ဦးဝင်းတင်သည် ဦးဝင်းတင်သာဖြစ်၏

Win Aung Gyi

ကျနော်တွေးမိသလို ရေးပါမည် (၂၄၂)
ဝင်းအောင်ကြီး (မောင်အောင်မွန်)
ဦးဝင်းတင်သည် ဦးဝင်းတင်သာဖြစ်၏
(၁)
ကျနော်ဟာ ဆင်းရဲသား တောသားမို့ မီးသွေးခဲနဲ့သာသွားတိုက်ခဲ့ရလို့ သွားတွေကမကောင်းပါ၊သွား နှုတ်ရဖို့ဆို ကြောက်လည်းနာလည်းနာတယ်။ စစ်ထောက်လှမ်းရေးရဲ့ ညှင်းပန်းနှိပ်စက်ခံရလို့ သွားအကောင်းတွေ အားလုံးကျွတ်ထွက်ကုန်တဲ့ ဦးဝင်းတင်အတွက်တော့ ရင်လည်းနာစိတ်လည်းနာနာနဲ့ ရေးရတော့မယ်။ ငယ်ငယ်က ပဒေသာမဂ္ဂဇင်းထဲမှာ ဖတ်ခဲ့ရတဲ့ ၀င်းဆွေရဲ့ကဗျာတွေ၊ ၁၉၅၃ ခု၊ ရန်ကုန်တက္ကသိုလ်ရောက်လာတော့ နှစ်လည်မဂ္ဂဇင်းထဲက၀င်းတင်ရေးတဲ့ မြန်မာပြည်မှာ သတင်းစာအတတ်သင်ကျောင်းရှိသင့် ဆိုတဲ့ ဆောင်းပါးဖတ်ရတယ်။ ရန်ုကုန်မှာ ပန်းချီပြပွဲရှိတိုင်း ကြေးမုံသတင်းစာထဲက ပေါ်သစ် ရဲ့ဝေဖန်ချက် စောင့်ဖတ်ပြီး သွားကြည့်တော့မှ နားလည်အရသာခံလာတတ်တာပါ။

Image may contain: 1 person, eyeglasses

Image may contain: 1 person

Image may contain: one or more people, people sitting and indoor

ပေါ်သစ် ရဲ့ အလှရှာတော်ပုံ စာအုပ်ကြောင့် ကမ္ဘာ့ပန်ချီနဲ့ ရင်းနှီးလာကာ ၁၉၆၈ ခု၊ဧပြီလက ပါရီရောက်တဲ့အခါ မိုနာလီဇာ ပန်းချီကားကိုကြည့်တတ်လာတယ်။ ကဗျာဆရာ ၀င်းဆွေ၊ဆောင်းပါးရှင် ၀င်းတင်၊ ကမ္ဘာကျော်စာအုပ်တွေ ဘာသာပြန်ခဲ့သူ စာရေးဆရာ ၀င်းတင် ပန်းချီသုတေသီ ပေါ်သစ် အားလုံးဟာ ဟံသာဝတီ ဦးဝင်းတင်လို့သာ လူသိများနေတဲ့ သတင်းစာဆရာကြီးပါ။
ဟံသာဝတီ ဦးဝင်းတင်ဆိုတာထက် ပိုသိသူဘယ်နှစ်ယော်ရှိသလဲ။

