ဆရာမောင်သော်က

Win Aung Gyi

ကျနော်တွေးမိသလို ရေးပါမည် (၂၆၁)
မောင်အောင်မွန်
ဆရာမောင်သော်ကအား အရက်ဖယ်၍ လေ့လာကြည့်ခြင်း
(၁)
စာရေးဆရာ မောင်သော်ကနှင့် ကိုမင်းရှင်က မိတ်ဆက်ပေးချိန် သုံးယောက်စလုံး ပြန်ကြားရေးဝန်ကြီး ဌာနတွင်းက အမှုထမ်းများပါ။ သို့သော်လည်း လုပ်ငန်းနှင့် သက်ဆိုင်ခြင်းမရှိ၊ စာရေးဆရာချင်း သဘောဆောင်သမို့ ကျနော်က မြန်မာ့အသံမှ စက်မှုလက်ထောက်၊ သူက ရှေ့သို့စာစောင် အယ်ဒီတာချုပ် အငြိမ်းစား ရေတပ်ဗိုလ်မှူး ဘသော် မှန်းမသိ။ စာအကြောင်းများသာ ပြောဖြစ်ကြ၏။

No automatic alt text available.

ရှုမ၀မဂ္ဂဇင်းတွင် ၀တ္ထုတိုများရေးသူ မောင်အောင်မွန် ဟု ဆရာမင်းရှင်ပြောချိန် သူကဖတ်ဖူးနေပြီ။ ကျနော်ကြိုက်သော မောင်သော်က စာတွေဖတ်ခဲ့ပုံ အထူးပြောစရာလိုမည်မထင်ပါ။
ပြန်-သံ ဦးစီးဌာနရယ်လို့ ဖြစ်လာသောအခါ အစည်းအဝေးလာတက်၍ မြန်မာ့အသံ၌ဆုံဖြစ်သည်။ ရာထူးအဆင့်ချင်း များစွာကွာသော်ငြားလည်း အယ်ဒီတာနှင့် စာရေးသူဟူ၍ ဖြစ်လာရပြန်၏။ မောင်သော်ကမျက်နှာကြောင့် “ရှက်လိုကရှက် ပြင်ချင်လျှင်ပြင်” ၀တ္ထုရှေ့သို့အတွက်ရေးးပေးလိုက်ရ၏။
(၂)
“သတင်းဂျာနယ်” ရပ်လိုက်ရ၍ “သောင်းပြောင်းထွေလာ” ထုတ်နေသူ အထောက်တော်လှအောင်၏ ညနေ၀ိုင်း၌ ဇ၀န၊ မောင်သော်က၊ မောင်ကိုယု၊ လင်းယုန်မောင်မောင်၊ ဦးသော် စသူတို့နှင့်အတူ ကျနော်လည်း ၀င်ပါခွင့်ရလိုက်၏။ ဘိုဘိုဟန်ဆိုသော သီချင်းတပုဒ်အကြောင်းရောက်သွားရာ၊ မူလတေးသွားမှာ ဥဇဘက်မှ ဓမ္မတေးဖြစ်ကြောင်း၊ စစ်ကြိုခေတ်က မြန်မာရုပ်ရှင်ကားတွင်လည်း ဘတင့်နှင့်မောင်မောင်အေးဆိုပုံ အမူအရာနှင့်ဆိုပြရာ အားလုံးပါးစပ်ဟောင်းလောင်း ငေးပြီးနားထောင်ခဲ့ပုံ ဤဆောင်းပါးရေးချိန်မှာပင် ကျနော်မြင်နေသေးသည်။
သည်လိုနှင့်ပင် မောင်သော်က ရေးသားသောစာပေထဲ နိုင်ငံခြားကဗျာလည်း ပါကြောင်းသိလာကြပြီ။
ကဗျာရွတ်ခြင်းကို နှစ်သက်ခုံမင်သူမို့ မောင်သော်က လှုံ့ဆော်အားပေးသည်။ ကန်တော်လေး ဓမ္မဗိမာန်တွင် “အိုမာခရမ်း” ကဗျာများအကြောင်း ရှင်းလင်းဟောပြော ရွတ်ဆိုပြပွဲကို ကြုံလိုက်သူများသိမည်။ စာပေဟောပြောပွဲများတွင်လည်း အလျင်းသင့်လျှင်သင့်သလို ရွတ်ပြတတ်ကြောင်း ကိုအောင်သင်းကပြော၏။ ကြည့်မြင်တိုင် ပန်းပင်ကြီးလမ်း သူ့အိမ်တွင်ကိုမြသန်းတင့်နှင့် ကျနော်ပါ ၄ ယောက်၏ မကြာဏ စကားဝိုင်းဖွဲ့ တွေ့ဆုံစဉ်ကြားရသည့်ပြင် မေးမြန်းဆွေးနွေးခွင့်လည်း ရလိုက်ပြန်သည်။

