ်ကြီး စောမောင်က တည်ခင်းတဲ့ တပ်မတော်နေ့ ညစာစားပွဲမှာ ဦးနေ၀င်းကို ထိပ်တန်း စစ်ဖက်အရာရှိကြီးတွေနဲ့ အတူ ရယ်ရယ်မောမောနဲ့ ညစာ စားနေတာကို တွေ့ရပါတယ်။ သူတို့တွေ အတူတကွ ရှိနေတဲ့ ပုံကို နောက်တနေ့ထုတ် အစိုးရသတင်းစာတွေမှာ ပုံနှိပ်ဖော်ပြလိုက်တဲ့အခါ “အဖိုးကြီး”ဦးနေ၀င်း ဆက်ရှိနေပြီး သူနဲ့ဗိုလ်ချုပ်ကြီးတွေ သွေးစွန်းတဲ့ အာဏာသိမ်းပွဲအတွက် အောင်ပွဲခံနေကြတယ် ဆိုတဲ့သဘောမျိုး တမင်လုပ်ပြတာလို့ တွေးပြီး ပြည်သူတွေ ဒေါသဖြစ်ကြရတယ်။

တပ်မတော်နေ့မှာပဲ ဦးနေ၀င်းနဲ့ ငြိမ်ဝပ်ပိပြားမှုတည်ဆောက်ရေးအဖွဲ့ ထိပ်ပိုင်းခေါင်းဆောင်တွေ အတူတကွ တွေ့ရတာ မဟုတ်ဘူး။ ဦးနေ၀င်းရဲ့ အိမ်နားမှာ တာဝန်ကျတဲ့ထောက်လှမ်းရေး အရာရှိတွေဟာ ဗိုလ်ချုပ်ကြီး စောမောင်၊ ဒုတိယ ဗိုလ်ချုပ်ကြီး သန်းရွှေနဲ့ ဗိုလ်မှူးချုပ် ခင်ညွှန့်တို့ လိုက်ပါလာတဲ့ မော်တော်ကားတွေ ဦးနေ၀င်းရဲ့ အိမ်ကို ရောက်လာတာ မကြာခဏ ဆိုသလို တွေ့ကြရတယ်။

Asiaweek မဂ္ဂဇင်းက ဗိုလ်ချုပ်ကြီး စောမောင်ကို ဦးနေ၀င်းဟာ နောက်ကွယ်ကနေ အာဏာကို ချုပ်ကိုင်ထားသလားလို့ မေးတဲ့အခါ မှာ သူက“ ဒီလို ကောလာဟလတွေ၊ စွပ်စွဲချက်တွေကို ဖြေရှင်းဖို့က ကျနော်တို့အတွက် တော်တော်ခက် ပါတယ်။ ကျနော် ဦးနေ၀င်းဆီကို သွားတာကို လူတွေကမြင်ရင် ကျနော်က ညွှန်ကြားချက်၊ ဒါမှမဟုတ် အကြံဥာဏ်ရယူဖို့ သွားတာဖြစ်မယ်လို့ တွေးကြတယ်။ ဒါပေမယ့် သူက ကျနော့်အတွက် မိဘလိုပဲ” လို့ ဖြေခဲ့တယ်။

ဒါပေမယ့် မြန်မာနိုင်ငံသား ပါမောက္ခ ဦးကျော်ရင်လှိုင်က သူ့ရဲ့ စာတမ်းတစောင်မှာ “လွတ်လပ်ရေးခေတ်လွန် မြန်မာအစိုးရတွေမှာ အာဏာနဲ့ ဂိုဏ်းကွဲ ပြဿနာတွေ ရင်ဆိုင်ခဲ့ရတယ်” လို့ ရေးသားခဲ့တယ်။ ဗိုလ်ချုပ်ကြီး စောမောင်က သတင်းထောက်တွေကို ပြောခဲ့တဲ့ စကားကလည်း မြန်မာလူမျိုးတွေရဲ့ လမ်းလွဲနေတဲ့ရှေးရိုး အစဉ်အလာတခုဖြစ်တယ်တဲ့။ “ဦးနေ၀င်းက အိမ်ကိုလာဖို့ အမိန့်ထုတ်လိုက်တိုင်း (SLORC)က ထိပ်တန်းအရာရှိတွေက သူ့ကို သွားတွေ့ရတယ်။ အဆင့်အမြင့်ဆုံး တပ်မှူးကြီးတဦးကို သူ့ရဲ့လက်အောက်ငယ်သားတွေက ဂါရ၀ ပြုကြရသလိုမျိုးပါပဲ” လို့လည်း ဦးကျော်ရင်လှိုင်က ရေးခဲ့တယ်။

ဦးနေ၀င်းကလည်း သူ့ရဲ့ သြဇာလွှမ်းမိုးမှုကို ၁၉၈၈ ခုနှစ် စစ်တပ်က အာဏာသိမ်းယူပြီး နောက်ပိုင်း နှစ်တော်တော်ကြာတဲ့ အထိ ဆက်လက်သုံးစွဲခဲ့တယ်။ ဥပမာပြရရင် ၁၉၉၀ တုန်းက စစ်ထောက်လှမ်းရေးအရာရှိ ဗိုလ်မှူးအောင်လင်းထွဋ်နဲ့ အဖွဲ့ဟာ တပ်မတော်ဂေါက်ကွင်းမှာ လုံခြုံရေးတာဝန်ယူခဲ့ရတယ်။ အဲဒီဂေါက်ကွင်းဟာ ထောင်နဲ့ချီတဲ့ ပြည်သူတွေကို ရေမရှိ၊ လျှပ်စစ်မီးမရှိတဲ့ မြို့သစ်တွေဆီကို ပြောင်းရွှေ့နေရာချပြီးတော့ အသစ်ပြန်လည်မွန်းမံထားတဲ့ ဂေါက်ကွင်းဖြစ်တယ်။

အဲဒီအချိန်မှာ ဗိုလ်မှူးအောင်လင်းထွဋ်ဟာ ဆက်သွယ်ရေးစက်ကနေ “မာဃကြီး (ဦးနေ၀င်းရဲ့ လျှို့ဝှက်နာမည်) ဂေါက်ရိုက်ဖို့ လာနေပြီ”ဆိုတဲ့ သတင်းပို့ချက်တခု လက်ခံရရရှိခဲ့တယ်။ အဲဒီသတင်းက တခြား အဆင့်မြင့်အရာရှိကြီးတွေ နဲ့ အတူဂေါက်ရိုက်နေတဲ့ ဒု ဗိုလ်ချုပ်ကြီး သန်းရွှေဆီကိုလည်း ရောက်သွားတယ်။

ဒု ဗိုလ်ချုပ်ကြီး သန်းရွှေက လုံခြုံရေး အရာရှိတွေကို ရန်ကုန်မြေပုံယူလာဖို့ ချက်ချင်းခိုင်းတယ်။ ဒါက ဦးနေ၀င်း ရောက်လာတဲ့ အခါမှာ နိုင်ငံတော်က တည်ဆောက်နေတဲ့ လမ်းတွေ၊ တံတားတွေနဲ့ မြို့သစ်တွေ အကြောင်းကို တင်ပြပြီး မျက်နှာလုပ်ခွင့် ရနိုင်ဖို့အတွက်ပါ။ ဒု ဗိုလ်ချုပ်ကြီး သန်းရွှေက ဦးနေ၀င်းကို အလွန် လေးလေးစားစား ဆက်ဆံတာကိုလည်း ဗိုလ်မှူးအောင်လင်းထွဋ် သတိထားခဲ့မိတယ်။

နေရာတိုင်းမှာ NLD ပါတီက လွှမ်းမိုးနိုင်ခဲ့တဲ့ ၁၉၉၀ ရွေးကောက်ပွဲမှာ ဗိုလ်ချုပ်ကြီး စောမောင်နဲ့ တခြားစစ်အစိုးရ ခေါင်းဆောင်တွေက တပ်တွင်းနဲ့ မိသားစုဝင်တွေရဲ့ မဲအမြောက်အများကို NLD ပါတီရရှိသွားတဲ့အကြောင်း သတိထားလိုက်မိကြတယ်။ ရွေးကောက်ပွဲ မတိုင်ခင်တုန်းကတော့ ဗိုလ်ချုပ်ကြီး စောမောင်က အနိုင်ရရှိသူကို အာဏာ လွှဲပြောင်းပေးမယ်လို့ ကတိပြုတယ်။ “ကျနော်ဟာ ဘယ်တော့မှ မလိမ်ညာတဲ့သူပါ” လို့လည်း ပြောခဲ့တယ်။ ဒါပေမယ့် ကြောက်ရွံ့နေကြတဲ့ စစ်အစိုးရ ခေါင်းဆောင်တွေဟာ ရွေးကောက်ပွဲမှာ သူတို့ ကျောထောက် နောက်ခံ ပေးထားတဲ့ မြန်မာ့ဆိုရှယ်လစ်လမ်းစဉ်ပါတီ တဖြစ်လဲ တိုင်းရင်းသား စည်းလုံးညီညွတ်ရေးပါတီ ရှုံးနိမ့်သွားပြီးတဲ့ နောက်မှာတော့ NLD ကို အာဏာလွှဲပြောင်းပေးဖို့ကို ပြောင်ပြောင်တင်းတင်းပဲ ငြင်းဆန်ပါတော့တယ်။

နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ ဥက္ကဌ ဗိုလ်ချုပ်မှူးကြီးစောမောင်လည်း ဖိအားတွေအောက်ကို ရောက်သွားပြီး အရက်တွေ စပြီး သောက်လာတယ်။ ပုံမှန်မဟုတ်တဲ့ အပြောအဆို အမူအရာတွေ ရှိလာပြီးတော့ တခါတလေ ပုဂံမင်းဆက်ကို တည်ထောင်ခဲ့တဲ့ ကျန်စစ်သားမင်း ပြန်လည်ဝင်စားသူဖြစ်တယ်လို့ သူ့ကိုယ်သူ ရည်ညွှန်းပြောဆိုတာတွေ လုပ်လာတယ်။ တပ်မတော်ဂေါက်ကွင်းမှာ ဗိုလ်ချုပ်ကြီး စောမောင်က လက်ထဲမှာကိုင်ထားတဲ့ ပစ္စတိုကို ဝှေ့ရမ်းပြီး “ငါက ကျန်စစ်သား” လို့ အော်ဟစ်နေတာကိုတောင်မှ မြင်တွေ့ကြရတယ်လို့ ဆိုတယ်။

ဗိုလ်ချုပ်တွေကို စက်ဆုပ်ကြတဲ့ မြန်မာနိုင်ငံသား တချို့ကတောင် ဗိုလ်ချုပ်ကြီး စောမောင်ကို တွေ့တဲ့အခါ သူ့ရဲ ခြိမ်းခြောက်မှုတွေကို ကြောက်ရွံ့တုန်လှုပ်ရမယ့် အစား သူတို့ကို ဖျော်ဖြေနေသလို ထင်မှတ်ခဲ့ကြတယ်။ တခါတလေ နာရီနဲ့ ချီပြီး ကြာမြင့်တတ်တဲ့ သူပြောကြားခဲ့တဲ့ မိန့်ခွန်းရှည်ကြီးတွေကို နိုင်ငံပိုင်သတင်းစာတွေမှာ ဖတ်ရတဲ့အခါ ရုပ်မြင်သံကြားမှာ မြင်ရတဲ့အခါ လူတွေက ရယ်မောကြတယ်။

ဒါပေမယ့် ဗိုလ်ချုပ်ကြီး စောမောင်ရဲ့ နောက်လိုက် ဗိုလ်ချုပ်တွေကတော့ မရယ်ကြဘူး။ ကွယ်လွန်သူ နာမည်ကျော် ကဗျာဆရာ၊ စာရေးဆရာ မင်းလူက ဗိုလ်ချုပ်ကြီးစောမောင်ရဲ့ ကိုးယိုးကားယားနိုင်တဲ့ အမူအကျင့်တွေကို သရော်တဲ့ “ဘာတွေ ဖြစ်ကုန်ကြပြီလဲ” အမည်ရှိတဲ့ ဟာသကဗျာတပုဒ်ကို ရေးဖွဲ့ဖြန့်ဝေခဲ့တဲ့အခါ စစ်ထောက်လှမ်းရေးက သူ့ကို ဖမ်းဆီးပြီးတော့ တပ်မတော်နဲ့ပြည်သူကြားမှာ နားလည်မှု လွဲမှားအောင် ဖန်တီးရန် အားထုတ်မှုနဲ့ ရုံးတင်တရားစွဲခဲ့ပါတယ်။ ၁၉၉၀ နိုဝင်ဘာလမှတော့ စာရေးဆရာ မင်းလူကို ထောင်ဒဏ် ၇ နှစ် ချမှတ်တယ်။