Image may contain: text
(၂)
ဟံသာဝတီသတင်းစာ၊ NLD တို့ထက်စောစွာ ဟိုပဝေသဏီကတည်း နာမည်တလုံးနဲ့ နေရာရထားပြီးသူ အကြောင်း သိသလောက်ရေးရင် စာအုပ်အတွဲလိုက်ဖြစ်သွားမှာမို့၊ ကောက်နှုတ်ကာ အပြေးအလွှားသာ တတ်နိုင်မှာပါ။ ဦးဝင်းတင်နဲ့ ခင်မင်ပေါင်းသင်းလာခဲ့တာကလည်း နှစ် ၅၀ လောက်ရှိပြီကိုး။
သူ့ဆီကကူးလာတဲ့ပိုးနဲ့ ကျနော်သတင်းသမားဖြစ်လာခဲ့ရပြီ။ သူ့ရဲ့လမ်းသစ်ရိပ်သာအိမ်က ဗုဒ္ဓဟူးနေ့မနက် စကားဝိုင်းမှာ တက္ကသိုလ်ထင်ကြီး၊ မြသန်းတင့်၊ မောင်နေ၀င်း၊ ချစ်သိန်းဦး (CTO)၊မောင်ဝံသ၊ ကိုမောင်မောင်ခင် စသူတို့ ဆွးနွေးကြတဲ့ထဲ ပါဝင်ခွင့်ရခဲ့တယ်။ ၁၉၆၈ ခု၊ ဦးဝင်တင် ကြေးမုံမှာ အမှုဆောင် အယ်ဒီတာလုပ်နေစဉ် ညတိုင်းလိုလို သွားမေးတာတွေ သူပြောပြလို့၊ သိသင့်တာတွေသင်ပေးလို့ စသဖြင့်မကုန်နိုင်။ အချိန်ရတဲ့အခါ သတင်းတပုဒ်ဖြစ်လာဖို့ ဖြစ်ရပ်များ (Events) ဆက်စပ်တတ်အောင် ဥပမာပြသင်ပေးခဲ့တာ သတင်းသမား ၀င်းအောင်ကြီးအတွက် နည်းတဲ့ကျေးဇူးမဟုတ်ဘူး။
သတင်းစာ၊ ဂျာနယ်၊ သတင်းအေဂျင်စီ တဒါဇင်ကျော်မှာ အယ်ဒီတာလုပ်ဖူးခဲ့သူ ဦးဝင်းတင်အဖို့ မြန်မာပြည်ရဲ့ သတင်းစာရွှေခေတ် နေ၀င်ချိန်လို့ခေါ်ရမည့်ကာလ ၁၉၆၉ ခု၊လောက်မှာ အခွင့်အလမ်းတခု ပေါ်လာတယ်။ ပြည်သူပိုင်သိမ်းထားတဲ့ ဟံသာဝတီသတင်းစာ မန္တလေးမှာ ပြောင်းထုတ်တဲ့အခါမှာ အယ်ဒီတာချုပ် တာဝန်ယူဖို့ ဦးနေ၀င်းဆီက ကမ်းလှမ်းလာတာပါ။ မဆလ ခေတ်မှာ စာရေးဆရာ၊ သတင်းစာဆရာ သက်သက် ဦးဝင်တင်ဟာ ပါတီဝင်မဟုတ်ဘူး။ ဦးဝင်တင်နဲ့ ဦးနေ၀င်းတို့ကြား သဘောတူညီမှုရဲ့ လိုအပ်ချက်အရ သူချက်ချင်း တင်းပြည့်ပါတီဝင်၊ ဟံသာဝတီသတင်းစာ အယ်ဒီတာချုပ် ဖြစ်လာရပုံ ကိုယ်တိုင်ကျနော့ကို ပြောပြဖူးပါတယ်။
၁၉၇၈ ခု၊ အပိတ်ခံရချိန်အထိ မန္တလေး ဟံသာဝတီဟာ ကျနော်တို့လို သတင်းစာငတ်နေကြသူတွေ အတွက်တော့ ကျေနပ်အားရစရာလို့သာ ဆိုရပါ့မယ်။ စိတ်ထင်ရာ ဘာမဆိုလုပ်ချင်တိုင်း လုပ်နေတဲ့ ဦးနေ၀င်းရဲ့ လေးစားမှုရထားလို့လည်း ဦးဝင်တင်က ဟံသာဝတီကို ကျန်သတင်းစာတွေထက် ပိုမိုလွတ်လပ်စွာ လုပ်ဆောင်နိုင်တယ်လို့ တွက်နိုင်ပါလိမ့်မည်။
(၃)