(၃)
၁၉၈၈ ခု၊ အထောက်တော်လှအောင် ဦးစီးပိုင်ဆိုင်သော “သတင်းမဂ္ဂဇင်း” တွင် ဆုံကြပြန်ပြီ။
ပင်တိုင်ဆောင်းပါးရှင်များဖြစ်ကြသော ဦးဝင်းတင်၊ မောင်သော်က၊ ဦးကိုယု၊ ဦးချမ်းအေး စသူတို့
စာမူပေးရင်း တိုက်သို့မကြာခဏ ၀င်လေ့ရှိကြသည်။ ကျနော်လည်း နိုင်ငံခြားရေးရာ အယ်ဒီတာဖြစ်နေ၏။ ၁၉၇၀ ခု၊ နှစ်ကကျနော်နှင့်လက်ထပ်သူ၏ဖခင်သည် မောင်သော်က နှင့်ညီအစ်ကိုဝမ်းကွဲမို့ ဆွေမျိုးဖြစ်ပြီ။ ပုသိမ်လမ်း ကျနော့်အိမ်တွင် Radiogram ကြီးရှိဆဲမို့ သူမကြာခဏ၀င်လာကာ ဓာတ်ပြားတွေထဲ Classic များရွေး ငြိမ်သက်စွာ အရသာခံ နာထောင်ကတည်းက မောင်သော်က ဂီတနည်းလည်ပုံကို ပိုသိရပြန်သည်။
၈-၈-၈၈ အရေးတော်ပုံကြီးပေါ်လာပြီ။
မဆလ ကိုမယုံကြည်သော်လည်း တပ်မတော်အရာရှိမို့ တာဝန်အရလုပ်နေခဲ့ရသူတို့လည်း လမ်းပေါ်ထွက်ကြသည့်ထဲ ဗိုလ်မှူးဘသော်က သူတကာထက်ပို၏။ သတင်းစာဆရာများသမဂ္ဂကို မောင်သော်ကဦးဆောင်၏။ ရေတပ်ကရဲဘော်များ ပါဝင်လာကြဖို့ စာရေးနှိုးဆော်၏။ ဒေါ်အောင်ဆန်းစုကြည် ဆန္ဒပြလူထုနှင့်တွေ့ဆုံရေး မောင်သော်က စီစဉ်ပေးသည်။
NLD (အမျိုးသားဒီမိုကရေစီ အဖွဲ့ချုပ်) တည်ထောင်ရာ၌လည်း ပါဝင်ခဲ့၏။
အရေးအခင်းကြီး ဖြိုခွင်းခံရပြီးနောက် သူ့အကျဉ်းချခံရ၊ ညှင်းပန်းနှိပ်စက်ခံရနှင့်သေဆုံးရသည်။
(၄)
၁၀၃/၁- ပန်းပင်ကြီးလမ်း၌ သူ၏ နိုင်ငံခြား Cadet များအတွက် Seamanship, Navigation, English သင်တန်းကျောင်းရှိ၏။ ၁၉၈၄ ခု၊လောက်က ကျနော်နေထိုင်ရာ ဘိုကလေးကျောင်းလမ်းတိုကျဉ်းထဲသို့ ဆိုက်ကားသမားတယောက် စာတိုလေးနှင့်လာရှာ၍ လိုက်ပါသွားရသည်။ သူ့မှာအရေးပေါ်ကိစ္စရှိလာ၍ သင်တန်းသားများအား အင်္ဂလိပ်စကားပြောသင်ပေးရ၏။
ထိုအတွက် ကိုယ်တိုင်လက်မှတ်ထိုးပြီး “နှစ်သစ်ကူး ချစ်ဦးလက်ဆောင် (အသံလှိုင်းကဗျာများ)” စာအုပ် လက်ဆောင်ပေးရာ ယခုဤဆောင်းပါးရေးချိန်ထိ မြတ်နိုင်းစွာသိမ်းထား၍ လက်ဝယ်ရှိနေဆဲပါ။ အင်္ဂလိပ်ကဗျာ (၂၂) ပုဒ်ကို ဘာသာပြန်ထားပြီး ရန်ကုန်ဘဆွေ၊ဗဂျီအောင်စိုး၊ပန်းချီမောင်ငွေထွန်း၊ပေါ်ဦးသက်၊ပေါ်သိမ်းနှင့် ဖေညွန့်ဝေတို့ သရုပ်ဖော်ရေးဆွဲထားသည်။
မျက်နှာဖုံးက ဖေညွန့်ဝေ၏လက်ရာ။