ဗိုလ်ချုပ်ကြီးစောမောင်ရဲ့ အာဏာကို ထိန်းချုပ်နိုင်မှု တစထက်တစ လျော့နည်းလာချိန်မှာ ဗိုလ်ချုပ်ခင်ညွန့်က အသံပို ထွက်လာပြီးတော့ သူရဲ့ကိုယ်ပိုင် အင်ပါယာထူထောင်နိုင်ဖို့ အားသွန်ခွန်စိုက်ကြိုးစားတယ်။ မြန်မာနိုင်ငံမှာ အလုပ် အကြိုးစားဆုံး ခေါင်းဆောင်အဖြစ်လည်း သူ့ကိုယ်သူ ပုံဖော်တယ်။ ဒု ဗိုလ်ချုပ်ကြီး သန်းရွှေကတော့ စစ်ရုံးမှာ အစည်းအဝေးတွေလုပ်တဲ့အခါ တခြား သြဇာ အာဏာ ပြင်းတဲ့ ဗိုလ်ချုပ်တွေလို မဟုတ်ဘဲ မတုန်မလှုပ်ဟန်နဲ့ ခံစားချက် မရှိတဲ့ မျက်နှာထားမျိုးနဲ့သာ နေတတ်တယ်လို့ နဲ့ စစ်ဖက်အရာရှိတွေက ပြန်ပြောပြကြပါတယ်။ နောက်ပိုင်းမှာမှ သူ့ရဲ့ လုပ်ရပ်တွေက သူ စကားပြောတာထက်ပိုပြီး ဆိုးဝါးရက်စက်တယ်ဆိုတာကို တွေ့ခဲ့ကြပေမယ့် “ခွေးဘီလူး” ဟာ မီးလျှံတွေ မှုတ်ထုတ်ပြနေတဲ့ နဂါးတကောင် ဘယ်တုန်းကမှ မဟုတ်ခဲ့ဘူး။

ဒု ဗိုလ်ချုပ်ကြီး သန်းရွှေက လမ်းတွေ၊ တံတားတွေ၊ ဆည်မြောင်းတွေကို စိတ်ဝင်စားတုန်းပဲဖြစ်ပြီးတော့ သူ့ကို “ဆည် နှင့် တံတားဝန်ကြီး” ဆိုတဲ့ ဒုတိယနာမည်ပြောင်တခု ထပ်ရခဲ့ပြန်တယ်။ မြန်မာနိုင်ငံ အထက်ပိုင်းနဲ့ အလယ်ပိုင်းကို မကြာမကြာ ခရီးထွက်တတ်ပြီး အခြား အကြီးတန်းအရာရှိကြီးတွေနဲ့ အတူ ဖဲကြိုးဖြတ်ပွဲ အမြောက်အများကို တက်ရောက်တယ်။ စိုက်ပျိုးရေး စီမံကိန်းတွေကို သွားရောက်စစ်ဆေးတယ်။ တခါတုန်းက မြန်မာနိုင်ငံက သစ်တောတွေကို စိမ်းလန်းနေအောင် ဆက်လက်ထိန်းသိမ်းထားချင်ကြောင်း ၀န်ကြီးတွေကို ပြောပြဖူးတယ်လို့ သိရတယ်။ မြန်မာနိုင်ငံရဲ့သစ်တောတွေဟာ စစ်အစိုးရနဲ့ သူ့ရဲ့ ခရိုနီတွေကြောင့် ရစရာမရှိအောင် ပြိုလဲပျက်စီးခဲ့ပြီဆိုတာ သူ သတိ မထားမိပုံပါ။

၁၉၉၁ ခုနှစ်မှာတော့ ၁၉၈၀ နှစ်တွေတုန်းက သူ အုပ်ချုပ်ခဲ့ဖူးတဲ့ ဧရာဝတီ မြစ်ဝကျွန်းပေါ်ဒေသကို ဗိုလ်ချုပ်ကြီးသန်းရွှေ ရောက်လာခဲ့တယ်။ ဧရာဝတီတိုင်းဟာ ဒေါ်အောင်ဆန်းစုကြည်ရဲ့ NLD ပါတီရဲ့ အမာခံနယ်မြေဖြစ်သလို လှုပ်ရှားမှုတွေ ပြန်လည်စတင်နေတဲ့ ကရင်လက်နက်ကိုင်တွေရှိနေတဲ့ နယ်မြေလည်း ဖြစ်တယ်။ ကရင်ခေါင်းဆောင်တွေမှာ မြစ်ဝကျွန်းပေါ်ကို ပြန်လည်ဝင်ရောက်ဖို့ အစီအစဉ်ရှိနေတယ်။ ၁၉၉၁ ခုနှစ် ဖေဖော်ဝါရီလအတွင်းက စပြီး ကရင်အမျိုးသား (KNU) က မြစ်ဝကျွန်းပေါ်ဒေသကို ထားဝယ်ကနေတဆင့် လက်နက်ခဲယမ်းတွေ လျှို့ဝှက်တင်သွင်းခဲ့တယ်။

ဧရာဝတီမြစ်ဝကျွန်းပေါ်ဒေသမှာ ၁၉၇၀ နှစ်တွေတုန်းက ဖြစ်ပေါ်ခဲ့တဲ့ တိုက်ခိုက်မှုတွေကနေ အသက်မသေဘဲ လွတ် မြောက် ကျန်ရစ်ခဲ့တဲ့ KNDO အဖွဲ့ဝင်ဟောင်း အမြောက်အများ အပါအ၀င် ငြိမ်သက်နေတဲ့ ကလပ်စည်းတွေ ရှိနေပြီးတော့ သူတို့ကလည်း တော်လှန်ရေးမှာပါဝင်ဖို့ အဆင်သင့်ပဲ။ KNU က မြစ်ဝကျွန်းပေါ်မှာ ထကြွ တော်လှန် ပြီးတော့ ရန်ကုန် ကို အလွယ်တကူဝင်ရောက်နိုင်မယ်လို့ တွေးခဲ့တယ်။

ဒါကြောင့် တောတွင်းဌာနချုပ်ဖြစ်တဲ့ သောင်ရင်းမြစ်ကမ်းပါးက မာနယ်ပလောစခန်းကနေ ဒေသခံရွာသားတွေကို ပျောက်ကျား တိုက်ခိုက်နည်းသင်တန်းပေးဖို့အတွက် ကွန်မန်ဒိုတွေ လွှတ်တယ်။ ဘိုကလေး မြို့နယ်ကို ဆက်သွယ်ရေး စက်ပစ္စည်းတွေနဲ့ လက်နက်တွေ သယ်ဆောင်လာတဲ့ ရှေ့ပြေးအဖွဲ့တခုကို ဒေသခံရဲတပ်ဖွဲ့ရဲ့ လှည့်ကင်းက ကြားဖြတ် ဟန့်တားလိုက်ပြီးတဲ့ နောက်မှာတော့ ကနဦးတိုက်ပွဲငယ်ကလေးကနေ မကြာခင်မှာပဲ အစိုးရ စစ်ဆင်ရေးကြီးတခု ဖြစ်သွားတော့တယ်။

မုန်တိုင်းစစ်ဆင်ရေးလို့ အမည်ရတဲ့ ဧရာဝတီမြစ်ဝကျွန်းပေါ်စစ်ပွဲကို စစ်ဦးစီး အရာရှိချုပ် ဗိုလ်ချုပ်တင်ဦး၊ အနောက်တောင်တိုင်း စစ်ဌာနချုပ်တိုင်းမှူး ဗိုလ်ချုပ်မြင့်အောင်တို့နဲ့ အတူ ဗိုလ်ချုပ်ကြီးသန်းရွှေနဲ့ ဗိုလ်ချုပ် ခင်ညွှန့်တို့ ကြီးကြပ်ခဲ့ကြတယ်။ စစ်ဗိုလ်ချုပ်တွေက ရန်ကုန်မြို့နဲ့ နီးစပ်တဲ့နေရာအထိ တိုက်ခိုက်ထိုးဖောက်ခွင့် မပေးပါဘူး။ တရုတ်နိုင်ငံလုပ် ရဟတ်ယာဉ်တွေ၊ ဂျက်တိုက်လေယာဉ်ပျံတွေ၊ ရေတပ်တိုက်သင်္ဘောတွေနဲ့ မြေပြင်တပ်ဖွဲ့တွေကို အား ဖြည့်စစ်ကူပေးပြီး ကရင်လက်နက်ကိုင်လို့ သံသယရှိသူတွေကို တိုက်ခိုက်ချေမှုန်းပါတယ်။ သံသယရှိသူ အများစုကတော့ သာမန်တောသူတောင်သားတွေပါ။

စစ်အစိုးရရဲ့ ထုတ်ပြန်ချက်တွေကတော့ မုန်တိုင်းစစ်ဆင်ရေးမှာ ရန်သူ ၂၇၅ ဦး ကျဆုံးပြီး ၁၃ ယောက်ကို ဖမ်းဆီးမိကာ ၃ ယောက်ကတော့ လက်နက်ချအညံ့ခံခဲ့တယ်လို့ ဆိုတယ်။ ဒါပေမယ့် ကျွမ်းကျင်သူတွေကတော့ အရေအတွက် ဒီ့ထက် များနိုင်တယ်လို့ ပြောကြပါတယ်။ ဗိုလ်ချုပ်ကြီး သန်းရွှေနဲ့ ဒီစစ်ဆင်ရေးကို ကြီးကြပ်တဲ့ တပ်မှူးကြီးတွေက အသေ ပစ်သတ်ဖို့ အမိန့်ထုတ်ခဲ့ပြီး ဖြစ်ပါတယ်။ ကျေးလက်နေပြည်သူတွေ ပစ်သတ်ခံရကြသလို လေကြောင်း တိုက်ခိုက်မှုရဲ့ သားကောင်ဖြစ်ခဲ့ရသူတွေလည်း ရှိခဲ့ပါတယ်။ အသက်မသေဘဲ ကျန်ရစ်ခဲ့သူတွေကိုလည်း ကံကောင်းတယ်လို့ ပြောလို့ မရပြန်ပါဘူး။

ရာနဲ့ချီတဲ့ ကရင်လူမျိုး ရွာသူရွာသားတွေ ဖမ်းဆီးထောင်ချခံရပြီးတော့ လူမဆန်တဲ့ ညှဉ်းပန်းနှိပ်စက်မှုတွေ ခံစားကြရတယ်။ တချို့ဆိုရင် အသက် ၁၅ နှစ်လောက်ပဲ ရှိကြတယ်။ တချို့ကရင်ရွာသားတွေ ထောင်ထဲမှာ ရှိနေဆဲပဲလို့လည်း သိရပါတယ်။ ဒါပေမယ့် သူတို့တွေဟာ နိုင်ငံရေးအကျဉ်းသားအရေး လုပ်ဆောင်နေတဲ့ အဖွဲ့အစည်းတွေရဲ့ စာရင်းထဲမှာလည်း မပါဝင်ပါဘူး။ ဘာဖြစ်လို့လဲဆိုတော့ သူတို့ ဘယ်သူတွေလဲဆိုတာ ဘယ်သူမှ မသိကြလို့ပါပဲ။

၁၉၉၂ ခုနှစ်အတွင်းမှာတော့ ဗိုလ်ချုပ်မှူးကြီး စောမောင် အာရုံကြောချို့ယွင်းတဲ့ရောဂါ ပြင်းပြင်းထန်ထန်ခံစားနေရတယ် ဆိုတဲ့ ကောလာဟလတွေ ပြန့်နှံလာပါတယ်။ အဲဒီနှစ် ဧပြီလအတွင်းမှာတော့ နိုင်ငံတော် ငြိမ်ဝပ်ပိပြားမှုတည်ဆောက်ရေး အဖွဲ့ အတွင်းရေးမှူး(၁) ဗိုလ်ချုပ်ခင်ညွှန့်နဲ့ အတွင်းရေးမှူး(၂) ဗိုလ်ချုပ်တင်ဦးတို့ အေဒီလမ်းမှာရှိတဲ့ ဦးနေ၀င်းရဲ့ နေအိမ်ကို သွားရောက်ခဲ့ကြပါတယ်။ အာဏာရှင်ဟောင်းကြီးကလည်း ဗိုလ်ချုပ်မှူးကြီးစောမောင်ရဲ့နေရာမှာ ဗိုလ်ချုပ်ကြီး သန်းရွှေ ကို အစားထိုးဖို့ သူတို့ကို အမိန့်ပေးလိုက်တယ်လို့ ယူဆရပါတယ်။

Image may contain: 3 people, people smiling, people standing

အာဏာရှင်များနှင့် မြန်မာ့တပ်မတော် အပိုင်း (၈)

ဗိုလ်ခင်ညွန့် အာဏာပြလာခြင်း

၁၉၉၄ ခုနှစ် စက်တင်ဘာလအတွင်း ဒေါ်အောင်ဆန်းစုကြည်၊ ဗိုလ်ချုပ်မှူးကြီး သန်းရွှေ၊ ဒု ဗိုလ်ချုပ်ကြီး ခင်ညွန့်တို့ တွေ့ဆုံခဲ့ကြစဉ် (ဓာတ်ပုံ – Reuters)

၁၉၉၂ခုနှစ်၊ ဧပြီလ ၂၃ ရက်နေ့မှာ ဗိုလ်ချုပ်မှူးကြီး စောမောင် “ကျန်းမာရေးကြောင့်” အနားယူလိုက်ရပြီး ဗိုလ်ချုပ်ကြီးသန်းရွှေ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ဥက္ကဋ္ဌအဖြစ် တာဝန်ယူမယ့်အကြောင်း အစိုးရ အသံလွှင့်ဌာနက ကြေညာခဲ့တယ်။ ဒါကို ဗိုလ်ချုပ်မှူးကြီး စောမောင်နားထောင်လိုက်ရပုံ မရဘူး။ ဒါကြောင့် နောက်တနေ့နံနက်မှာ သူ့ကိုဖယ်ရှားလိုက်ပြီဆိုတာကိုမသိဘဲ ရုံးသွားဖို့ ပြင်ဆင်ခဲ့တယ်။