ကျနော် မြန်မာ့အသံက ထွက်လိုက်ပြီး၊ နိုင်ငံခြားသတင်းထောက် အဖြစ်ကလည်းပြုတ်၊ဘာလုပ်ရမှန်းမသိမို့ ဦးဝင်တင်ထံ မရောက်ဖြစ်။ ပန်းဆိုးတန်း လမ်းဘေးစာအုပ်အဟောင်ဆိုင်မှာ သွားဆုံကြတော့ “ စိတ်ဓာတ်ကျရင် လူတွေကြားနေရမယ်” လို့ ပြောပြ အားပေး၊ သင်္ဘောသီးမှည့် ၀ယ်ကျွေးတာ ခုထိမှတ်နေသေးတယ်။ကျနော်ဖတ်ကြည့်ဖို့ သူ့စာအုပ်တွေထဲက ရှာဖွေကာ ငှါးလိုက်သေးတယ်။ ဟော ခုတော့ သူ ထောင်ထဲ နှစ် ၂၀ လောက်တိုက်ပိတ်ခံခဲ့ရပုံ ဘာလဲဟဲ့လူ့ငရဲ ထဲမှာဖတ်ရပြီ။ စာမဖတ်ရရင် စာမရေးရရင် မနေတတ်တဲ့ ဦးဝင်းတင် အဲဒီအခြေအနေမှာ ကြိုးပန်းပုံက အံ့မခန်းပါ။ သွားအကောင်းတွေ အကုန်လုံးကျွတ်ထွက်ကုန် ပါးရိုက်ခံရလောက်အောင် ဘယ်လိုပြစ်မှုမျိုး ကျူးလွန်ခဲ့လို့လဲ၊ ဒါပေမယ့် သူ့ကိုလူတွေကချစ်ကြလို့ သူ့အတွက်လုပ်ချင်ရင် ကူညီသူတွေအဆင်သင့်။
အဲဒီထဲ ကျနော်လည်း ပါသပေါ့။
ဥပမာ ဗိုလ်ချုပ်ကြီးမောင်အေး သောက်တဲ့ဆေးမို့ ပိတ်ထားတဲ့ မင်္ဂလာဒုံလေဆိပ်မှာ ရှာဖွေဖမ်းဆီးတဲ့ ကမ္ဘာကျော် Centrum အားဆေး ထောင်ထဲက ဦးဝင်းထံပို့ပေးပုံကိုကြည့်။ ကျနော်နေတဲ့ ၀ါရှင်တန်ဒီစီ မှာ၊ မြန်မာသံရုံး၊စစ်သံမှူးရုံးတို့ရှိတာမို့ လျှို့ဝှက်လမ်းကနေ၊ ရန်ကုန်မြို့ထဲကိုရောက်သွားပြီ။ နောက်အဆင့်ဆင့်နဲ့ သူလက်အောက် မန္တလေးဟံသာဝတီမှာလည်း အတူလုပ်ဖူးသူ ကိုရဲထွဋ် (ဗိုလ်တထောင်) ဆီရောက်သွားပြီ။ အဲဒီအချိန် ကိုအုန်းထွန်း မဟုတ်တော့ဘဲ ထောင်ဝင်စာသွားတွေ့နေသူက ကိုမောင်မောင်ခင်ဖြစ်နေပြီ။ သူဆုံနေကျ ကိုစိန်ဝင်း(လူထု)အိမ်မှာ ကိုရဲထွဋ်ပို့ထားတဲ့ Centrum အားဆေးက အသင့်စောင့်နေပြီ။
နောက်တော့ ကိုမောင်မောင်ခင်လာယူကာ ထောင်ထဲပို့၊ ဒီလိုနဲ့ သူသောက်ခဲ့ရတယ်။ ၀မ်းသာပီတိဖြစ်ရသလို စစ်ထောက်လှမ်းရေးဘေး သတင်းသမားအချင်းချင်း စိတ်ထားနဲ့ စွန့်စားမှုအတွက်လည်း ဂုဏ်ယူစရာ မဟုတ်ပါလား။
(၄)
ကျနော် ဘန်ကောက်မှာသတင်းထောက်လုပ်နေစဉ် ကိုခင်သန်း(DVB)ထံက ထောင်တွင်း သံတိုင်ကြား အပြင်ကိုမျှော်ကြည့်နေတဲ့ ဓာတ်ပုံနဲ့ ABSDF ရဲ့ ဒေါင်းအိုးဝေမှာ ယုံကြည်ချက်ကြောင့် အကျဉ်းချခံရသူ ဆောင်းပါး ရေးနိုင်ခဲ့တာဟာ၊ နောက်ပိုင်း ၀ါရှင်တန်ရောက်လာတော့ VOA ကနေ ဦးဝင်းတင်ဂုဏ်ပြုအစီအစဉ် ထုတ်လွှင့်ပေးခဲ့လို့ရနိုင်ခဲ့တာတွေဟာ ကျနော့ကြိုးပမ်မှုထက် ဦးဝင်းတင်ရဲ့မျက်နှာကြောင့်ပါ။ လူကိုမသိ သူ့စာကိုသိ၊ လူကိုလည်းမသိ စာကိုလည်းမသိ ဦးဝင်းတင် ဆိုတာနဲ့ပင် လူတွေကခင်ပြီးသားဖြစ်နေတာလေ။