ဘာသာပြန်ခေါင်းစဉ်အချို့မြည်းကြည့်–။ သူရူး၊ ချစ်သူနှင့်ကဗျာဆရာ ( The Lunatic, The Lover and The Poet by W. Shakespeare)၊ နယ်နှင်ခံအချစ် ( Love in Exile by MathhildaBlind)၊ ဇရာအိုစုံတွဲ ( The Old Couple by Patience Strong)၊ ချာတိတ်အရွယ်က ကိစ္စ ( Boy and Girl Affair) —စသဖြင့်။ ဘယ်လောက်လှလိုက်သလဲမောင်သော်က ဘာသာပြန်ပုံက။
သို့သော်လည်း မဆလ ခေတ်နေ၀င်ချိန် ဘက်စုံပျက်နေ၍ စက္ကူညိုညစ်ညစ်၊ ရေရောမင်နှင့် ၀ိုးဝါးဝါး၊ နှမြောဖွယ်ကောင်းလေစွ။ ယခုလို စက္ကူဖြူဖွေးဖွေး– ပန်းချီကျော်ကြီးများ၏ လက်ရာရောင်စုံများ ဖော်နိုင်သည့် ပုံနှိပ်နည်းပညာသစ်နှင့်ဆို–၊ ကျနော်အဖို့မူ စိတ်ကူးဆန္ဒထက် မပိုနိုင်။ သွားလေသူ မောင်သော်ကမှာ သွေးရင်း သားရင်းတွေ ဒုနှင့်ဒေး။
သူတို့မှာသာ လုပ်ပိုင်ခွင့်ရှိသကိုး။
(၅)
ကျနော် ဘန်ကောက်တွင် အလွတ်သတင်းထောက်လုပ်နေစဉ် ABSDF မှာ အယ်ဒီတာမိဆူးပွင့် တောင်းဆို၍ “မောင်သော်ကသို့ အမှတ်တရ” ဆောင်းပါး “ဒေါင်းအိုးဝေ” အတွက်ရေးပေးဖြစ်သည်။ ‘ထိုနေ့က မိုးမရွာနေသာ၍ လူစည်ကား၏၊ အချိန်နီးလာသောအခါ ပရသတ်ပိုများမလာပဲ ခပ်ကျဲကျဲခပ်နည်းနည်း ဖြစ်သွားလေပြီ၊ မောင်သော်ကသာ မျက်စိဖွင့်ကြည့်နိုင်လျှင် သူနှင့်အရင်းနှီးဆုံးမတ်ဆွေ လုပ်ဖော်ကိုင်ဖက်များ လျော့နည်းနေပြီး သတင်းပေး သတင်းယူ ထောက်လှမ်းရေးသမားတွေသာ ပိုများနေကြောင်း တွေ့မြင်ရပေလိမ့်မည်၊—မောင်သော်က အလလောင်းမြေချချိန်နှင့်ကိုက်၍ NLD အစည်းအဝေးလုပ်ကာ ရှောင်နေကြ၏၊ –‘ စသဖြင့် ကျနော်ရေးသားခဲ့ပါသည်။
ဘန်ကောက်မြို့တွင် Burma Information Group ကထုတ်ဝေသော Daeth in Custody (March 1944) ကို “န၀တ အကျဉ်းထောင်ထဲမှ အာဇာနည်များ” ဟုနာမည်ပေးဘာသာပြန်ရာ၌ မျက်နှာဖုံးမှာ ပန်းချီမောင်ဟန်၏ မောင်သော်ကပုံတူ။ မောင်သော်ကရေးစပ်သွားသော “ဇာတ်ဆရာ” “မီးခြစ်တဆံ” နှင့် “မတရားသက်သက် ရက်စက်လေတော့သည်” ကဗျာ၃ ပုဒ်အပြည့်ပါ၏။
ဒေါင်းအိုးဝေ (ABSDF) တွင် မောင်သော်က အကြောင်း ကြေးမုံဦးသောင်းရေးခဲ့သည့် “လူကိုခွေးသတ်ခြင်း” ဆောင်းပါးလည်း ပြန်လည်ထည့်သွင်းဖော်ပြထားသည်။
၁၉၉၅ ခု၊ ကျနော် Washington DC VOA မြန်မာပိုင်းသို့ရောက်လာပြီးနောက် မောင်သော်က ဂုဏ်ပြု အစီအစဉ်တခု ထုတ်လွှင့်ခဲ့၏။