ကာကွယ်ရေးဦးစီးချုပ်ဟောင်းဟာ မကြာခင်မှာပဲ အိမ်ကို စစ်သားတွေ ပတ်ဝိုင်းထားပြီး သူ့ကို နေအိမ် အကျယ်ချုပ် ဖမ်းဆီးခံထားရပြီဖြစ်ကြောင်း သတိပြုမိသွားတယ်။ ဒေါသအကြီးအကျယ် ထွက်သွားတဲ့ ဗိုလ်ချုပ်မှူးကြီးဟောင်း စောမောင်က သူ့ရဲ့ ကိုယ်ရေးအရာရှိတွေနဲ့ အိမ်သားတွေကို အော်ဟစ်ခေါ်ပြီး ဇနီးဖြစ်သူကို အလံပြဘုရားလမ်းမှာရှိတဲ့ စစ်ရုံးချုပ်ကို အမြန်ဆုံးသွားဖို့ စေလွှတ်လိုက်တယ်။ သူ့ဇနီးက ထိပ်တန်းစစ်ဗိုလ်ချုပ်တွေနဲ့ မျက်နှာချင်း ဆိုင် စကားပြောဖို့ တောင်းဆိုခဲ့ပြီး ဗိုလ်ချုပ်ကြီး သန်းရွှေ၊ ဗိုလ်ချုပ် ခင်ညွန့်တို့ကို ရန်တွေ့ကြိမ်းမောင်းခဲ့ပေမယ့် အကျိုးမထူးခဲ့ဘူး။ ဒီကိစ္စအားလုံးက အဲဒီအချိန်က စစ်ရုံးမှာ ရှိနေတဲ့ အငယ်တန်းအရာရှိတွေအတွက်တော့ ရယ်မောစရာဖြစ်ခဲ့ရတယ်။ ခုချိန်မှာ ဗိုလ်ချုပ်ကြီးသန်းရွှေက နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ ဥက္ကဋ္ဌ ဖြစ်လာတဲ့အတွက် ဗေဒင်ဆရာ ဦးဥာဏ်ဇော်က တနေ့မှာ ဗိုလ်မှူးကြီးသန်းရွှေ မြန်မာနိုင်ငံကို မင်းလုပ်အုပ်ချုပ်ရမယ်ဆိုတဲ့ ဟောကိန်းဟာ မှန်သွားခဲ့ပါပြီ။ ဒါပေမယ့် ဗိုလ်ချုပ်ကြီး သန်းရွှေနဲ့ ဗိုလ်ချုပ်ခင်ညွန့်ကြားထဲက အာဏာအားပြိုင်မှုကတော့ လူမသိ သူမသိ ဆက်ပြီးရှိနေခဲ့တယ်။

ဘာကြောင့်လဲဆိုတော့ နိုင်ငံကိုလက်ရှိအုပ်ချုပ် နေတဲ့အဖွဲ့ထဲမှာ ဦးနေဝင်းလိုမျိုး အလုံးစုံဩဇာ အာဏာ သက်ရောက်နိုင်သူ မရှိပါဘူး။ ဆုံးဖြတ်ချက် တွေကိုလည်း အဖွဲ့ဝင်တွေရဲ့ သဘောတူထောက်ခံမှုနဲ့ ပြုလုပ် နေရတယ်။ စစ်ရုံးမှာ အလုပ်လုပ်နေကြ တဲ့ အနေအထားကိုလည်း ဗိုလ်ချုပ်ကြီး သန်းရွှေ သိတယ်။ နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့ဝင်တွေဟာ သူနဲ့ ခေတ်ပြိုင်တွေ၊ သူ့ထက် ဝါစဉ်ကြီးတဲ့သူတွေ ဖြစ်နေ တဲ့အတွက် သူ့ရဲ့အာဏာဟာ အခြေခိုင်မှုမရှိဘူးဆိုတာလည်း ရိပ်မိခဲ့တယ်။

ဒါပေမယ့် သူက နောက်ကွယ်မှာ လှုပ်ရှားမှုတွေ လုပ်နိုင်ခဲ့တယ်။ လစ်လပ်နေတဲ့ ဒုတိယ ကာကွယ်ရေး ဦးစီးချုပ်နဲ့ နိုင်ငံတော်ငြိမ်ဝပ်ပိပြားမှု တည် ဆောက်ရေးအဖွဲ့ ဒု ဥက္ကဋ္ဌနေရာကို ဗိုလ်ချုပ်ခင်ညွန့် နဲ့ အစားထိုးလို့ မရပါဘူး။ ဘာကြောင့်လဲဆိုတော့ ဒီလို ပေးလိုက်ရင် စစ်တပ်ရဲ့ စည်းလုံးညီညွတ်မှုကို ပျက်စီးစေမယ့်အပြင် နောက်ထပ် အာဏာသိမ်းမှု တခုတောင် ထပ်ဖြစ်လာနိုင်လို့ပါ။ ဗိုလ်ချုပ်ကြီး သန်းရွှေ နိုင်ငံတော်ငြိမ်ဝပ်ပိပြား မှုတည်ဆောက်ရေး အဖွဲ့ရဲ့ ထိပ်ဆုံးနေရာကို တက်လာပြီးတဲ့နောက် ကောင်းမှုကုသိုလ်လုပ်ဖို့လည်း မမေ့ခဲ့ ပါဘူး။ နတ် ဒေဝတာတွေကလည်း နိုင်ငံရေးရာထူးနေရာရောက် လာတဲ့သူ့ကို စောင်မခဲ့ကြပုံရတယ်။ သူ့ရဲ့ မဟာပြိုင် ဘက်ဟာ နံပါတ် ၂ နေရာနဲ့ မသင့်လျော်သူ ဖြစ်နေခဲ့တယ်။

မကြာခင်မှာပဲ စစ်အစိုးရက အခြေခံဥပဒေသစ် ရေးဆွဲဖို့အတွက် အမျိုးသားညီလာခံ ကျင်းပမှာ ဖြစ်တဲ့ အကြောင်း ကြေညာတယ်။ နိုင်ငံရေးအကျဉ်းသား အချို့ကိုလည်းလွှတ်ပေးပြီးတော့ ထိုင်း-မြန်မာ နယ်စပ်မှာ ကရင်တိုင်းရင်းသား လက်နက်ကိုင်အဖွဲ့နဲ့ တိုက်ခိုက်နေတဲ့ စစ်ဆင်ရေးတွေကိုလည်း ရပ်လိုက်တယ်။ နိုင်ငံတော် ငြိမ်ဝပ်ပိပြားမှုတည်ဆောက်ရေး အဖွဲ့ရဲ့ ဥက္ကဋ္ဌသစ်အနေနဲ့ ဒီလိုလှည့်ကွက်တွေ သုံးလိုက် မယ်ဆိုရင် ချီးကျူးဂုဏ်ပြုခံရမယ်ဆိုတာ သူသိ တယ်။ ဒါက ပြည်တွင်းနဲ့နိုင်ငံတကာက ဝေဖန်မှုတွေ ကိုလမ်းလွှဲဖို့ ဗိုလ်ချုပ်ကြီးသန်းရွှေ စွဲစွဲမြဲမြဲ အသုံးပြုခဲ့တဲ့ နည်းဗျူဟာရဲ့ ရှေ့ပြေးတွေထဲက တခုပါ။

တချိန်တည်းမှာ စစ်အစိုးရ ထိပ်ပိုင်း ခေါင်း ဆောင် ဗိုလ်ချုပ်တွေက ၁၉၉၃ ခုနှစ်မှာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း (USDA) ကို ဖွဲ့ စည်းလိုက်တယ်။ ရည်ရွယ်ချက်ကတော့ အရပ်သား ပြည်သူတွေကို နိုင်ငံရေး ဦးဆောင်မှုပေးနိုင်ဖို့နဲ့ စစ် ဗိုလ်ချုပ်တွေရဲ့ အတွေးအခေါ်တွေကို ပြည်သူတွေ စိတ်ထဲကို သွတ်သွင်းပြီးတော့ ပြည်တွင်းပြည်ပက ခြိမ်းခြောက်မှုတွေကို ကာကွယ်နိုင်ရေးအတွက် ရည် ရွယ် လုပ်ဆောင်နေတဲ့ စစ်အစိုးရရဲ့ ပြည်သူ့စစ်ပွဲ ဗျူဟာကို အကောင်အထည်ဖော်နိုင်ဖို့ လူထုအင်အားစုတခု ဖန်တီးရေးအတွက် ဖြစ်တယ်။

၁၉၉၀ နှစ်တွေထဲမှာ စစ်တပ် အပါအဝင် အစိုးရဝန်ထမ်းတွေနဲ့ ကျောင်းသားတွေ၊ ဆရာတွေ အမြောက် အမြားကို ကြံ့ခိုင်ရေးအသင်းဝင်ဖို့ အတင်း အကျပ် ဖိအားပေးခဲ့တယ်။ လူမှုရေးအသင်းအဖွဲ့တခု အသွင်ကို ယူထားပေမယ့် တကယ်တော့ ကြံခိုင်ရေးအသင်းဟာ စစ်အစိုးရရဲ့ အရပ်ဘက် အဖွဲ့အစည်းတခုဖြစ်ပြီး မူဝါဒတွေကလည်း အာဏာရစစ်အစိုးရရဲ့ မူဝါဒတွေကို ရောင်ပြန်ဟပ်တာပဲ ဖြစ်တယ်။ စစ်အစိုးရရဲ့ပုံရိပ်ကို ပြည်သူလူထုအမြင်မှာ မြှင့်တင်နိုင်ဖို့အတွက် အင်္ကျီအဖြူရောင်၊ လုံချည်အစိမ်းရောင် ဝတ်စုံဝတ်ထားတဲ့ ကြံ့ခိုင်ရေး အသင်းဝင်တွေကို အသုံးချခဲ့တယ်။ ဒီ လှုပ်ရှားမှုတွေ အကုန်လုံးဟာ စစ်ရုံးချုပ်မှာ သူ့ရဲ့ အာဏာကို စုစည်းဖို့လုပ်နေတဲ့ ဗိုလ်ချုပ်ကြီးသန်းရွှေရဲ့ ဗျူဟာကို ဖော်ပြနေတာဖြစ်တယ်။

ဒါ့အပြင် အရပ်အသားအသွင်ယူထားတဲ့ အစိုးရတခုရှိပေမယ့် အမျိုးသားနိုင်ငံရေးမှာ စစ်တပ်ရဲ့ အခန်း ကဏ္ဍကို ဆက်လက်ထိန်းသိမ်းထားနိုင်မယ့် နိုင်ငံရေး အသွင်ကူးပြောင်းမှုတခုကို ဗိုလ်ချုပ်ကြီး သန်းရွှေက ရေရှည်မျှော်ကြည့်နေတာ ကိုလည်း ညွှန် ပြနေပါတယ်။ ၁၉၉၃ ခုနှစ်အတွင်းမှာ ကာကွယ်ရေး ဝန်ကြီးဌာနရဲ့ အာဏာတည်ဆောက်ပုံကို ပြန်လည် ပြင်ဆင် ဖွဲ့စည်းပြီး အစိုးရအဖွဲ့ကိုလည်း တိုးချဲ့ခဲ့တယ်။ စစ်ထောက် လှမ်းရေးခေါင်းဆောင် ဗိုလ်ချုပ် ခင်ညွန့်နဲ့ ဒေသဆိုင်ရာ စစ်တိုင်းမှူးတွေ ဖြစ်တဲ့ ဗိုလ်ချုပ် ထွန်းကြည်၊ ဗိုလ်ချုပ် ကျော်ဘနဲ့ ဗိုလ်ချုပ် မြင့်အောင်တို့က တစောင်းစေးနှင့် မျက်ချေးလိုဖြစ်နေကြတဲ့အတွက် ထိန်းတဲ့ အနေနဲ့ သူတို့ကို ဝန်ကြီး ရာထူးခန့်ပြီး ရန်ကုန်ကို ခေါ်လိုက်တယ်။ ဗိုလ်ချုပ် ကြီး သန်းရွှေရဲ့ ပါးနပ်တဲ့ လှုပ်ရှားမှုတခုလို့ ဆိုနိုင်တယ်။ ဘာကြောင့်လဲဆိုတော့ သူ့ကိုသစ္စာခံကြတဲ့ စစ်ရုံးကအရာရှိကြီးတွေကို လစ်လပ်တဲ့နေရာတွေမှာ ခန့်ထားနိုင်ဖို့အခွင့် အလမ်းရရှိသွားကြတယ်။