ဦးဝင်းတင်ဟာ ဆရာကြီးသခင်ကိုယ်တော်မှိုင်းရဲ့စာတွေနှစ်သက်မယ်၊ ဂျာနယ်ကျော်ဦးချစ်မောင်ကို အားကျမယ်၊ မြန်မာ့အလင်း ဦးတင်ကို သဘောကျမယ်၊ လူထုဒေါ်အမာကိုလည်း လေးစားမယ်၊ဒါပေမယ့် ကျနော့အမြင်မှာတော့ ဘယ်သူရဲ့သြဇာခံမှမဟုတ် ဆိုတာအခိုင်အမာပြောရဲတယ်။
ကျနော့်ကို ညီငယ်တစ်ယောက်လို ချစ်ခင်လို့ ဘာမဆိုပွင့်ပွင့်လင်းလင်း ပြောဆိုမြဲမို့ သူပြောဖူးတာ တစ်သက်မမေ့နိုင်။ ဦးဝင်းတင်ပြောပုံကြည့်၊ “ သူတပါးထီးရိပ်ခို ဘယ်တော့မှ ကပ်မဆောင်းနဲ့၊ အဲဒီထီးမှားနေရင် ကိုယ်လည်းလောင်းရိပ်မိသွားရော၊ ဘယ်နေရာကမဆို ယူသင့်ယူ တုသင့်တု၊ ဒါပေမယ့် As a writer you must be yourself “ သူ့ကိုယ်ပိုင်စကားပါ။နှစ်ယာက်ချင်းဆို အင်္ဂလိပ်လိုညှပ်ပြောနေကျ။ ပိုတိကျပိုမှတ်မိအောင်လေ။
(၅)
သူ့ကျောက်ကပ်ပျက်လို့ ကွယ်လွန်ခါနီး ချောကလက်ပေးတဲ့ကိစ္စ။
ကျနော်ဘ၀င်မကျပါ။ ဦးဝင်းတင် သင်ပေးခဲ့တဲ့ ဖြစ်ရပ်များ (Events) ဆက်စပ်ကြည့်တဲ့နည်းနဲ့ လေ့လာကြပါစို့။ သူထောင်ကလွတ်လာတဲ့နေ့ အင်းစိန်က ကိုမောင်မောင်ခင်အိမ်သို့ တယ်လီဖုန်းဆက် စကားပြောကြရင်းဦးဝင်းတင်ပြောပြပုံ နားထောင်ကြည့်၊ “ ပန်းကန်ပြားထဲ ဘာတွေဆိုတာ၊ မကြည့် မသိ၊ နောက်တနေ့ အသက်ရှင်ရေး၊ ရောမွှေစားပစ်လိုက်တယ်” လို့ပြောသူဟာ ရေမျိုချဖို့ခက်နေချိန် ချောကလက် သတိရနိုင်ပါ့မလား၊ ချောကလက်ကိုမေးပါ့မလား၊ ချောကလက်ပေးခိုင်းပါ့မလား၊ ကျနော်ဟာ ဦးဝင်းတင်ရဲ့ အနားမှာလည်းမရှိ ကိုယ်တိုင်လည်း မကြားတာမို့ အတည်မပြုနိုင်လို့သာ သတင်းသမားလေသံနဲ့ မေးရ တွေးရ ရေးလိုက်ပါရစေ။
(၆)
ကျနော်တို့တသက် မဆလ လက်ဝကွက်ထားစဉ် ၁၉၈၈ ခု၊ အရေးအခင်းက မွေးပေးလိုက်တဲ့ အပြောင်းအလဲထဲ၊ သတင်းစာဆရာကြီး ဦးဝင်တင် နိုင်ငံရေးသမားတပိုင်းဖြစ်ကာ NLD ထောင်ရာမှာပါခဲ့ရ၊ သူထောင်ထဲဝင်သွားရစဉ်၊ ကျနော်လည်း တောမှာသွားရှောင်ရ၊ ဘ၀ပျက်ရ အာဟာရချို့တဲ့ရနဲ့ –နောက်ဆုံး ပြည်ပရောက် တသက်ပြန်မတွေ့ကြလို့ ထင်မှတ်ထားရာက ဦးသိန်းစိန်လက်ထက် အပြောင်းအလဲရှိလာပြန်ပြီ။ ကျနော်လည်း မြန်မာပြည်ဝင်ခွင့် visa ရလို့ ရန်ကုန်ရောက်သွားပြီ။
၂၀၁၃ ခု၊ ဖေဖော်ဝါရီလ ကျောက်ကုန်းက ကိုအုန်းထွန်းအိမ်မှာ ကိုရဲထွဋ် ပို့လို့ ပြန်ဆုံခွင့်ရလိုက်တော့ လေးယောက်သား ပွင့်လင်းလွတ်စွာ ပြောကြဆိုကြတဲ့ထဲ—၊