လက်ဝယ်ရှိ သူ့လက်ဆောင် ကဗျာစာအုပ်နှင့် သူ့အကြောင်းရေးသားကြသည်များ စုပါင်းကာစာအုပ် ထုတ်ဖို့ကြံစည်ဖူးသည်။ သို့သော် စာသာရေးနိုင် စာအုပ်အဖြစ်မဖန်တီးတတ်၍ ဆန္ဒမပြည့်ခဲ့ပါ။
(၆)
လူသန်းပေါင်းများစွာနည်းတူ မောင်သော်ကလည်း အရက်သောက်၏။ အရက်ကိုလည်းကြိုက်၏။ အရက်အကြောင်းရေးတိုင်း ဖတ်ကောင်း၏။ သူ့မှာဟသရှိ၍ အရက်နှင့်ပတ်သက်ပြီး နောက်ပြောင်ပုံများမှာ ပို၍နားထောင်ကောင်းသည်။ ထို့နောက် တဆင့်တဆင့်နှင့် မောင်သော်ကနှင့်အရက်–အရက်နှင့်မောင်သော်က ရေားလားထွေးလား နောက်တီးနောက်တောက် စော်ကားမော်ကား ပြောဆိုကြ ရေးသားကြသည်၊အထူးသဖြင့် သူမဖြေရှင်းမချေပနိုင်တောသည့်အချိန်၌။
မောင်သော်ကသည် အရက်နှင့် မျက်နှာသစ်သော ယစ်ထုတ်ကြီးလော။
သူ့ကိုယ်စောင့်နတ်မဟုတ်၍ ကျနော်အတတ်မပြောနိုင်။ နှစ်စဉ်နှစ်တိုင်း တလတိတိ အရက်လုံးဝမသောက် သူရှောင်၏။ ထိုအကြောင်းကိုမူ သိသူနည်းပြီး သိသူများရေးသည်ကို ကျနော်မဖတ်မိ၊ ပြောသံမကြားမိ။ ဦးနေ၀င်း သေလျှင်ပွဲလုပ်ဖို့ ၀ီစကီတပုလင်း ကျနော်အပါအ၀င် မိတ်ဆွေများအား မောင်သော်က ပြော၏၊ ပြဖူး၏။ သူ့အားဖမ်းဆီးရာ၌ ထိုဝီစကီပုလင်း ပါမသွားနိုင်သည်မှာ သေချာပါ၏။ သူသာသေသွားပြီး ဦးနေ၀င်းက ၀ီစကီသောက်လို့ကောင်းဆဲ။
အရက်၏အဆိုးအကောင်း ကျနော်ရေးသားနေခြင်းမဟုတ်။
အရက်ကိုဖယ်ပြီး မောင်သော်ကအား လေ့လာခြင်းပါ။ ကိုမင်းရှင်မိတ်ဆက်ပေး၍ စသိသောနေ့စွဲ မမှတ်မိတော့၊ သို့သော် ၁၉၉၁ ခု၊ ဇွန်လ ၁၂ ရက်နေ့ကိုမူ မေ့လို့မရ။ ကိုယ်ပိုင်အိမ်တွင် မွေ့ရာပေါ် ဇိမ်ကျကျ အိပ်နေကျသူကြီး ထောင်တွင်းသံမံသလင်းပေါ် အိပ်ခဲ့ရ ညှင်းပန်းနှိပ်စက်ခံရပြီး သူချစ်သောပြည်ကို ခွဲခွါသွားသောနေ့မို့ပါ။
မြေကြီးတွင်းထဲ ပိတ်ဖြူနှင့် ပတ်ထားသော မောင်သော်က၏ မျက်နှာကိုပင် မမြင်ရ။ ၂၆ နှစ်ပြည့်ပြီ၊ မောင်သော်ကနှင့်အရက် ရောကာထွေးကာ ရေးနေကြပြောနေကြဆဲပါ။ ထိုအခါ မောင်သော်က အင်းစိန်ထောင်ထဲ ရောက်သွားချိန်ကစ၍ နောက်ဆုံးအသက်ရှူသွားချိန်သည်၊ သူ့ဘ၀ အချိန်အကြာဆုံး အရက်မသောက်သည့် ကာလဟု အရက်နံ့ကင်းသည့် “နှစ်သစ်ကူး ချစ်ဦးလက်ဆောင်” ကဗျာစာအုပ်လေး ငေးရင်းတွေးမိကြောင်းပါ။
၂၀၁၇ ခု၊ ဇွန်လ (၁၀) ရက်နေ့။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s