ဗိုလ်ချုပ်ကြီးသန်းရွှေရဲ့ နောက်ထပ် ဗျူဟာမြောက်ရွှေ့ကွက်တခုကို ၁၉၉၃ ခုနှစ် မတ်လမှာ ထပ်မံမြင်တွေ့ ရတယ်။ သူက နိုင်ငံတော်ငြိမ်ဝပ်ပိပြား မှု တည်ဆောက်ရေးအဖွဲ့ဝင် စစ်တိုင်းမှူးတယောက် ဖြစ်တဲ့ ဒုဗိုလ်ချုပ်ကြီး မောင်အေးကို လစ်လပ်နေဆဲ ဖြစ်တဲ့ နဝတ အဖွဲ့ရဲ့ ဒုဥက္ကဋ္ဌနဲ့ ကာကွယ်ရေးဦးစီးချုပ် (ကြည်း) အဖြစ် ခန့်အပ်လိုက်တယ်။ ဒုဗိုလ်ချုပ်ကြီး မောင်အေးက စစ်ကိုင်းတိုင်း ကန့်ဘလူမှာ မွေးဖွားခဲ့ပြီးတော့ စစ်တက္ကသိုလ် ဗိုလ်လောင်းသင်တန်း အပတ်စဉ်(၁) မှာ တက်ရောက်ခဲ့သူပါ။ စစ်တက္ကသိုလ် မှာ ထူးချွန်တဲ့ ဗိုလ်လောင်းတယောက် မဖြစ်ခဲ့ပါဘူး။ စစ်ရေးကိုပဲစိတ်ဝင်စားပြီးတော့ ဗိုလ်ချုပ်ကြီးသန်းရွှေ လောက်လည်း ဥာဏ်မများတဲ့ သူပါ။ နိုင်ငံရေးအကြောင်းကိုလည်း နားမလည်ဘူး။ ဒါပေမယ့် ဗိုလ်ချုပ်ကြီး သန်းရွှေအတွက် တော့ သစ္စာရှိပြီး အသုံးဝင်တဲ့ မဟာမိတ်တယောက်ဖြစ်ခဲ့တယ်။

စစ်တက္ကသိုလ် အပတ်စဉ် (၁) မှာ အတူတူ ကျောင်းဆင်းခဲ့ကြတဲ့ ဒုဗိုလ်ချုပ်ကြီး ကျော်ဘနဲ့ ဒုဗိုလ်ချုပ်ကြီး ထွန်းကြည်တို့ကလည်း ဒုဗိုလ်ချုပ်ကြီး မောင်အေး ကြည်းတပ်ဦးစီးချုပ် ဖြစ်လာတာ ဝမ်း မြောက်ခဲ့ကြတယ်။ သူ့ကို ခန့်အပ်လိုက်ခြင်းကြောင့် စစ်တိုင်းမှူးတွေကြားမှာ မြင့်တက်နေတဲ့ တင်းမာမှုတွေကို လျော့ကျသွားစေ ပြီးတော့ ဗိုလ်ချုပ် ခင်ညွန့် ကြီးပွားလာမှာကို မလိုလားကြတဲ့ ထိပ်တန်းအရာရှိ ကြီးတွေကိုလည်း ကျေနပ်စေခဲ့ တယ်။

ဒါပေမယ့် ကြိုတင်မျှော်လင့်ထားကြတဲ့အတိုင်း ပါပဲ၊ ဒုဗိုလ်ချုပ်ကြီး မောင်အေး စစ်ရုံးချုပ်ကိုရောက် လာပြီး မကြာခင် သူနဲ့ ဩဇာအလွန်ကြီးတဲ့ ထောက်လှမ်းရေး အကြီးအကဲရဲ့ကြားမှာ တင်းမာမှုအသစ် ပေါ်ပေါက် လာတော့တယ်။ ဒုဗိုလ်ချုပ်ကြီး မောင်အေးက သူ့ကိုယ်ပိုင် ထောက်လှမ်းရေးတပ်ဖွဲ့ ထူထောင်ခဲ့တယ်လို့ သိရတယ်။ ဗိုလ်ချုပ်ခင်ညွန့်နဲ့ သူ့ရဲ့ ကြီးထွားလာနေတဲ့ ထောက်လှမ်းရေးအဖွဲ့ကို တန်ပြန်နိုင်ဖို့အတွက် အနောက်နိုင်ငံတွေကနေ စွမ်းအားမြင့် ရေဒီယို ကြားဖြတ်စက်တွေကိုတောင် ဝယ်ယူခဲ့တယ်လို့ ဆိုတယ်။

ဗိုလ်ချုပ်မှူးကြီး သန်းရွှေကတော့ ဗိုလ်ချုပ်ခင်ညွန့် ဦးဆောင်တဲ့ ထောက်လှမ်းရေးဂိုဏ်းနဲ့ ဒု ဗိုလ်ချုပ်ကြီး မောင်အေးဦးဆောင်တဲ့ စစ်တပ်ဂိုဏ်းတို့ရဲ့ ခါးခါးသီးသီး တိုက်ခိုက်မှုတွေကို မျက်ခြည်မပြတ် စောင့်ကြည့် နေခဲ့ရတယ်။ နှစ်ဖက်လုံးက ပေးပို့လာတဲ့ နိုင်ငံရေးအရ သွေးထိုးတဲ့ အစီရင်ခံစာတွေကိုလည်း လက်ခံတယ်။ ဗိုလ်ချုပ်မှူးကြီး သန်းရွှေရဲ့ ရုံးခန်းကို ဒေါသကြီးပြီးနှုတ်သီးကောင်းတဲ့ ကုန်သွယ်ရေးဝန်ကြီး ဒုဗိုလ်ချုပ်ကြီး ထွန်းကြည် ရောက်လာပြီး သူတို့က “မင်းသား” လို့ခေါ်တဲ့ စစ်ထောက်လှမ်းရေး အကြီးအကဲ ဗိုလ်ချုပ် ခင်ညွန့်အကြောင်းပြောပြီး တိုင်ပါတယ်။

အဝတ်အစား သပ်သပ်ရပ်ရပ် ဝတ်တတ်တဲ့ ဗိုလ်ချုပ်ခင်ညွန့်က မိတ်ကပ်လိမ်း၊ ရေမွှေးဆွတ် တတ်ပြီး မျက်နှာ ကိုလည်း မှန်မှန် အနှိပ်ခံတယ်လို့ ကောလာဟလတွေ စစ်ရုံးက ထွက်ခဲ့တာလည်းရှိတယ်။ ဗိုလ်ချုပ် ခင်ညွန့်က လည်း သူ့ရဲ့ရန်သူတွေကိုသိပါတယ်။ တုံ့ပြန်တိုက်ခိုက်ဖို့ကိုတော့ သူတို့နဲ့ မတူတဲ့ ချဉ်းကပ်မှုကို ရွေးချယ်ခဲ့ တယ်။ သူက ဗိုလ်ချုပ်မှူးကြီး သန်းရွှေရဲ့ ရုံးခန်းကို သွားခဲပါတယ်။ ဒါပေမယ့် အမြဲတမ်း တလေးတစား ဆက်ဆံပြီး ရန်သူတော်တွေဖြစ်တဲ့ ဒုဗိုလ်ချုပ်ကြီး ထွန်းကြည်၊ ဒုဗိုလ်ချုပ်ကြီး ကျော်ဘနဲ့ ဒုဗိုလ်ချုပ်ကြီး မြင့်အောင် တို့ရဲ့ အကျင့်ပျက်ခြစားမှုတွေကို သက်သေပြနိုင်ဖို့ ကြိုးကြိုးစားစား အလုပ်လုပ်ခဲ့တယ်။ ဝန်ကြီးဌာန တွေမှာ မြှုပ်နှံထားတဲ့ ဗိုလ်ချုပ် ခင်ညွန့်ရဲ့ ထောက်လှမ်းရေးတွေကလည်း ကုန်သွယ်ရေးဝန်ကြီး ဒုဗိုလ်ချုပ်ကြီး ထွန်းကြည်၊ ဟိုတယ်နှင့် ခရီးသွားလုပ်ငန်း ဝန်ကြီး ဒုဗိုလ်ချုပ်ကြီး ကျော်ဘနဲ့ လယ်ယာစိုက်ပျိုးရေးနဲ့ ဆည်မြောင်းဝန်ကြီး ဒုဗိုလ်ချုပ်ကြီး မြင့်အောင်တို့ရဲ့ အတွင်းကျတဲ့ သတင်းအချက်အလက်တွေကို အောင်အောင်မြင်မြင် ရယူစုဆောင်းနိုင်ခဲ့တယ်။

“လွတ်လပ်ရေး ခေတ်လွန် မြန်မာအစိုးရများအတွင်းမှ အာဏာနှင့် ဂိုဏ်းကွဲမှု အကျပ်အတည်း များ” အမည်ရှိတဲ့ စာတမ်းမှာ ပါမောက္ခ ဒေါက်တာ ကျော်ရင်လှိုင်က “အရေးပါတဲ့ နေရာက သတင်း အရင်း အမြစ်တွေရဲ့ အဆိုအရ ဗိုလ်ချုပ်ခင်ညွန့်က ဝန်ကြီးတွေ၊ စစ်တိုင်းမှူးတွေရဲ့ အကျင့်ပျက်ခြစားမှု လုပ်ရပ် တွေအကြောင်းကို ဗိုလ်ချုပ်မှူးကြီးစောမောင် နဲ့ ဗိုလ်ချုပ်မှူးကြီး သန်းရွှေတို့ နှစ်ယောက်လုံးဆီကို အရင်က တည်းက အစီရင်ခံစာတွေ တင်ပြခဲ့ပေမယ့် ဘာအရေးယူမှုမှမရှိခဲ့ပါဘူး။ ဒါပေမယ့် အစိုးရအဖွဲ့ အတွင်း အကျင့် ပျက်ခြစားမှုကို လျှော့ချဖို့လိုအပ်တဲ့ အကြောင်း ပြောတဲ့အချိန်မှာ ဒုဗိုလ်ချုပ်ကြီး ထွန်းကြည်က အစိုးရအဖွဲ့ ထဲမှာ ဘယ်သူမှ အကျင့်ပျက် ခြစားမှုနဲ့ မလွတ်ကင်းဘူးလို့ နောက်သလို ပြောင်သလိုနဲ့ မလေးမစား ပြောခဲ့တဲ့ အတွက် ဗိုလ်ချုပ်မှူး ကြီး သန်းရွှေ ဒေါသတကြီးနဲ့ ဒုဗိုလ်ချုပ်ကြီး ထွန်းကြည်ကို လက်ဖက်ရည်ခွက်နဲ့ ပစ်ပေါက် ခဲ့တဲ့အထိဖြစ်ပြီး နောက်ပိုင်းကျမှ အရေးယူတဲ့ကိစ္စတွေ ပေါ်လာတယ်။ ဘယ်သူမှ မလွတ်ဘူးဆိုတော့ ဗိုလ်ချုပ် မှူးကြီး သန်းရွှေကိုယ်တိုင် ပါနေသလို ဖြစ်နေလို့ပါ” လို့ရေးသားခဲ့ပါတယ်။

ဗိုလ်ချုပ် ခင်ညွန့်နဲ့ သူရဲ့ထောက်လှမ်းရေးအဖွဲ့က တင်ပြတဲ့ အစီရင်ခံစာတွေအားလုံးကို မြင်ခဲ့ပြီး ဖြစ်ပေမယ့် ဗိုလ်ချုပ်မှူးကြီး သန်းရွှေက ဗိုလ်ချုပ်ခင်ညွန့်ကို မယုံကြည်သေးပါဘူး။ ဒါကြောင့် ထောက်လှမ်းရေး အကြီးအကဲရဲ့ အတွင်းစက်ဝိုင်းထဲကို သူ့ လူတယောက်ထည့်ဖို့ စီစဉ်ပါတယ်။ ၁၉၉၄ ခုနှစ်မှာ စစ်ရုံးချုပ်အတွင်း အပြန်အလှန်စောင့်ကြည့်ထိန်းညှိ ရေး အစီအစဉ်ရဲ့ တစိတ်တပိုင်းအနေနဲ့ ဗိုလ်မှူးကြီး ကျော်ဝင်းကို စစ် ထောက်လှမ်းရေး ညွှန်ကြားရေးမှူး ရုံးရဲ့ ဒုညွှန်ကြားရေးမှူးအဖြစ်ခန့်အပ်လိုက်ပါတယ်။ သူ့ရဲ့ အဓိကတာဝန် ကတော့ ဗိုလ်ချုပ် ခင်ညွန့်ကို အနီးကပ် စောင့်ကြည့်ဖို့ပါပဲ။

မျက်မှန်တပ်သူ တယောက်ဖြစ်တဲ့ ဗိုလ်မှူးကြီး ကျော်ဝင်းဟာ စစ်ထဲမဝင်ခင် ၁၉၆၀ နှစ်တွေတုန်းက ရန်ကုန် တက္ကသိုလ်မှာ စိတ်ပညာ အဓိကနဲ့ တက် ရောက် သင်ကြားခဲ့သူ ဖြစ်ပါတယ်။ ဗိုလ်ချုပ်မှူးကြီး သန်းရွှေ အမှတ် (၈၈) ခြေမြန်တပ်မမှူး လုပ်ခဲ့စဉ်က သူ့လက်အောက်မှာ တာဝန်ထမ်းခဲ့ဖူးသူဖြစ်ပါတယ်။ ဗိုလ်ချုပ်မှူးကြီး သန်းရွှေ သဘောကျနှစ်ခြိုက်သူ တယောက်လည်းဖြစ်ပြီးတော့ နှစ်ပေါင်းများစွာ အနီးကပ် ရှိနေခဲ့သူတွေ ဖြစ်ပါတယ်။ ဗိုလ်ချုပ်မှူးကြီး သန်းရွှေ နိုင်ငံတော်ငြိမ်ဝပ်ပိပြားမှု တည်ဆောက်ရေး အဖွဲ့ ဥက္ကဋ္ဌဖြစ်လာတဲ့ ၁၉၉၂ ခုနှစ်မှာ ဗိုလ်မှူးကြီး ကျော်ဝင်းက မန္တလေးမှာရှိတဲ့ အမှတ် (၁) စစ် ထောက်လှမ်းရေးတပ်မှာ ဗိုလ်မှူး အဖြစ်နဲ့ ရှိနေပြီးတော့ ထောက်လှမ်းရေးတပ်ဖွဲ့ရဲ့ ထိပ်တန်းနေရာတွေကို အလျင်မြန်ဆုံးရောက်နိုင်မယ့် လမ်းကြောင်းပေါ်မှာ ရောက်နေတဲ့သူပါ။