စောစောပိုင်းတုန်းကလို၊ သတင်းအတတ်ပညာ၊ ပန်းချီ၊စာပေ၊ ခရီးသွားမှတ်တမ်း စတာတွေ ပြန်ရေးဖို့အချိန်ပေးသင့်ကြောင်း အကြံပေးတော့ သူစိတ်ဝင်စားလာပြီ။ အချင်းချင်း ရဲတင်းပွင့်လင်းစွာ ပြောဆိုကြဖို့ အမြဲအားပေးတိုက်တွန်းသူ ဦးဝင်းတင်အား “ For the rest of your life , NLD အတွက်ပဲ လုပ်သွားတော့မှာလား“ ဟုမေးဖြစ်သွားပြီ။ သူဘယ်လိုဖြေမလဲ ကျနော်တို့ သုံးယောက်စောင့်နေကြပြီ။ ခဏငြိမ်နေပြီးမှ အေးဗျာ၊ မေးထိုက်တဲ့မေးခွန်း စဉ်းစားသင့်တဲ့ကိစ္စပါ၊ သိကြတဲ့အတိုင်း ကိုယ်စထားခဲ့ဆိုတော့—၊ တခြားဧည့်သည်များဝင်လာကြောင့် စကားရပ်လိုက်ရတယ်။ စကားဆက်ဖို့ ထပ်ချိန်းပေမယ့် ပြန်မဆုံဖြစ်တော့ဘူး။
အပြန်ကားပေါ်မှာ ဦးရဲထွဋ်က ကျနော့အား ခင်ဗျားအဲဒီလိုမေးလိုက်တော့ ပညာအုပ်ကြီး (ဦးဝင်းတင်ကို သူတို့အခေါ်) အတော်တုံလှုပ်သွားတယ်၊ ပြောချင်နေပုံလည်းရတယ် စသဖြင့်ပြောလာခဲ့တယ်။
(၇)
ဦးဝင်းတင်နဲ့နီးကပ်ခဲ့ပုံ ပြန်ရေးရင်း အမြတ်မထုတ်၊ သူ့ဆီကရထားတဲ့အမြတ်တွေက ကျနော့အတွက် ဆယ်သက် သုံးမကုန်မို့ပါ။
ဦးနဝေင်းက သူနဲ့စကားထိုင်ပြောနေစဉ်၊ မကြားရလောက်တဲ့ ခပ်လှန်းလှန်းက တိုင်းမှူး ဗိုလ်မှူးချုပ်စိန်လွင် မတ်တတ်ရပ်နေရာပုံကိုကြည့်၊ သူဘာတောင်းခဲ့သလဲ၊ ဘာယူခဲ့သလဲ၊ တိုက် မြေကွက် ပုံနှိပ်စက်၊ ဘာတောင်းတောင်း ရနိုင်တယ်ဆိုတာ သူတို့နှစ်ယောက်သာမက လူတကာအသိ။ တောင်းဖို့ဝေးလို့ တောင်းဖို့ပင် ဦးဝင်းတင် တွေးမိပါလေစ။
အယ်ဒီပေါက်စလေးဘ၀ ရတဲ့လစာနဲ့ ကလေးတွေကို ပညာသင်ပေးနေကျမို့ မထူးဆန်းဘူး။ တကိုယ်ရေ တကာယသမားမို့ အပေါင်းအသင်း သတင်းသမား စာသမားများသာ သူ့မိသားစု၊ လူတွေကသူ့ကိုချစ် သူကလူတွေက သူ့ကိုချစ်၊ အဲဒါဦးဝင်းတင်ပါ။စာဖတ်သူများ တွေးကြည့်ကြဖို့–၊
သူပြောဖူးထာလေး နောက်တစ်ခုခေါင်းထဲဝင်လာပြန်ပြီ။
“ လူတယောက် ကိုကြည့်တဲ့အခါ၊ တခြားလူတွေနဲ့ ယှဉ်ကြည့်၊ တွဲကြည့်၊ ခွဲကြည့်၊ ပြီတော့မှ အဲဒီလူကို ကွက်ပြီးသေသေချာချာထပ်ကြည့်၊ ကိုအောင်မွန်ရေ ကြည့်တတ်ရင် အဲဒီလူဗိုက်ထဲ အူဘယ်နှခွေရှိသလဲဆိုတာ မြင်နိုင်တယ်ဗျ” အဲဒါကြောင့် Win Tin is just himself and selfless ဦးဝင်းတင်သည် ဦးဝင်းတင်သာဖြစ်၏ လို့ဆိုလိုက်ရကြောင်းပါ။
၂၀၁၇ ခု၊ဧပြီလ ၂၁ ရက် ( ဦးဝင်းတင်ကွယ်လွန်တတိယနှစ်လည်နေ့)