စကားညင်ညင်သာသာ ပြောတတ်တဲ့ ထောက်လှမ်းရေးအရာရှိက အင်္ဂလိပ်စကားကို ကျွမ်းကျွမ်း ကျင်ကျင် ပြောနိုင်သလို အနုပညာ ဝါသနာပါသူ တယောက်လည်းဖြစ်တယ်။ ပုံဆွဲတာ၊ ပန်းချီရေးတာနဲ့ ဓာတ်ပုံပညာတွေ ကိုလည်း စိတ်ဝင်စားပါတယ်။ သူရိုက်ကူးထားတဲ့ ဓာတ်ပုံတွေကိုတောင် စာအုပ်အဖြစ် ထုတ်ဝေခဲ့သေးတယ်။ ဗိုလ်ချုပ်မှူးကြီး သန်း ရွှေက ဌာနတွင်းအာဏာကို စုစည်းဖို့ကြိုးစားနေစဉ် မှာ ရည်မှန်းချက်ကြီးတဲ့ ဗိုလ်ချုပ် ခင်ညွန့်က အားသွန် ခွန်စိုက် အလုပ်တွေ လုပ်ပြနေတာကြောင့် နိုင်ငံတကာ စောင့်ကြည့်လေ့လာသူတွေက သူ့ကို မြန်မာ နိုင်ငံမှာအာဏာအရှိဆုံးသူအဖြစ် ဆက်လက်ယူဆကြတယ်။

၁၉၉၄ ခုနှစ်မှာ အမေရိကန်ကွန်ဂရက်အမတ် Bill Richardson မြန်မာနိုင်ငံကို ရောက်လာပြီး ထိန်းသိမ်းခံထား ရတဲ့ ဒီမိုကရေစီခေါင်းဆောင် ဒေါ် အောင်ဆန်းစုကြည်နဲ့ တွေ့ဆုံခဲ့ရာမှာလည်း နေရာတကာ ပါတတ်တဲ့ ဗိုလ်ချုပ်ခင်ညွန့်က သူ့အခန်းကဏ္ဍကို သာသာထိုးထိုး လုပ်ပြခဲ့ပုံပါ။ ဒေါ်အောင်ဆန်းစုကြည်နဲ့ တွေ့ဆုံပြီး တဲ့နောက် အမေရိကန် လွှတ်တော်အမတ်က ဘန်ကောက်မြို့မှာ ကြေညာ ချက်တစောင် ထုတ်ပြန်တဲ့အခါ ဒေါ်အောင်ဆန်းစုကြည်ကို အပြည့်အဝ ချီးမွမ်းပြောဆိုခဲ့ပြီး ဗိုလ်ချုပ် ခင်ညွန့်ကိုလည်း လက်တွေ့ကျပြီး ဟန်မဆောင်တတ်သူ တယောက်လို့ ပြောခဲ့တယ်။

ဆက်လက်ပြီးတော့ သူက စစ်အစိုးရ မျက်ခုံး ပင့်လောက်စရာ စကားတခွန်း ပြောခဲ့ပါသေးတယ်။ “မြန်မာနိုင်ငံရဲ့ အနာဂတ်ကို ဗိုလ်ချုပ် ခင်ညွန့်နဲ့ ဒေါ်အောင်ဆန်းစုကြည်တို့ နှစ်ဦးက ဆုံးဖြတ်မယ်လို့ ကျနော်ထင်ပါတယ်” လို့ သူက ပြောလိုက်တယ်။ ဒီတွေ့ဆုံမှုကို ဗိုလ်ချုပ် ခင်ညွန့်က စီစဉ်ခဲ့တယ်လို့ ယူဆနိုင်စရာရှိပေမယ့် တကယ်တော့ ဗိုလ်ချုပ်မှူး ကြီး သန်းရွှေက ခွင့်ပြုလို့သာ ဖြစ်လာခဲ့ရတယ်ဆိုတာ ကို Richardson သတိမမူခဲ့မိဘူး။ ဒါက လမ်းလွဲမှု တွေဖြစ်စေဖို့နဲ့ မရေရာမှုတွေ ဖန်တီးနိုင်ဖို့ ဗိုလ်ချုပ်မှူးကြီး သန်းရွှေ သေသေချာချာ အကွက်ချစီစဉ်တတ်တဲ့ ပရိယာယ်တွေထဲက တခုပဲဖြစ်တယ်။ အမေရိကန် ကွန်ဂရက် အမတ်ဟာ ဘက်မှားပြီး လောင်းကြေး တင်မိပြီ။ သူ့ရဲ့စကားက ဗိုလ်ချုပ်ခင်ညွန့်ကို ဖမ်းဆီးဖို့ ဝရမ်းစာပေါ်မှာ လက်မှတ်ထိုးပေးလိုက်သလိုပါ။

Image may contain: one or more people and people standing

အာဏာရှင်များနှင့် မြန်မာ့တပ်မတော် အပိုင်း (၉)
ဗိုလ်သန်းရွှေ တိုင်းပြည်ကို အုပ်ချုပ်ခြင်း

ဝန်ကြီးချုပ် (လက်ရှိ သမ္မတ) ဦးသိန်းစိန်ဟာ အာဏာရှင် ဗိုလ်ချုပ်မှူးကြီး သန်းရွှေရဲ့ အယုံကြည်ရဆုံး သူတွေထဲက တယောက်ဖြစ်ခဲ့တယ် (ဓာတ်ပုံ – ရွှေအင်းသား ခင်မောင်ဝင်း)

၁၉၉၅ ခုနှစ် ဇူလိုင်လမှာ စစ်အစိုးရက ဒေါ်အောင်ဆန်းစုကြည်ကို ပြန်လွှတ်ပေးလိုက်တဲ့အတွက် လူတိုင်း အံ့အားသင့်ခဲ့ရပြီး ဗိုလ်ချုပ်မှူးကြီး သန်းရွှေလည်း အမှတ်ပြည့်ရသွားပါတယ်။ သူက ဒေါ်အောင်ဆန်းစုကြည်ဆီကို ပြန်လည်သင့်မြတ်ရေး သတင်းစကားတခုပို့ခဲ့ပြီး အကန့်အသတ်မရှိ လုံးဝပြန်လွှတ်ခြင်း ဖြစ်တဲ့အကြောင်း အသိပေးခဲ့ပါတယ်။ ဒီသတင်းကို ဗိုလ်ချုပ်မှူးကြီး သန်းရွှေရဲ့ လူဖြစ်တဲ့ ဗိုလ်မှူးကြီးကျော်ဝင်းကိုယ်တိုင် ဒေါ်အောင်ဆန်းစုကြည်အိမ်ကို သွားပို့ခဲ့ပါတယ်။

အဲဒီ ၁၉၉၅ ခုနှစ် ဇူလိုင်လအတွင်းလောက်မှာပဲ ဗိုလ်ချုပ်မှူးကြီး သန်းရွှေ အာဏာပိုရှိလာပြီး နေရာ ပိုယူလာနိုင်တာကြောင့် သူနဲ့ ဗိုလ်ချုပ် ခင်ညွန့်ကြားထဲက အာဏာအားပြိုင်မှုကလည်း အကြိတ်အနယ် ပိုပြီး ရှိလာနေပါပြီ။ အသက် ၈၄ နှစ်ရှိပြီဖြစ်တဲ့ အာဏာရှင်ဟောင်းကြီး ဦးနေဝင်းကလည်း နိုင်ငံရေးမှာ လုံးလုံးလျားလျား စိတ်မဝင်စားတော့ဘူးလို့ သူနဲ့ ကာလရှည်လက်တွဲခဲ့တဲ့ လက်ထောက်တွေကို ထုတ်ဖော်ပြောခဲ့ပါတယ်။

မြန်မာ့ ဆိုရှယ်လစ်လမ်းစဉ်ကို ပုံစံချခဲ့တဲ့ ဦးချစ်လှိုင်၊ ပြည်သူ့တရားသူကြီးအဖွဲ့ ဥက္ကဋ္ဌဟောင်း ဦးတင်အောင်ဟိန်းတို့နဲ့ တွေ့တဲ့အချိန်မှာ ဦးနေဝင်းက နိုင်ငံရေးနဲ့ ပတ်သက်လို့ သူ ဘာမှမကြားချင်တော့ဘူး၊ ဘာသာရေး အကြောင်းနဲ့ တရားအားထုတ်တဲ့ အကြောင်းတွေကိုပဲ စိတ်ဝင်စားတော့တယ်လို့ပြောခဲ့ ပါတယ်။ ၁၉၈၈ ခုနှစ် စစ်တပ်က အာဏာသိမ်းပြီးတဲ့ နောက်ပိုင်းမှာ ဦးချစ်လှိုင်က ဦးနေဝင်းကို လယ်တီ ဆရာတော်ဘုရားကြီးရဲ့ စာအုပ်တအုပ် လက်ဆောင် ပေးခဲ့ပါတယ်။ အများရဲ့ ကြည်ညိုလေးစားခြင်း ခံရ တဲ့ လယ်တီဆရာတော်ကြီးက ဝိပဿနာတရား အားထုတ်ခြင်းကို မြန်မာနိုင်ငံမှာ ပြန့်ပွားထွန်းကား အောင် ဆောင်ရွက်ပေးခဲ့သူလည်း ဖြစ်ပါတယ်။

ဦးနေဝင်းကလည်း ၁၉၉၀ လောက်ကစပြီး တရားထိုင်ခဲ့ရာမှာ သူ့ရဲ့စိတ်ထဲမှာ သန့်စင်ငြိမ်းချမ်းမှု တွေရခဲ့တယ်လို့ ဦးချစ်လှိုင်ကိုပြောပါတယ်။ တကယ် လို့ လယ်တီဆရာတော် ဘုရားကြီးရဲ့ စာအုပ်ကို အစောကြီးကတည်းကသာ ဖတ်ခဲ့ရမယ်ဆိုရင် တိုင်း ပြည်ကို အကြီးအကျယ် ထိခိုက်နစ်နာ ပျက်စီးစေတဲ့ မှားယွင်းတဲ့ လုပ်ရပ်တွေ လုပ်ဖြစ်မှာမဟုတ်ဘူးလို့ လည်း ဦးနေဝင်းက ပြောခဲ့တယ်လို့ ဆိုပါတယ်။

ဒါပေမယ့် အစောပိုင်းကာလတွေမှာ ဦးနေဝင်း ဖတ်သင့်တာက လယ်တီဆရာတော်ရဲ့တရားဓမ္မတွေ မဟုတ်ဘူး၊ စီးပွားရေး သဘောတရား စာအုပ်တွေ ဖြစ်တယ်လို့ အများကပြောကြပါလိမ့်မယ်။ တကယ်လို့ နိုင်ငံရဲ့စီးပွားရေးကို ထိန်းကျောင်းနိုင်ဖို့အတွက် ဆူဟာတိုနဲ့ လီကွမ်ယူတို့လိုမျိုး Berkley Mafia (အင်ဒိုနီးရှားနိုင်ငံရဲ့ ကျဆင်းနေတဲ့ စီးပွားရေးကို ပြန်လည်ထူထောင်ပေးနိုင်ခဲ့တဲ့၊ အမေရိကန်မှာပညာ သင်ယူခဲ့တဲ့ စီးပွားရေးပညာရှင်များအစုအဖွဲ့) လို့ ခေါ်တဲ့ စီမံခန့်ခွဲရေးပုံစံအသစ်မျိုးကို ခန့်အပ်တာဝန် ပေးနိုင်ခဲ့မယ်ဆိုရင် နိုင်ငံကိုချွတ်ခြုံကျစေသူ ဆိုတဲ့ အမြင်အစား နိုင်ငံကို အောင်မြင်ကြီးပွားစေခဲ့တဲ့ အာဏာရှင်တယောက်အဖြစ် သူ့ကို မှတ်မိနေကြ မှာပါ။

သူ့ရဲ့ နိုင်ငံရေး အယူအဆတွေကို အများက မနှစ်သက်ကြပေမယ့် သူ့ကို ဆက်ခံသူတွေရဲ့ လုပ် ဆောင်မှုတွေအပေါ်မှာ ဦးနေဝင်းရဲ့ ဩဇာသက် ရောက်မှုက ရပ်တန့်မသွားပါဘူး။ ၁၉၉၇ ခုနှစ်မှာ အသက်အရွယ် ကြီးရင့်နေပြီဖြစ်တဲ့ အာဏာရှင် ဟောင်းကြီးက အင်ဒိုနီးရှားနိုင်ငံကိုသွားပြီး သမ္မတ ဆူဟာတိုနဲ့ တွေ့ဆုံခဲ့ပါတယ်။ ပြန်ရောက်လာပြီး မကြာခင်မှာပဲ နိုင်ငံတော်ငြိမ်ဝပ်ပိပြားမှုတည်ဆောက် ရေးအဖွဲ့ ထိပ်ပိုင်း ၄ ယောက်ဖြစ်တဲ့ ဗိုလ်ချုပ်မှူးကြီး သန်းရွှေ၊ ဗိုလ်ချုပ်ကြီးမောင်အေး၊ ဒုတိယ ဗိုလ်ချုပ် ကြီး ခင်ညွန့်နဲ့ ဒုတိယ ဗိုလ်ချုပ်ကြီးတင်ဦးတို့ကို သူ့ အိမ်ကိုလာဖို့ ခေါ်လိုက်ပါတယ်။ အဲဒီအချိန်တုန်းက အစိုးရအဖွဲ့တွင်းက ပြဿနာတွေအကြောင်းမဟုတ် ဘဲ အကျင့်ပျက်ခြစားမှုကိုနှိမ်နင်းဖို့ ဦးနေဝင်းက ပြောခဲ့ပါတယ်။ ဒါပေမယ့် ထွက်ပေါ်လာတဲ့ရလဒ်က တော့ ထပ်တူနီးပါးပါပဲ။ မြန်မာနိုင်ငံမှာ ရင်းနှီးမြှုပ်နှံ ဖို့ စိတ်ဝင်စားခဲ့ကြတဲ့ အင်ဒိုနီးရှားသမ္မတ ဆူဟာတို ရဲ့ မိသားစုဝင်တွေက စစ်အစိုးရ ထိပ်တန်းအဖွဲ့ဝင် တွေအတွင်းမှာ ကျယ်ကျယ်ပြန့်ပြန့်ရှိနေတဲ့ အကျင့် ပျက် ခြစားမှုတွေအကြောင်း တိုင်ကြားလိုက်တယ်လို့ လေ့လာအကဲခတ်သူ အချို့က ယုံကြည်ကြပါတယ်။ အကျိုးဆက်ကတော့ ဒုတိယဗိုလ်ချုပ်ကြီး ထွန်းကြည်၊ ဒုတိယ ဗိုလ်ချုပ်ကြီး မြင့်အောင်နဲ့ ဒုတိယဗိုလ်ချုပ်ကြီး ကျော်ဘ အပါအဝင် နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ရဲ့ အရေးပါတဲ့ အဖွဲ့ဝင်တွေ သူတို့ရာထူးတွေကနေ ဖယ်ရှားခံလိုက်ရပါတယ်။

စစ်တပ်ကပိုင်တဲ့ ဂေါက်ကွင်းက ပြန်လာတဲ့ အချိန်မှာ သူ့ကို ရာထူးကဖယ်ရှားခံလိုက်ရပြီ ဆိုတာ ကို ကုန်သွယ်ရေးဝန်ကြီး ဒုဗိုလ်ချုပ်ကြီး ထွန်းကြည် သိလိုက်ရပါတယ်။ သူ့ကို စစ်ကြောရေးစခန်းခေါ် သွားပြီး အဲဒီမှာ လက်ဖက်ရည်ဖိုးနဲ့ လာဘ်ပေးလာဘ် ယူမှုတွေအကြောင်း ထွက်ဆိုရင်းနဲ့ မျက်ရည်တောင် ကျခဲ့ရတယ်လို့ သိရပါတယ်။ ဒုဗိုလ်ချုပ်ကြီး ထွန်းကြည် က ရုပ်ရှင်မင်းသမီးငယ်လေးတွေကို ဝန်ကြီးရုံးကို ခေါ်ပြီး အဝတ်အစားချွတ်ပြီး မော်ဒယ်ကိုယ်ဟန်ပြ သလို လမ်းလျှောက်ခိုင်းဖူးတယ်လို့လည်း ကောလာ ဟလတွေ ထွက်ခဲ့ဖူးပါတယ်။

ပထမပိုင်းမှာ စစ်အစိုးရက ရာထူးကနေ ဖယ် ရှားလိုက်တဲ့ ဝန်ကြီးတွေကို နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ရဲ့ အကြံပေးအဖွဲ့ဝင်အဖြစ် ခန့်အပ်လိုက်တယ်လို့ ကြေညာခဲ့ပါတယ်။ အစိုးရ နာမည်ကိုလည်း “နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ (SPDC)” လို့ ပြောင်းလဲလိုက် ပါတယ်။ ဒါပေမယ့် အကြံပေးနေရာကိုလည်း မကြာခင်မှာပဲ ရုပ်သိမ်းလိုက်ပြီး အရှိန်အဝါကြီးတဲ့ ဒီ ဝန်ကြီးတွေကို အကျင့်ပျက်ခြစားမှုကြောင့် ထုတ်ပယ်ခံလိုက်ရတယ်ဆိုတာ သိသာထင်ရှားစွာပေါ်လွင် လာပါတယ်။ ရာထူးက ဖယ်ရှားခံရတဲ့သူ အချို့ဟာ နေအိမ်အကျယ်ချုပ် ကျခဲ့ကြတယ်လို့လည်း သိရပါတယ်။ ဗိုလ်ချုပ်မှူးကြီး သန်းရွှေက ဗိုလ်ချုပ်ကြီး မောင်အေးနဲ့ ဒုတိယဗိုလ်ချုပ်ကြီးခင်ညွန့်တို့ ပူးပေါင်း လုပ်ဆောင်ခဲ့တယ်လို့ လေ့လာသုံးသပ်သူတွေက ယူဆကြတဲ့ အာဏာပြောင်းလဲမှုကို အစိုးရအဖွဲ့အတွင်းက တခြားသူတွေကလည်း ဆန့်ကျင်ခြင်းမရှိဘဲ ငြိမ်သက်နေခဲ့ကြပါတယ်။ နောင်တချိန်မှာ သူ့ကို ဒုက္ခပေးလာနိုင်တဲ့ ပြိုင်ဘက်တွေကို ဖယ်ရှားလိုက်နိုင်တဲ့ ဗိုလ်ချုပ်မှူးကြီး သန်းရွှေ အတွက်ကတော့ ဒီအပြောင်းအလဲက အများကြီး အကျိုးဖြစ်စေခဲ့ပါတယ်။

အဲဒီနောက်ပိုင်းမှာတော့ ဗိုလ်ချုပ်မှူးကြီး သန်းရွှေဟာ ဘယ်သူ့ကိုမဆို ရာထူးခန့်ထားနိုင်ခွင့်၊ ထုတ်ပယ်နိုင်ခွင့် ရှိသွားတဲ့အတွက် သူယုံကြည်တဲ့သူတွေကို အရေးပါတဲ့ ထိပ်တန်းနေရာတွေမှာ ခန့်ထားခြင်းအားဖြင့် စစ်ရုံးမှာ သူ့ရဲ့အာဏာကို အခြေခိုင်အောင် စုစည်းနိုင်သွားပါတယ်။ အကြွင်းမဲ့အာဏာကို ပထမဆုံး အကြိမ်အဖြစ် အသုံးချပြီး သူယုံကြည်အားထားတဲ့ အရာရှိတွေဖြစ်တဲ့ ဗိုလ်ချုပ် စိုးဝင်း၊ ဗိုလ်ချုပ် ရွှေမန်း၊ ဗိုလ်ချုပ် သိန်းစိန်နဲ့ ဗိုလ်ချုပ် မြင့်ဆွေတို့ကို အဆင့်မြင့် ရာထူးတွေမှာ ခန့်အပ်လိုက်ပါတယ်။ အရင်က မြင်တောင်မမြင်ရခဲ့တဲ့ ဗိုလ်ချုပ်မှူးကြီး သန်းရွှေရဲ့လက်ဟာ အခုတော့ တက်မကို မြဲမြဲဆုပ်ကိုင်မိသွားပါပြီ။

၁၉၉၇ ခုနှစ်အတွင်း မြန်မာနိုင်ငံမှာ အတက်အကျတွေ အများကြီးကြုံတွေ့ခဲ့ရပါတယ်။ အနောက်အုပ်စု မဟာမိတ်တွေ ဝေဖန်ကြပေမယ့် မြန်မာနိုင်ငံဟာ အာဆီယံအဖွဲ့ဝင် ဖြစ်လာပါတယ်။ သမ္မတ ကလင်တန်ရဲ့ အမေရိကန်အစိုးရက စစ်အစိုးရကို အရေးယူ ဒဏ်ခတ်မှုတွေ ပြုလုပ်ခဲ့ပါတယ်။ နေအိမ်အကျယ်ချုပ် ကျနေဆဲဖြစ်တဲ့ ဗိုလ်ချုပ်မှူးကြီးဟောင်း စောမောင်လည်း အသက် ၆၈ နှစ်အရွယ်မှာ နှလုံးရောဂါနဲ့ ကွယ်လွန်သွားခဲ့ပါတယ်။

၁၉၉၈ ခုနှစ်မှာ စစ်အစိုးရက သူတို့ရဲ့ ပြည်သူ့ စစ်ပွဲမူဝါဒမှာ တန်ပြန်တိုက်ခိုက် ချေမှုန်းရေးနည်းဗျူ ဟာတွေ ပေါင်းစပ်တဲ့အနေနဲ့ ပထမဆုံးအကြိမ်အဖြစ် ကြည်း၊ ရေ၊ လေ စစ်ရေးပူးပေါင်း လေ့ကျင့်မှုတခု ပြုလုပ်ခဲ့ပါတယ်။ ဒီစစ်ရေးလေ့ကျင့်မှုမှာ မီးသတ် တပ်ဖွဲ့၊ မြန်မာနိုင်ငံ ကြက်ခြေနီတပ်ဖွဲ့နဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းတို့ကလည်း အားဖြည့်ပါဝင်ခဲ့ကြရပါတယ်။

နိုင်ငံတော် ကာကွယ်ရေးကိစ္စရပ်များ လေ့လာ သူပညာရှင် မောင်အောင်မျိုးက သူရေးသားခဲ့တဲ့ “တပ်မတော်ကိုတည်ဆောက်ခြင်း” ဆိုတဲ့ စာအုပ်မှာ “နိုင်ငံခြား ကျူးကျော်ဝင်ရောက်မှုများကို ခုခံကာ ကွယ်နိုင်ရန် ရည်ရွယ်ချက်ဖြင့် တန်ပြန်တိုက်ခိုက် ချေမှုန်းရေး လေ့ကျင့်ခန်းများ ပြုလုပ်ခဲ့ခြင်းဖြစ် သည်” လို့ ရေးခဲ့ပါတယ်။ မောင်အောင်မျိုးရဲ့ အဆို အရ စစ်အစိုးရက ဖော်ဆောင်လာတဲ့ ပြည်သူ့စစ်ပွဲ မူဝါဒသစ်ဟာ ပုံမှန်တပ်ဖွဲ့တွေက ကျူးကျော်လာသူ ကို ကမ်းတက်လာတဲ့နေရာမှာဖြစ်စေ၊ လေကြောင်းချီ အဖွဲ့ ဆင်းသက်လာတဲ့ ဒေသမှာဖြစ်စေ ခုခံချေမှုန်းလို့ မအောင်မြင်ခဲ့ဘူးဆိုရင် ခုခံမှုကို ကျေးရွာအဆင့် ကနေစပြီး ဒေသအလိုက်၊ နောက်တော့ တနိုင်ငံလုံး အတိုင်းအတာအထိ စည်းရုံးပြီး ကျူးကျော်တပ်တွေ စိတ်ဓာတ်ရေးရာ ချည့်နဲ့သွားအောင် လုပ်ဆောင်နိုင် ရေးပဲ ဖြစ်ပါတယ်။

ပြည်ပကျူးကျော်တပ်တွေ စိတ်ဓာတ်ကျဆင်း သွားပြီး တပ်တွေပြိုကွဲ၊ စွမ်းဆောင်ရည် အားနည်း လာလို့ စစ်ပန်းသွားတဲ့အချိန်မှာ မြန်မာ့တပ်မတော်က လုံလောက်တဲ့အင်အားစုစည်းမိပြီဖြစ်လို့ ထိုးစစ်ဆင်နွှဲ ချေမှုန်းပြီး ကျူးကျော်လာသူတွေကို မြန်မာ နိုင်ငံထဲက မောင်းထုတ်ဖို့ရည်ရွယ်ပါတယ်။ ဗိုလ်ချုပ်မှူးကြီး သန်းရွှေရဲ့ ထူးခြားဆန်းကြယ်တဲ့ စိတ်ကူးကမ္ဘာထဲမှာတော့ ပြင်ပက ရန်သူတွေဟာ မြန်မာနိုင်ငံထဲကို ကျူးကျော်ဝင်ရောက်ဖို့ အခွင့်ကောင်းကို အမြဲတမ်း စောင့်ဆိုင်းနေကြပါတယ်။ သူ့မှာ ဘာမှမဝေးသေးတဲ့ ကာလတုန်းက အင်္ဂလိပ်နဲ့ ဂျပန် ကျူးကျော် သိမ်းပိုက်ခဲ့တဲ့ နမူနာတွေကလည်း ရှိနေပါတယ်။