မြန်မာသတင်း added 2 new photos.

သတင်းစာဆရာ၊ စာရေးဆရာကြီး ဟံသာဝတီ ဦးဝင်းတင်၏ ကွယ်လွန်ခြင်း သုံးနှစ်ပြည့်အောက်မေ့ဖွယ် ဂုဏ်ပြုအခမ်းအနားသို့ ဖိတ်စာပါအစီအစဉ်အတိုင်း တက်ရောက်နိုင်ပါရန်
လေးစားစွာဖိတ်ကြားအပ်ပါသည်။

အဆိုပါနေ့အခမ်းအနားတွင် “အပြာရောင်ဝတ်လှုပ်ရှားမှု” ကို အစီအစဉ်တစ်ရပ်အနေဖြင့် ပြုလုပ်ရန်စီစဉ်ထားပါသည်။
အဆိုပါအစီအစဉ်ကို ဆရာကြီးအားလေးစားဂုဏ်ပြုသောအားဖြင့်လည်းကောင်း၊ နိုင်ငံရေးအကျဉ်းသားအားလုံး ခြွင်းချက်မရှိ လွတ်မြောက်ရေးအတွက်သော် လည်းကောင်း၊ ရည်ရွယ်၍ အပြာရောင်အင်္ကျီများဝတ်ဆင်ပြီး “အပြာရောင်ဝတ်လှုပ်ရှားမှု” အဖြစ်ပုံဖော်ကာ ဆရာကြီးကွယ်လွန်ခြင်း (၃) နှစ်ပြည့် ဂုဏ်ပြုအမှတ်တရအဖြစ်
ကျွန်ုပ်တို့နှင့်အတူ ပူးပေါင်းပါဝင် တက်ရောက်လှုပ်ရှားပေးကြပါရန် တိုက်တွန်းနိုးဆော်အပ်ပါသည်။