၂၀ဝ၂ ခုနှစ်ထဲမှာတော့ ဦးနေဝင်းရဲ့ ပြန်လည်ပေးဆပ်ရမယ့် ကာလဟာ မြန်မာစစ်တပ်ရဲ့ ရိုးရာထုံးတမ်းနဲ့ အညီ ရောက်ရှိလာပါတယ်။ အဲဒီအချိန်အထိ စစ်အစိုးရက “အဘိုးကြီး” ရဲ့ စကားကို နား ထောင်နေရတုန်းပါပဲ။ သူရဲ့ အချစ်ဆုံးသမီးဖြစ်တဲ့ ဒေါ်ခင်စန္ဒာဝင်းကလည်း အရေးပါနေတုန်းပါပဲ။ ဒေါ်ခင်စန္ဒာဝင်းက သူ့ရဲ့ခင်ပွန်းဖြစ်သူ ဦးအေးဇော်ဝင်းနဲ့အတူ တယ်လီဖုန်း ဆက်သွယ်ရေးလုပ်ငန်းမှာ ဝင်ပါနေပါတယ်။ ဦးနေဝင်းရဲ့ အချစ်ဆုံးမြေးတွေ အရွယ်ရောက်လာကြပြီးတော့ ရန်ကုန်မြို့ရဲ့ နေရာတိုင်းမှာ ခြေရှုပ်နေကြပြီး အလွန်အစွမ်းထက်တဲ့ စကော်ပီယံဂိုဏ်းကို တည်ထောင်ခဲ့ပါတယ်။ သူတို့အဖွဲ့ဟာ ၁၉၉၀ နောက်ပိုင်းနှစ်တွေနဲ့ ၂၀ဝ၀ အစော ပိုင်းနှစ်တွေအတွင်း ရာဇဝတ်မှု၊ လူသတ်မှု၊ အုပ်စုဖွဲ့ အကြမ်းဖက်မှု၊ မူးယစ်ဆေးနဲ့ တခြားသော မာဖီးယား ဒုစရိုက်ဂိုဏ်းဆန်တဲ့ ပြစ်မှုတွေကျူးလွန်ခဲ့ကြတယ်လို့လည်း ပြောဆိုစွပ်စွဲမှုတွေ ရှိခဲ့ပါတယ်။

၂၀ဝ၂ ခုနှစ်အတွင်းမှာပဲ ဦးနေဝင်းနဲ့ မိသားစုဝင်တွေဟာ နိုင်ငံတော် အာဏာသိမ်းရန် ကြံစည်မှုနဲ့ စွပ်စွဲခြင်းခံရပါတော့တယ်။ စစ်အစိုးရက ဦးနေဝင်းရဲ့ လုံခြုံရေးအရာရှိတွေကို ဖယ်ရှားလိုက်ပြီး သူနဲ့ သမီးဖြစ်သူ ဒေါ်ခင်စန္ဒာဝင်းကို နေအိမ်အကျယ်ချုပ် ချထားလိုက်ပြီး သမက်ဖြစ်သူနဲ့ ချစ်စွာသော မြေး ကလေးတွေကိုတော့ နှစ်ရှည်ထောင်ဒဏ်တွေချမှတ် လိုက်ပါတယ်။ ၂၀ဝ၂ ခုနှစ် ဒီဇင်ဘာလ ၅ ရက်နေ့ မှာတော့ ဦးနေဝင်း သူ့ရဲ့နေအိမ်မှာပဲ တိတ်ဆိတ်စွာ သေဆုံးသွားခဲ့ပါတယ်။ သူ့ရဲ့အလောင်းကို မိသားစု ဝင်တွေ စောင့်ဆိုင်းနေတဲ့ သုသာန်မှာ ဘာအခမ်းအနားမှ မပါဘဲ သယ်ယူသွားခဲ့ကြပါတယ်။ ပြည်သူကို အသိပေးကြေညာခြင်း မရှိသလို နိုင်ငံတော် ဈာပနလည်း ကျင်းပခြင်း မရှိခဲ့ပါဘူး။

(ဧရာဝတီမဂ္ဂဇင်းတွင် အခန်းဆက်ဖော်ပြခဲ့သော အောင်ဇော်၏ Dictator:A Story of Burma’s Military Rulers ကို နိုင်မင်းသွင် ဆီလျော်အောင် ဘာသာပြန်ဆိုသည်။)

Image may contain: 8 people, people standing

အာဏာရှင်များနှင့် မြန်မာ့တပ်မတော် အပိုင်း (၁၀)

ဗိုလ်သန်းရွှေ အာဏာရှင်ဖြစ်လာခြင်း

ဦးနေဝင်းလည်း မရှိတော့တဲ့အပြင် အတွင်းရေးမှူး (၂) ဒုဗိုလ်ချုပ်ကြီး တင်ဦးကလည်း ၂၀ဝ၁ ခုနှစ်ထဲမှာ ရဟတ်ယာဉ် ပျက်ကျပြီး ကွယ်လွန်သွားပြီးတဲ့နောက် စစ်အစိုးရ ခေါင်းဆောင်တွေထဲမှာ ဗိုလ်ချုပ်မှူးကြီး သန်းရွှေနဲ့ ပခုံးချင်း ယှဉ်နိုင်တဲ့သူဆိုလို့ ဒုဗိုလ်ချုပ်ကြီး ခင်ညွန့်တယောက်ပဲ ကျန်တော့တယ်။

စစ်ထောက်လှမ်းရေးရဲ့ ပြည်သူ့ဆက်ဆံရေး အဖွဲ့တွေကလည်း သူတို့ရဲ့အကြီးအကဲကို အလယ်အလတ် သဘောထားရှိသူ၊ နိုင်ငံတကာ ရေးရာတွေမှာလည်း သူ့လောက် ပညာသင်ကြားခွင့် မရခဲ့သလို နိုင်ငံခြား ခရီးစဉ်တွေလည်း အများကြီး မသွားခဲ့ဖူးတဲ့ ဗိုလ်ချုပ်မှူးကြီး သန်းရွှေ၊ ဗိုလ်ချုပ်ကြီး မောင်အေး တို့ထက်ပိုပြီး တာဝန်ရှိသူအဖြစ် ပုံဖော်ပေးခဲ့ကြတယ်။

နောက်ထပ် ဆိုးတာတခုက စစ်တပ်နဲ့ ထောက်လှမ်းရေးရဲ့ကြားက တင်းမာမှုကလည်း ညှိနှိုင်းစေ့စပ်လို့ မရနိုင်တဲ့ အခြေအနေကို ရောက်နေပြီ။ တိုက်ခိုက်ရေး တပ်မှူးတွေနဲ့ တိုင်းမှူးတွေ အားလုံးက ဗိုလ်ချုပ်မှူးကြီး သန်းရွှေနဲ့ ဗိုလ်ချုပ်ကြီး မောင်အေးတို့ဘက်မှာ ရပ်တည်ကြပါတယ်။ စစ်တပ်ထဲမှာရှိသူ အားလုံးဟာ ထောက်လှမ်းရေးအဖွဲ့ ဖယ်ရှားခံလိုက်ရတာနဲ့ ရှန်ပိန်ပုလင်းဖောက်ပြီး အောင်ပွဲခံရမယ့် အချိန်ကို စောင့်မျှော်နေကြပါတယ်။

အမှန်ကတော့ ဒုဗိုလ်ချုပ်ကြီး ခင်ညွန့်မှာပဲ ထိပ်တန်းတပ်မှူးကြီးတွေရဲ့ ရန်သူလို သဘောထားခံရတဲ့ အန္တရာယ်ရှိနေတာ မဟုတ်ပါဘူး။ ဗိုလ်ချုပ်မှူးကြီး သန်းရွှေရဲ့ ဇနီးဖြစ်တဲ့ ဒေါ်ကြိုင်ကြိုင်ကလည်း ဒုဗိုလ်ချုပ်ကြီး ခင်ညွန့်ရဲ့ ဇနီးဖြစ်တဲ့ ဒေါ်ခင်ဝင်းရွှေ အပေါ် မုန်းတီးစက်ဆုပ်မှုကို ဘယ်တုန်းကမှ ဖုံးကွယ်မထားခဲ့ပါဘူး။ ဆရာဝန် တယောက်လည်းဖြစ်တဲ့ ဒေါ်ခင်ဝင်းရွှေဟာ လူမှုရေးအဖွဲ့အစည်း တော်တော်များများရဲ့ ဥက္ကဋ္ဌအဖြစ်နဲ့ အခမ်းအနားတွေ အမြောက်အမြား တက်ရောက်နေရတဲ့သူပါ။

ဒုဗိုလ်ချုပ်ကြီး ခင်ညွှန့်နဲ့ ဒေါ်ခင်ဝင်းရွှေ တို့ကတော့ ဗိုလ်ချုပ်မှူးကြီး သန်းရွှေတို့ လင်မယားကို အနှစ်မရှိသူတွေ၊ ငြီးငွေ့ဖွယ်ကောင်းပြီး ပညာမတတ်တဲ့ သူတွေလို့ မြင်ကြတယ်။ ဝန်တိုတတ်တဲ့ ဒေါ်ကြိုင်ကြိုင်ကလည်း ဒု ဗိုလ်ချုပ်ကြီး ခင်ညွန့်တို့ လင်မယားနဲ့ ပတ်သက်တဲ့ အတင်းအဖျင်းတွေကို ဗိုလ်ချုပ်မှူးကြီး သန်းရွှေဆီကို ပို့ပေးပြီး ဒေါသတကြီး တိုက်ခိုက်တယ်။ ဒေါ်ခင်ဝင်းရွှေကို တိုက်ခိုက်ဖို့အတွက် လောကီပညာ အောက်လမ်းနည်းတွေကိုတောင် သုံးစွဲခဲ့တယ်လို့ ကောလာဟလတွေ ထွက်ခဲ့တယ်။

၂၀ဝ၃ ခုနှစ်၊ မေလ၊ ဒီပဲယင်း အရေးအခင်း ဖြစ်ပွားခဲ့ပြီး မကြာမီမှာပဲ ဗိုလ်ချုပ်မှူးကြီး သန်းရွှေ က ဗိုလ်ချုပ်ကြီး ခင်ညွန့်ကို ဝန်ကြီးချုပ်အဖြစ် ခန့်အပ်လိုက်တဲ့အခါ သူကျရှုံးတော့မယ်၊ သူ့ကိုယ်သူ ကာကွယ်ဖို့တောင်မှ အင်အားမရှိတော့ဘူးဆိုတာ ထင်ရှားလာပါတယ်။ ဗိုလ်ချုပ်ကြီး ခင်ညွန့်ကို ဗိုလ်ချုပ် မှူးကြီး သန်းရွှေက မလွဲမသွေ ဖယ်ရှားပါတော့မယ်။ ဗိုလ်ချုပ်ကြီး ခင်ညွန့်ရဲ့ လူယုံတယောက်ဖြစ်တဲ့ နိုင်ငံခြားရေးဝန်ကြီး ဦးဝင်းအောင်က သူ့ရဲ့ ဝန်ကြီးချုပ်ဟာ အန္တရာယ်ထဲမှာ ရောက်နေပြီး တိုင်းပြည်ကနေ ထွက်ပြေးဖို့ လိုနေပြီလို့ အာဆီယံ နိုင်ငံခြားရေး ဝန်ကြီးတွေကို ပြောခဲ့တယ်။ ဒါပေမယ့် မြန်မာနိုင်ငံရဲ့ အိမ်နီးချင်းနိုင်ငံတွေက သံတမန်ဆက်ဆံရေး ထိခိုက်ပျက်ပြားမှုတွေ ဖြစ်လာနိုင်တဲ့အတွက် ဗိုလ်ချုပ်ကြီး ခင်ညွန့်ကို လက်မခံရဲကြဘူး။

၂၀ဝ၄ ခုနှစ် အောက်တိုဘာလ ၁၉ ရက်နေ့မှာတော့ ဗိုလ်ချုပ်ကြီး ခင်ညွန့် မန္တလေးက အပြန်မှာ ဖမ်းဆီးထိန်းသိမ်းခြင်း ခံလိုက်ရတယ်။ နောက်နာရီ အနည်းငယ်အတွင်းမှာပဲ သူ့ရဲ့ ထောက်လှမ်းရေး တပ်ဖွဲ့တွေ အားလုံးကို ဝင်ရောက်စီးနင်းခဲ့ပြီး ဖျက်သိမ်းလိုက်တယ်။ ပြန်လည်ခုခံမှု မရှိခဲ့တဲ့ ဒီစစ်ဆင်ရေးကို ဗိုလ်ချုပ်မှူးကြီး သန်းရွှေနဲ့ ဒုတိယ ဗိုလ်ချုပ်မှူးကြီး မောင်အေးတို့က ကြီးကြပ်ကွပ်ကဲခဲ့တယ်။ ဗိုလ်ချုပ်ကြီး ခင်ညွန့်ကို အမိန့်မနာခံမှု၊ အကျင့်ပျက် ခြစားမှုတွေနဲ့ အရေးယူပြီး အင်းစိန်ထောင်ကို ပို့ခဲ့ပါတယ်။

အင်းစိန်ထောင် ရောက်တဲ့အခါ ဒေါ်အောင်ဆန်းစုကြည်ကို ထိန်းသိမ်းဖို့အတွက် သူ့ရဲ့အမိန့်နဲ့ ဆောက်လုပ်ခဲ့တဲ့ ဘန်ဂလိုလေးမှာ ဗိုလ်ချုပ်ကြီး ခင်ညွန့် နေခဲ့ရတယ်။ နောက်တော့ သူ့ကို ဆိုင်းငံ့ထောင်ဒဏ် ၄၄ နှစ် ချမှတ်လိုက်ပြီး နေအိမ်မှာ အကျယ်ချုပ်နဲ့ ထားခဲ့တယ်။ သူ့ကိုဖယ်ရှားလိုက်ပြီးတဲ့နောက် စစ်ထောက်လှမ်းရေး ညွှန်ကြားရေးမှူးရုံးကိုလည်း စစ်ဘက်ရေးရာ လုံခြုံရေးအဖွဲ့လို့ အမည်ပြောင်းလဲလိုက်တယ်။ ကာကွယ်ရေး ဦးစီးချုပ် ဗိုလ်ချုပ်မှူးကြီး သန်းရွှေရဲ့ လက်အောက်ကို အပြည့်အဝ ရောက်ရှိသွားခြင်းလည်း ဖြစ်တယ်။