Advertisements

One thought on “ဦးဝင်းတင်သည် ဦးဝင်းတင်သာဖြစ်၏

  1. Maung Zarni with Khin Maungoo and 24 others.
    33 mins ·

    Do you know that Myanmar military leaders jailed the late U Win Tin, one of the country’s top dissident leaders for letting his assistant use his landline to call a doctor for abortion advice?!!
    Dr Htay Kywe, my uncle (my mother’s younger first cousin), was serving as the medical superintendent of South or North Okkalapa General Hospital in Rangoon at the time of U Win Tin’s arrest.
    My uncle, U Win Tin and NLD activist U Soe Thein were arrested the same day – in the same case.
    Because there was nothing to charge U Win Tin, Khin Nyunt’s Military Intelligence what it framed as a breach of law by U Win Tin: his assistant U Soe Thein used U Win Tin’s landline to call his friend – Dr Htay Kywe – to get medical advice and help to abort the pregnancy of his (Soe Thein’s) girlfriend. The MI had by then put my uncle on their watch list because he was known to be sympathetic to 1988 student demonstrators in Rangoon area who came to his hospital for medical treatment.
    When U Soe Thein made that call to my uncle, who in turn made a referral to a junior doctor colleague who would perform the abortion.
    Khin Nyunt’s intelligence which was tapping both U Win Tin’s and my uncle’s landlines, pounced. They killed 3 birds with a single stone, by using the illegal abortion case. U Win Tin was tried and found “guilty” of aiding and abetting in an illegal act, and so was my uncle.
    I don’t know how many years the initial sentence was for U Win Tin. But Dr Htay Kywe was sentenced to 10 years. But his father was a retired senior military officer, who could access some ranking generals in Saw Maung’s cabinet. So, the old man secured the early release for his son, Dr Htay Kywe, after a year or two.
    U Win Tin, on the other hand, was made to suffer all kinds of brutal acts, including long years in solitary confinement.
    U Win Tin was considered the most solid, principled leader of the camp that was known as “intellectuals”. {The other camp was made up of ex-military officers including ex-brigadier Aung Gyi (former 2nd in command under Ne Win), ex-colonel Kyi Maung, ex-Colonel Maung Lwin, ex-general Tin Oo, etc.}
    But U Win Tin was not a saint: sadly, he held anti-Muslim racist views, particularly on Rohingya.
    ZARNI
    P.S. U Hpoe Than Gyaung, the White Flag communist author of this Burmese language article in memory/honour of the late U Win Tin was in Mandalay jail, with my other uncle (now deceased), the late Saya U Cho (a Red Flag communist student activist)! Their jailer was my friend Zaw Min’s uncle, the late Major Ba Hman of Mandalay Military Intelligence.
    Politics in Burma is a family affair, or so it feels.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s