ဗိုလ်ချုပ်ကြီး ခင်ညွန့်ကို ဖမ်းဆီးထိန်းသိမ်းလိုက် ပြီးတဲ့အခါ ဗိုလ်ချုပ်ကြီး သူရရွှေမန်းနဲ့ ဒုတိယ ဗိုလ်ချုပ်ကြီး စိုးဝင်းတို့က ပြုလုပ်ခဲ့တဲ့ အထူးရှင်းလင်းပွဲမှာ ပြည်တွင်း စီးပွားရေး လုပ်ငန်းရှင်တွေကို ဗိုလ်ချုပ်ကြီး ခင်ညွန့်ကို ဖယ်ရှားရခြင်း အသေးစိတ် တွေနဲ့ စစ်ထောက်လှမ်းရေး အရာရှိတွေရဲ့အကျင့်ပျက် ခြစားမှုတွေအကြောင်းကို ရှင်းပြခဲ့တယ်။

ဥပဒေရဲ့အထက်မှာ ဘယ်သူမှ မရှိဘူးလို့လည်း ကြေညာတယ်။ အစိုးရအနေနဲ့ အကျင့်ပျက် ခြစားမှုရှိတယ်လို့ တွေ့ရှိရတဲ့ မည်သူ့ကိုမဆို အရေးယူသွားမယ်လို့ သူတို့က ဆိုလိုချင်ပုံ ရပါတယ်။ ဒါပေမယ့် ဒီသတိပေးချက်ကို ဘယ်သူကမှ အလေးအနက် မထားကြပါဘူး။ ဗိုလ်ချုပ်မှူးကြီး သန်းရွှေရဲ့ စစ်အစိုးရ ထိပ်ပိုင်းမှာ အကျင့်ပျက်ခြစားမှုနဲ့ လာဘ်ပေးလာဘ်ယူမှုက ကင်ဆာရောဂါလိုပဲ ခိုင်ခိုင်မာမာ ပြန့်ပွား အမြစ်တွယ်နေပါပြီ။ မြန်မာနိုင်ငံသားတွေက တိုင်းပြည်အုပ်ချုပ် နေသူတွေကို လူသတ်သမားတွေ အဖြစ်တောင်မကဘူး သူခိုးတွေ၊ ဓားပြတွေ ဖြစ်နေပြီလို့တောင် ဟာသလုပ်နေကြပြီ ဖြစ်ပါတယ်။

သူ့ရဲ့ ပုဂ္ဂိုလ်ရေး ပြိုင်ဘက်တွေအားလုံး သေတဲ့သူသေ၊ ဘေးရောက်တဲ့သူရောက် ဖြစ်သွားတဲ့အချိန်မှာ ဗိုလ်ချုပ်မှူးကြီး သန်းရွှေက သူ့ရဲ့ ရာထူးတည်မြဲရေး၊ ပြည်တွင်း ဆူပူအုံကြွမှုတွေနဲ့ နိုင်ငံခြားက စစ်ရေးအရ၊ သံတမန်ရေးအရ ကျူးကျော်စွက်ဖက်မှုတွေကို ကာကွယ်တားဆီးနိုင်ရေးဘက်ကို အားစိုက်လာခဲ့တယ်။

၂၀ဝ၆ ခုနှစ်မှာ စစ်အစိုးရက ရန်ကုန်ကနေ နေပြည်တော်ကို မြို့တော်အဖြစ် ပြောင်းရွှေ့ ရုံးစိုက်လိုက်တယ်။ အသစ်တည်ဆောက်လိုက်တဲ့ နေပြည်တော်ဟာ တောတောင်ထူထပ်တဲ့ မြန်မာနိုင်ငံ အလယ်ပိုင်းက ပျဉ်းမနားမြို့နားမှာ တည်ရှိပြီးတော့ ရှမ်းပြည်နယ်၊ ရခိုင်ပြည်နယ်၊ ချင်းပြည်နယ်တွေနဲ့ နီးတယ်။ တိုင်းပြည်ရဲ့ အတွင်းပိုင်းမှာရှိတဲ့ ကွပ်ကဲရေးဌာန အသစ်မှာရှိတဲ့ ဗိုလ်ချုပ်ကြီးတွေက လူထုစစ်ပွဲရဲ့ ကြာရှည် ခုခံတိုက်ခိုက်မှုကြောင့် အားနည်းနေတဲ့ ရန်သူတပ်တွေကို မြန်မာနိုင်ငံအလယ်ပိုင်း တောတောင်တွေထဲကို ဆွဲဆောင်ခေါ်ယူပြီး မြန်မာလက်နက်ကိုင် တပ်ဖွဲ့တွေအနေနဲ့ အလွယ်တကူ ချေမှုန်းလိုက်နိုင်မယ့် အားသာချက်ရှိတယ်လို့ တွေးကြတယ်။

၁၉၆၀ နဲ့ ၇၀ နှစ်တွေမှာ မြန်မာနိုင်ငံရဲ့ ပြင်ပ ရန်သူက မြောက်ဘက်က တရုတ်နိုင်ငံ ဖြစ်ခဲ့တယ်။ ဒါပေမယ့် အခုအချိန်မှာတော့ ဗိုလ်ချုပ်မှူးကြီး သန်းရွှေနဲ့ သူ့ရဲ့တပ်မှူးကြီးတွေက ပြင်ပတိုက်ခိုက် မှုဟာ ရခိုင်ပြည်နယ်ကနေ တဆင့် ကြည်းကြောင်း၊ ရေကြောင်း ပူပေါင်းစစ်ဆင်မှုနဲ့ တောင်ဘက်က ဖြစ်စေ၊ ထိုင်းနိုင်ငံကနေတဆင့် ကရင်ပြည်နယ်ထဲကို မြေပြင်စစ်ဆင်မှုနဲ့ အရှေ့ဘက်ကဖြစ်စေ ဝင်ရောက် လာနိုင်တယ်လို့ ယုံကြည်ခဲ့ကြတယ်။ ဒီလမ်းကြောင်း တခုခုက ဝင်လာရင်၊ ဒါမှမဟုတ် နှစ်ဖက်လုံးကနေ တပြိုင်တည်းလာရင် ရန်ကုန်ဟာ ဖြတ်တောက်ခံရပြီး အင်အားချည့်နဲ့သွားမှာဖြစ်လို့ နိုင်ငံခြား ကျူးကျော် သူတွေလက်ထဲကို ရက်ပိုင်းအတွင်း ကျရောက်သွားနိုင်တယ်။ ဒီလိုအတွေးနဲ့ နေပြည်တော်ကို သူတို့ ရွှေ့ပြောင်းခဲ့ကြတာလည်း ဖြစ်ပါတယ်။

မြန်မာစစ်တပ် အရာရှိတွေလည်း အီရတ်မှာ တိုက်ခိုက်ခဲ့တဲ့ ကန္တာရမုန်တိုင်း စစ်ဆင်ရေး၊ အာဖဂန် စစ်ပွဲနဲ့ ကိုဆိုဗို စစ်ပွဲတွေက ကျူးကျော်ဝင်ရောက်မှု အစီအစဉ်တွေကို အမြောက်အမြား လေ့လာခဲ့ကြတယ်။ အမေရိကန်ရဲ့ နည်းဗျူဟာတွေကို ဦးတည်အလေးပေး လေ့လာခဲ့ကြရတာလည်း ဖြစ်တယ်။ မြန်မာ စစ်ဗိုလ်ချုပ်ကြီးတွေဟာ မြောက်ကိုရီးယားရဲ့ ကာကွယ်ရေး အစီအစဉ်ဖြစ်တဲ့ လိုဏ်ခေါင်း စစ်ပညာကိုလည်း လေ့လာခဲ့ကြတယ်။ တိုးတက်နေတဲ့ ခေတ်သစ် ဗုံးနည်းပညာတွေကြောင့် ဒီဥမင် လိုဏ်ခေါင်းတွေက အလုပ်ဖြစ်မှာ မဟုတ်ဘူးလို့ တရုတ်နိုင်ငံက သတိပေးခဲ့ပေမယ့် စစ်အစိုးရက ၂၀ဝ၀ ပြည့်နှစ် အစောပိုင်းတွေမှာ ဥမင်လိုဏ်ခေါင်း နည်းဗျူဟာကို အကောင်အထည်ဖော်ခဲ့တယ်လို့ စစ်ဘက် သတင်းရင်းမြစ်တွေက အတည်ပြုခဲ့ကြပါတယ်။ ၂၀ဝ၇ ခုနှစ်မှာ မြောက်ကိုရီးယားနဲ့ ဆက်ဆံရေး ပုံမှန်ပြန်ဖြစ်ပြီး နောက်ပိုင်းမှာလည်း ပြုံယမ်းကို ကိုယ်စားလှယ်အဖွဲ့တွေ အမြောက်အမြား စေလွှတ် ခဲ့ပါသေးတယ်။

ဒါပေမယ့် “နေပြည်တော်ခရီး (မြို့တော်ကို ရွှေ့ပြောင်းရန် မြန်မာအစိုးရ၏ ဆုံးဖြတ်ချက်ကို ခံစားကြည့်ခြင်း)” ဆိုတဲ့ စာတမ်းတစောင်မှာ စာတမ်းရှင် မောင်အောင်မျိုးက မြို့တော်ကို ဝေးလံပြီး ခံတပ်အသွင်ဆောင်တဲ့ နေရာကို ဗျူဟာမြောက် ပြောင်းရွှေ့ခဲ့ပေမယ့် မြန်မာနိုင်ငံကို ပြည်ပက တိုက်ခိုက်လာမယ်ဆိုရင် လေ့ကျင့်ရေး၊ စစ်ပွဲအတွေအကြုံနဲ့ စစ်ဆင်ရေး စွမ်းဆောင်ရည် အားနည်းမှုတွေ ရှိနေတဲ့ မြန်မာစစ်တပ်အတွက်တော့ စမ်းသပ်မှု တခုပဲလို့ရေးတယ်။ ဒီအားနည်းချက်တွေက၂၀ဝ၈ ခုနှစ်မှာ သိသာမြင်သာ ဖြစ်ခဲ့တယ်။ နာဂစ်မုန်တိုင်းကြောင့် ဒုက္ခရောက်ရသူတွေကို လူသားချင်းစာနာ ထောက်ထားမှု အကူအညီပေးနိုင်ဖို့ အမေရိကန်၊ ဗြိတိန်နဲ့ ပြင်သစ်က ရေတပ်ကယ်ဆယ်ရေး သင်္ဘောတွေ မြန်မာ့ရေပိုင်နက် အနားကို ရောက်ရှိလာချိန်မှာ ထိပ်တိုက် ရင်ဆိုင်ဖို့အတွက် မြန်မာစစ်တပ်က ကြည်းတပ်၊ ရေတပ်နဲ့ လေတပ်တွေကို ချိန်သားကိုက် မပြုလုပ်နိုင်တာ တွေ့ရတယ်။

ပြင်ပ ခြိမ်းခြောက်မှုတွေနဲ့ အတွင်းက အားနည်းချက်တွေကို သုံးသပ်မိသွားတဲ့ နောက်မှာတော့ ဗိုလ်ချုပ်မှူးကြီး သန်းရွှေနဲ့ သူ့ရဲ့တပ်မှူးကြီးတွေဟာ နိုင်ငံတော် ကာကွယ်ရေး တက္ကသိုလ်မှာ သင်ကြားနေတဲ့ လူထုစစ်ပွဲ ဗျူဟာအစား ခေတ်အခြေအနေနဲ့ ကိုက်ညီတဲ့ လူထုစစ်ပွဲဗျူဟာကို ပြောင်းလဲလိုက်တယ်။ ပြင်ပခြိမ်းခြောက်မှုတွေကို ကိုင်တွယ်ဖြေရှင်းတဲ့နေရာမှာ ပြောက်ကျား စစ်ပညာ၊ ဥမင်လိုဏ်ခေါင်း စစ်ပညာတွေသာမက အွန်လိုင်းဆိုက်ဘာ နည်းပညာနဲ့ သတင်းအချက်အလက် နည်းပညာဆိုင်ရာ စစ် ပညာတွေနဲ့ပါ ပူးပေါင်းဆောင်ရွက်ဖို့ ဖြစ်တယ်။ စစ်လက်နက်ပစ္စည်းတွေ ပိုမိုဝယ်ယူဖို့လည်း ဗိုလ်ချုပ်မှူးကြီး သန်းရွှေက အမိန့်ထုတ်လိုက်တယ်။ သူ့ရဲ့ အမှာစာရင်းထဲမှာ MiG 29 ဂျက် တိုက်လေယာဉ်တွေ၊ စစ်သင်္ဘောတွေ၊ ဒုံးပျံတွေနဲ့ ရေငုပ်သင်္ဘောတွေ ပါဝင်ပါတယ်။ နျူကလီးယားလက်နက် ထုတ်လုပ် နိုင်ရေးအတွက်တောင် သူက အားထုတ်ခဲ့သေးတယ်လို့ ကောလာဟလတွေ ထွက်ခဲ့ပါသေးတယ်။

(ဧရာဝတီမဂ္ဂဇင်းတွင် အခန်းဆက်ဖော်ပြခဲ့သော အောင်ဇော်၏ Dictator:A Story of Burma’s Military Rulers ကို နိုင်မင်းသွင် ဆီလျော်အောင် ဘာသာပြန်ဆိုသည်။)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s